Matius 24:33 - ALLAH ANE WENW KET MEKE WAROGO WOKNINAKHIKHE WENE

³³ Itithogon hagatlasigin, iluk yokhisigi etnogo, ebe tha'bokhogonat hagatlagunem hinileken halok nen, Yogo. O ilugun oba hagatlasigin etnogo horok asi aga higi, iluk, hinakla apano o.

Matius 24:33 ပူးပေါင်းရင်းမြစ်များ

Matius 24:32

At Yesus nen itithogon yogeisasikhesik, yabokane ageikhe men yogeisasikhe, “Wene yi o ara oba lisogon yokhisagein yi hutdisano o. O eka dabeligiluk hagakherek etnogo meke oba lisogon yokhisak. O ara iti eka lologo usekherethek yabokane asi'bat dageigik, eka dabelhik, hagakhunem, hinileken halok hinakla nen, Yogo. O arat hibi asigin higi, iluk hinakla hutdegethep iti hak, an nen,

Ibrani 10:37

Allah ane baga yigithogon holal waganek werek, “At wisigin meke iti il opaki dogoluk nen wisigin. Erapigat dogoluk nen wisigin dek o. Ibat-ibarat wisigin o.

Yakobus 5:9

Nagarlak lak nerugi. Itithogon therogo dogolik, Allah nen wene hinoba 'binogo iluk, hit-hit ekhe dogolik, “Nagarlak iti hagariogo na'it o,” iluk inabok palhidek dogono o. At Allah nenat wene akhuni inoba 'bigik, kokhik, hagasigin iti holagapema horok asi aga iti 'bikhani!

1 Petrus 4:7

Yi meke ti meke tha'bokhogonat ilugun oba hagatlasigin meke horogat asi aga iluk, sembayan ekhe dogouogoluk, hinetaiken thebekhogon dogolik, hinobabut hebelogo dogono.

A'bikaka 3:20

Lakhani! An nebe holagapema metek dogolik, thu ane puputhekhe lagei o. Itithogon puputhasinem, tha nen nane asuk holiluk nen, thu hualneagein halok, an at oba 'bikha ukiluk nen, nipisak hipiri nasi nagarlak-hagarlagat dogogun o.