Matius 23:8 - ALLAH ANE WENW KET MEKE WAROGO WOKNINAKHIKHE WENE

⁸ Meke re, hit hinopase guru wene yakulhisekherek meke opakiat anek werek iti nen, hinagarlak lak hinerugi hinom tak-tak halok he, it aperek nen, Guru nopase, iluk yokhisausak motok dek o.

Matius 23:8 ပူးပေါင်းရင်းမြစ်များ

Matius 10:25

Meke re, it yekerugi iti inopase guru iti inom tak-tak hagatlageik, nen, it inatuaneke meke iti inopase lak inom tak-tak hagatlageik, hagatlasumo, erlogat o. It akhuni inoe o iteerek meke iti weak iluk etaga Beelzebul isi halok, it at agarumi inom opakimo meke iti, itithogonat inetaga weak kogat ekhe dogogun o,” iluk yogeisasikhe.

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 23:10

Nen, hinoe wene hinasuk wakherek he, an Kristus narligat halok he, it akhuni aperek nen, Ninoe, iluk, hit yokhisausak motok degat o.

Matius 23:7

akhuni nen, Guru nopase, iluk heagei warinakhik, pasar oko waganharekma etoma akhuni nen inane agugurogo yogeisigik, hagakhe dogoagaluk etoma lageik, hagakhe dogou warlok nen welageikharek iti.

Matius 26:25

at Yudas, Yesus wasuagaluk yoko lageikhe etnogo nen he, “Halok he, noe. An a? An dek apigi,” isikhemo at Yesus nen, “Hat mekeat ekhe lagan,” iluk yogokhikhe.

Matius 26:49

at tak Yesus oba wageikhesik nen, “Noe o,” iluk, ape tharluk heagei wakhunem,

Markus 10:51

Wageikhemo, at nen men yogokhikhe, “An nen nikithogon hagathabuagaluk yoknekhen,” iluk hinok waganhikhemo ap ileken puk meke etnogo nen men yogokhikhe, “Noe. Nileken hano hagatnabinogoluk yokhikhi o,” iluk yogokhikhemo,

Markus 11:21

Hasukhasik, Yesus nen o ara yogokhikhe meke etnogo, at Petrus akla ebekhikhesik men yogokhikhe, “Noe. O ara homan 'begen etnogo arat puk agama yi hileken 'bikhan o,” iluk yogokhikhemo,

Markus 14:45

Wagoukhasik at Yudas etnogo Yesus oba horokhogon wageikhesik, men yogokhikhe, “Noe,” iluk ape tharluk heagei wakhikhe.

Markus 9:5

Itithogon hisasukhasik, at Petrus nen Yesus men yogokhikhe, “Noe. Nit o yoma hano welago higi. Halok he, nit nen orlisa henagan, hat hobasik ageikhe, Musa obasik ageikhe, Elia obasik ageikhe, haldinagagin o,” iluk yogokhikhe.

Lukas 22:32

hat hetaiken noba hakotdiluk welagan meke iti obatne dek asinogo iluk, hat hobasik an Allah ayoko arat 'bigima. Hobabut hebelagan halok he, hagarlak lak yoma hat nen inetaiken ago watdisekhe dogono o,” iluk yogokhikhe.

Yohanes 1:38

Itithogon oporlik lagunem, Yesus nen ileken dagakhogon 'birisekhe dogolik, men yogeisasikhe, “Nagarumi. Hit nena meke herarik wagap,” iluk yogeisasikhemo, it nen, nit ninane baga, “Wene yakulnisegetek meke noe,” iluk u hak, inane baga, “Rabi noe. Hat hai o koma welagatek meke,” iluk yogokhukhama,

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 11:8

Itithogon yogeisasikhemo, it nen men yogokhukha, “Noe. Ap koktek Yahudi meke nen ket yiat helekit oba hasuogoluk hagakhe lageikhama dagei agan etnogo meke, hat yabokane hapuke o etomaat usasigiluk ekhe lagan a?” iluk isukhama,

Yohanes 20:16

at Yesus nen yogokhe dogolik, “He Maria,” iluk yogokhunem, Maria elokhoken dagakhogon Yesus wogotluk, nit ninane baga, “Guru noe,” u hak, it Ibrani meke inane baga, “Rabuni,” iluk heagei wakhikhe.

Yohanes 3:2

Nen, ap iti o hibako iniki ageikhe baga Yesus oba wageikhesik nen, men yogokhikhe, “Noe. Ap ageikhe Allah ipisak hunik dek halok he, hat nen elalin meke hagarik nekhe lagan iti hak, hagasusak motok erlok dek. Iti nen, hat nen wene yakulnisoagaluk Allah nen la'agei agama wagan iluk ninilu aga,” iluk yogokhikhe.

Yohanes 3:26

Wene palhe lagoukhasik nen, Yohanes oba lagoukhasik, nen yogokhukha, “Noe. Ap ageikhe hat hipisak i Yordan aik ilibaganke dogolik, at hasik abok pakhogon yoknisegen meke etnogo nen ima usa'isugunem akhuni inebe tha'bokhogonat at oba wiriogei o,” iluk yogokhukha.

Yohanes 4:31

'Bikha isuogoluk aban waga korlek, Yesus agarumi ane waganhe lagoukha meke emenogo nen men yogokhukha, “Noe. Hat hipiri tak nan o,” iluk inane hathigik yogokhukha.

Yohanes 6:25

It akhuni emenogo itali agoukhasik, at Yesus o Kapernaum werekma oba wagoukhasik nen, men yogokhukha, “Noe. Hat o yoma mera wagan,” iluk oba hinok wokhasukhama

Yohanes 9:2

Itithogon ileken hasikhemo nen, at agarumi ane waganhe lagoukha meke emenogo nen Yesus itema waganhukha, “Noe. Ap ileken puk ithi, erlo at ekaerek nen weak hagakhikhemo nen a? At he, erlo agosa opase nen weak hagakhukhama nen itithogon itaklageikhe a,” iluk yogokhe lagoukhama,

2 Korintus 1:24

Hit hinetaiken Allah oba hakotdisigip meke iti, eberogonat iluk hinetaiken hapukhogon welagap iti nen, nit nen, “Hinetaiken iti meke oba hakotdusak,” iluk ninane obatnerogon yokhisagun dek o. At he, hit hinakla arleken akhobageik iluk yomakhisekhe lago iti.

2 Korintus 4:5

Wene yogeisilik nekhe lago iti, ninekaerek hagakhorek wene 'buk. Dek o. At Yesus Kristus hagakhikhe mekeat o. At Yesus ebe ninoe Etagapogot iluk, nit at hasik hit hinatuaneke welago, iluk yogeisogorek iti.

Efesus 3:15

It pogot oba welageikharek meke inom, nit agat oba yoma welagorek meke inom, ninopase lak tomok yogeisekhe dogolik, “Ninopase,” iluk, ogorek iti, ninopase erlo Allah meke oba lisogon ogorek iti o.

Filemon 1:16

At yabokane hat hipisak dogogun iti, ebe hatuaneke dogolik, hat hasik hagakhe dogogin mekeat he, iti anek 'buk. At he, at ebe Allah a'but agasik ninagarlak ninakmu mekeat dogogin iti. At nen he, an nakmu mekeat dogolik, an hasik hano motok hagariogo iti, herlekha'bugat o. Hat hasik anek he, an ebe agat oba hatuaneke dogolik, hagarlak hipisak ninoe Etagapogot hinom hunik dogogun iti nen, ebeluk hetaiken motok hunik dogono.

Yakobus 3:1

Nagarlak lak nerugi. Nit akhuni yakulisogorek meke weak hagakho halok he, Allah nen yabokane akhuni aperek initema waganogo inoba wene herlekha'bugat negen 'bigin mekeat he, nit anek he, wene kogat ninoba 'bigin o, hinilu iti nen, hinebe doalegat akhuni yakulisegarek meke asuogoluk apugup o.

1 Petrus 5:3

Allah a'buri therisik dogoagaluk supusogo wokhisasikhe iti therisik dogolik, hinebe kok negen dogolik, hinane hithani-hathani negen hagarinakhe dogogup. Hit hano hagakhunem inileken hisalok hinobabut waganogo hagakhe dogoagaluk, hano hagakhe dogono.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.

A'bikaka 22:9

Itithogon mekeat he, at nen men yoknekhe, “A! An itithogon hogotnabusak dek o. An nebe, hat men, hagarlak lak aperek at Allah ane yogeisegarek meke men, it aperek inebe tha'bokhogonat wene holal waganek yi inasuk hologo mothogon hagakhe dogogun meke men, ninom tak-tak, ninebe at Allah atuaneke anekma, hetaiken at Allah oba hakotdiluk, at anek hogorasusak o,” iluk yoknekhe.