Matius 24:49 - ALLAH ANE WENW KET MEKE WAROGO WOKNINAKHIKHE WENE

⁴⁹ agarlak lak inoe kok etnogo atuaneke meke aperek tugi inakhik, it ap anggur apusu hunu-hunu paluogoluk nekarek meke inom dapukhogon dogolik, hipiri men, anggur apusu iti meke men, nikik,

Matius 24:49 ပူးပေါင်းရင်းမြစ်များ

Matius 18:28

Itithogon la'isikhemo, at atuaneke etnogo olilu dukhisikhe hak, at agarlak ap kok etnogo atuaneke ageikhe, at ap dukhisikhe etnogo auang 1.000 meke herlekha'bugat wogokhikhe meke oba palegeke werekma ipisak abuk agoukha. Abuk agoukhasik ebe hakhasikhesik arlokop ade pethelogo hago dogolik, Nameke hoba palegeke werek etnogo oko woknom, iluk yogokhikhemo

Matius 24:48

Mekeat he, at atuaneke meke iti, obabut weak halok he, akla nen, Noe etnogo ibat wiriogo dek. Dogoluk nen wisigin higi, iluk,

Matius 24:50

hagakhe dogolik, at nen, Noe etnogo itinem, jam iti baga wisigin, iluk, okodek motok akhiragat werekma oe kok etnogo wisigin o.

Matius 7:15

Itithogon yogeisasikhesik ageikhe men yogeisasikhe, “It aperek inekalat Allah ane yogeisegarek meke thalek hinoba witluk nen, hinakla kagalinogo iluk, hinobabut hebelogo dogono o. It iti inelokhoken domba ena meke hakene hagarogo nen wisugun mekeat he, inetaiken akla re, yeke helo yeke anini weak meke hakene wisugun o.

Yohanes 2:10

Ane hakhasikhemo wageikhemo nen, men yogokhikhe, “Werlak! Akhuni tha'bokhogonat nen anggur eken apusu ituk hano meke alebageik wogeisugunem, ina'ithogon nasi halok, yabokane anggur apusu ituk erlok dek negen wogeisegarek meke re, hat anek he, anggur apusu ituk hano meke henago 'biluk welagatik nen yabokane winametdegen yi, nayuk!” iluk yogokhikhe.

Roma 16:18

It iti, ninoe Etagapogot Kristus apma dogolik, at hasik hagariogei 'buk. We, inekaerek inakla warlok meke hagariogei o. Itithogon hagakhe dogolik, inane hano igik, enago igik, ekhe dogolik, it akhuni aperek inobabut, “I o,” anek egarek meke iti nukhetdisiliogei iti.

2 Korintus 11:20

Itithogon hagakhethep iti baga, hit hinebe it nen inapma 'binagaluk, hinapiri motok tha'bokhogon nikik, hinameke iniki abusak horligik, “Hit erlok dek meke re, nit anek he, kok,” iluk inekaerek nen inakeke 'bakhigik, hinelokhoken dapukhogon hinakhik, hagakhe korlek hinobakhanini hapugutdiluk welagap yoma re!

Filipi 3:19

It iti inetaiken Allah oba hakotdiluk dogosak mekeat he, inoba agaken dageiluk hagakharek iti meke baga hakotdiluk dogolik, inekarli asusak mekeat he, hano thalek iti hasigat inekarli dek hogorakhiliogei iti o. Itithogon hagakhe dogolik, inetaiken yi warlok ti warlok, wene agat oba meke oba eberiogei iti, ilugun oba arat nuk asugun o.

1 Petrus 5:3

Allah a'buri therisik dogoagaluk supusogo wokhisasikhe iti therisik dogolik, hinebe kok negen dogolik, hinane hithani-hathani negen hagarinakhe dogogup. Hit hano hagakhunem inileken hisalok hinobabut waganogo hagakhe dogoagaluk, hano hagakhe dogono.

Yudas 1:12

Hit hinagarlak lak hinerugi inebe hinakmu nen hipiri hinom opakimo natogorlogo isago nukunem, it ap iti inekarli degat hinoba ukitluk nen, akhuni aperek therisik welageidek inekaerek hasik anek oba ebekhe dogolik hinom neke lagap iti, weak o. Su hano morla werekma mirli meke oba dabulagarek iti hak, hinom weak neke lagap iti o. Inebe re, oisa miso nigin dek mekeat hisakne nen obatneak wolok lagarek iti hak lageikharek o. Nen, ageikhe, o eken ikhidek, eka motok dek atlukmo, omaken inom henukhunem motok puk agarek iti hak werek o.

A'bikaka 13:7

Iti hakeneat, akhuni inukuloak etaga tomok, inane tomok, inoado tomok, inai tomok, tha'bokhogonat at nen apma 'bisalok hagasik dogoagaluk meldekhemo iteerek atluk, Allah a'buri inom wim yakhe dogolik, obatne degetdisekhe laga higi.

A'bikaka 16:6

Nen, it ap iti nen, hat ha'buri inom, hat hane yogeisegarek meke inom, inamep ulabogo inakhukhasikmo, mep noagaluk wogeisegen iti, inobabut oba mothogonat wogeisegen o, nopase,” iluk yogokhe laga nasuk holhi.

A'bikaka 17:6

Nen, he iti nen, Allah a'buri meke inom, Yesus ane yogeisilik nekharek meke inom, inakhikhe meke inamep nekesik, akhuni nen anggur eken apusu nalok hunu-hunu ageikharek hak, hunu-hunu agasikmo lakhigi. Itithogon lakhigirik nen motok hogorakhi.