Matius 24:17 - ALLAH ANE WENW KET MEKE WAROGO WOKNINAKHIKHE WENE

¹⁷ Lo dagouogoluk halok, akhuni aperek o warleke baga dageiluk werekma, inapuke usatluk nen inameke yi meke ti meke uma wagani ukusak dek o. Lo piokthegat dagouak o.

Matius 24:17 ပူးပေါင်းရင်းမြစ်များ

Matius 10:27

Nen, an nen hit o mummo yokhisigi meke, hit nen o lia baga ekhe dogono. Nen, hinasukmo nane la'bi-la'bo yokhisigi meke iti, hit nen o warleke isiken oba dageiluk hinane pakhogon yogeisekhe dogono o.

Matius 24:16

akhuni o Yudea eloke meke etoma lo tom obake dagouak o.

Matius 24:18

Nen, it akhuni aperek wen atomke nen, hipirikamake nen, inapuke uma inasu wagani ukigidek etoma nenat lo piokthegat dagouak o.

Matius 6:25

An nen itithogon yokhisigi iti nen, hit hinakla nen, Niniluk dogouogoluk hipiri men, i men, ki meke nugun. Nen, ninebe su ki meke isugun, iluk hinelabut hisikhogon wene munini uan 'bero ebekhe dogunogo iluk yokhisigi. Nekarek meke iti kogat nogo? Hiniluk welagap iti kogat apigi. Su ikharek meke iti kogat nogo? Hinebe iti kogat apigi.

Lukas 12:3

Itithogon hagasigin iti nen, hit o mummo dogolik ekhe lagap meke iti, o lia baga isinem tha'bokhogonat inasuk holugun o. Nen, uma dogolik hinane hok-hok inasukmo ekhe lagap meke iti, o warleke isiken oba dageiluk inane kokhogon yogeisugunem holugunat o,” iluk yogeisasikhe.

Lukas 5:19

Itithogon hagasuogoluk hagakhukha meke re, akhuni motok kerlekhogonat nen, nikithogon wolok uku heat hagatlageikhemo, ap etnogo o warleke baga wolok dageisukhasik nen, supuk talogo dit talek noge ekhe lageikhe meke etnogo ebe talek motogat akhuni doalegat emenogo inakerlekla turlem, at Yesus werekma mot-mot elokhoma earogo usa'isukha.

La'isasikhe 10:9

La'isasikhemo, it etnogo hubenke holagarlem lagoukhasik o Yope horogat ukuogoluk laga korlek, at Petrus etnogo dikene jam 12 sembayan igiluk o warleke thabia talekma dagegarekma dageisikhe.