Matius 23:37 - ALLAH ANE WENW KET MEKE WAROGO WOKNINAKHIKHE WENE

³⁷ At Yesus nen itithogon yogeisasikhesik, ageikhe men yogeisasikhe, “Eiye! Hit akhuni o Yerusalem meke yi nakmu lak e! Hit nenat ap Allah ane yogeisegarek meke inebe inakhik, ap Allah nen inayoko 'biluk la'isa agarek meke helekit oba tamuk-hamukhogon inakhik, hagakhep iti nakmu lak e. Thue ayam isa ilu a'bikha akla natogorlogo 'bisekherek hak, an nen hibiku-yogokuat hit o yoma welagathep meke tha'bokhogonat itithogonat natogorlogo 'binageiluk iluk nakla apegerek mekeat he, hit nen, Nina'it, egethep iti, nakmu lak e.

Matius 23:37 ပူးပေါင်းရင်းမြစ်များ

Matius 22:3

Isakhe dogolik akhuni inayoko 'bisikhe meke nasuagaluk, at atuaneke meke aperek men yogeisasikhe, Akhuni inayoko 'bigi emenogo wisuak nen woginabi lani o, iluk, la'isasikhe meke re, it inayoko 'bisikhe meke iti ina'it nen wageidek huk agoukha.

Matius 22:6

it aperek nen, at kok atuaneke la'isasikhe meke emenogo inebe ha'isalok tugi inakhik, inebe motok ka'bukhogon inakhik, hagakhukha.

Matius 23:30

Nit ninebe yi it ninopa lak alebageik welagoukha eta ninom dogoloma, nit ninom nen it ap Allah ane yogeisekhe lagoukha meke iti inatlo dek o, iluk

Matius 23:31

hinekaerek nen ekhe lagap iti, Nit ninebe, it ap haganeat Allah ane yogeisekhe lagoukha meke nit ninopa lak nenat inakhukha iti nen itago meke welago, iluk u hagat, ekhe lagap o.

Lukas 15:28

at ap makusa meke etnogo akla aga dageiluk nen, aila ukusak akla motok puk ageikhesik werekma, opase etnogo oba dukhi ageikhesik nen, ane erogat, Uki lu o, iluk yogokhikhe.

1 Tesalonika 2:15

It ap Yahudi meke nenat, it ap haganeat Allah ane yogeisekhe lagoukha meke inebe inakhik, ninoe Etagapogot Yesus ebe wakhik, hagakhukha hagat, nit yi aik ti aik hagatninabiogei iti, Allah nen hano iluk apekherek dek. Akhuni inom weak anek hagakhe dogolik,

A'bikaka 17:6

Nen, he iti nen, Allah a'buri meke inom, Yesus ane yogeisilik nekharek meke inom, inakhikhe meke inamep nekesik, akhuni nen anggur eken apusu nalok hunu-hunu ageikharek hak, hunu-hunu agasikmo lakhigi. Itithogon lakhigirik nen motok hogorakhi.