Matius 24:3 - ALLAH ANE WENW KET MEKE WAROGO WOKNINAKHIKHE WENE

³ Itithogon yogeisalok, tom Zaitun ukul oba dageisikhesik hurek werekma, at ane waganhe lagoukha meke emenogo oba wagoukhasik inarligat dogolik, men yogokhukha, “Hat nen yoknisegen etnogo, mera nen hagatlasigin? Hat hebe wageik, o ilugun oba hagatlageik, arat hagatlasigiluk hagakhe korlek, nena meke tak hagatlagunem nit ninetaiken eketlasugun. Wene hutukhogon yoknisan,” iluk yogokhukhama,

Matius 24:3 ပူးပေါင်းရင်းမြစ်များ

Matius 13:36

Itithogon yogeisasikhesik nen, akhuni doalegat emenogo etoma werek korlek, at Yesus ebe uma ukisikhemo, at agarumi ane waganhe lagoukha meke emenogo oba ukisukhasik nen, men yogokhukha, “Wene, oka weak meke wen oba nen dukhisikhe meke oba lisogon yakulnisegen etnogo ebe pilinerogo yoknisan o,” iluk yogokhukha.

Matius 13:49

o ilugun hurli baga itithogonat hagatlasigin o. It malaikat Allah nen pogot oba nen yoko usa'isa agarek meke emenogo witluk nen, akhuni inobabut weak meke emenogo it akhuni Allah akla apekherek meke mothogon anek hagakharek meke inom opakimo werekma, inaklake nen lisogo ula'isalok,

Matius 15:12

Itithogon yogeisasikhemo, at agarumi ane waganhe lagoukha meke emenogo oba wagoukhasik nen, men yogokhukha, “Wene yoknisegen etnogo, it ap Farisi meke nen inasuk holhasik nen, ua palha iluk, hat nen ekagat hutdisegen a? Dek a,” iluk yogokhukha.

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Matius 16:28

Nen, hit metek welagap yoma meke hinebe aperek watlageidek dogolik, an abat itaklasi agagi etnogo kok Netagapogot dogeigiluk akhuni tha'bokhogonat napma 'bisa agunem hinileken neagunat o, iluk eberogonat yokhisigi,” iluk yogeisasikhe.

Matius 17:19

Hano ageikhemo re, it Yesus agarumi ane waganhe lagoukha meke emenogo oba wagoukhasik inom inarligat dogolik, men yogokhukha, “Nit nen, at mokat obabut weak meke iti mukhogo ula'usak erlok dek iti nikithogon nen,” iluk oba hinok waganhukhama,

Matius 21:1

At Yesus akhuni inom lagoukha meke emenogo inom kota Yerusalem ukuogoluk horokhogon asi lagoukhasik, tom Zaitun apma o ukul Betfage mot-mot asi dageisukhasik, Yesus nen it at ane waganhe lagoukha meke emenogo inebe pere alebageik la'isasikhe.

Matius 24:27

Iti re, an abat itaklasi agagi etnogo wisigin he, o yabok o mo dagei agarekma eloma nen opaki hasigat yegethasinem, o mo ukekherekma yibakha lagarek iti hak wisigin o,” iluk itithogon yogeisasikhesik,

Matius 24:30

Itithogon hagakhe korlek, an abat itaklasi agagi etnogo arat wisigin iluk, akhuni inetaiken ekerlogo hutduagaluk pogot oba ageikhe hagatlatluk oba nen, akhuni inukuloak etaga dopok deku makhe korlek nobatnerogonat oisa akla usa'agunem, inileken nealok kokhogonat hogotnabugun o.

Matius 24:37

It akhuni ap Nuh werek oba eta hagakhe lagoukha tak-tagat, an abat itaklasi agagi etnogo yabokane itithogonat hagakhunem wisigin o.

Matius 24:39

Ku akla ukiluk werek korlek, it akhuni emenogo inokodegat werekma, i arat thaluk-paluk dageikhe dogolik motok hotnokhogon inakhikhe. Iti hak he, an abat itaklasi agagi etnogo yabokane wisigin tak-tagat he, itithogonat hagatlasigin o.

Matius 24:43

Nen, ap aila iteerek meke ageikhe akla nen, O yogotak hibako, jam iti baga naila yoma ap ageikhe iki abusak waganigiluk ukisigin, iluk, ilu dogolepma re, at ebe aila iti thuam motok werekma, aila o pin talogo iki abusak wagani ukilep dek, iluk, hiniluat apigi.

Lukas 21:7

Wene itithogon yogeisasikhemo, it nen, at Yesus oba hinok waganhe dogolik, men yogokhukha, “Noe! Wene yoknisegen iti mera nen hagatlasigin. Ebe hagatlasigiluk hagakhe korlek, ki meke hagatlagunem ninetai ekerlogo dogogun,” iluk yogokhukhama,

La'isasikhe 1:7

Yogokhukhama, at Yesus nen men yogeisasikhe, “Wene egep iti,an nopase iteerek nen akla apasikhe tak-tagat hagatlasigin iti nen, hit nen, Hurli iti hurli baga dogoluk hagatlasigin, iluk hinilurogon dogosak erlok dek o.

Ibrani 9:26

At nen he, it alep hagakhe lagoukha iti hak hagatlepma re, agat walhasikhe hurli nen lok-logat nit yogotak ya hurli, yi aik ti aik hekhe dogolik iki eran-alebat watlaga dogolep. Itithogon mekeat he, o ilugun oba nit weak hagakhorek meke degetdisagaluk iki opaki hasigat kambing sapi Allah waresu hak, ekaerek ebe watlasi ageikhe iti.