Matius 23:11 - ALLAH ANE WENW KET MEKE WAROGO WOKNINAKHIKHE WENE

¹¹ Halok he, hit ya re, at tha nen ageikhe kok werek halok, at iti hinatuanekeat asuak o.

Matius 23:11 ပူးပေါင်းရင်းမြစ်များ

Matius 23:10

Nen, hinoe wene hinasuk wakherek he, an Kristus narligat halok he, it akhuni aperek nen, Ninoe, iluk, hit yokhisausak motok degat o.

Markus 9:35

Huk agoukhama at hurek lageikhesik, agarumi inebe 12 emenogo, “Horokhogon ya witni o,” iluk yogeisasikhemo wagoukhama men yogeisasikhe, “Hat ageikhe it ap yoma inoe hetagapogot asusak warlok halok he, inebe tha'bokhogonat inagot atluk inatuaneke asusak o,” iluk yogeisasikhe.

1 Korintus 9:19

An he, akhuni inatuaneke welagei 'buk. Nasokneat welagei mekeat he, akhuni inebe doalegat Kristus hasik woginabigiluk, akhuni tha'bokhogonat inatuaneke atluk nekherek o.

2 Korintus 11:23

It iti Kristus atuaneke dogolik, at hasik herlekha'bugat hagakharek mekeat he, an anek he, kogat hagakherek o, iluk, akhuni thinuknuk meke nen egarek hak ageikhe yokhisigi iti o. It he, thet herlekha'bugat negen hegarek mekeat, an he, thet doalegat hegerek o. It he, opaki hasik hakene iniki herle wakhik, tugi inakhik, inebe watlasusak negen motok inakhik hegarek mekeat he, an anek he, hibiku-yogoku niki herle wakhik, tugi nakhik, nebe watlasusak negen motok nakhik, hegerek o.

2 Korintus 4:5

Wene yogeisilik nekhe lago iti, ninekaerek hagakhorek wene 'buk. Dek o. At Yesus Kristus hagakhikhe mekeat o. At Yesus ebe ninoe Etagapogot iluk, nit at hasik hit hinatuaneke welago, iluk yogeisogorek iti.

Galatia 5:13

Nagarlak lak nerugi. Hit hinasokneat dogoagaluk Allah nen hinayoko 'bisikhemo welagap. Itithogon mekeat, hinakla nen, “An nasokneat welagei,” iluk, akhuni inobabut inikhogat dogolik hagakharek meke inobabut waganogo yugunat hagakhe dogogup. At he, wene Allah nen ninasuk wakhikhe wene etnogo tha'bokhogonat dapukhogon wene opakiat yi anek kok hakene isikhe iti, “Hit hinekaerek hinebe hinetaiken hunik welagathep iti hak, it akhuni aperek hinom welagathep meke hinetaiken hunik dogono o,” iluk isikhemo holal waganogo 'bisukha iti nen, akhuni aperek inebe hinakmurogo dogolik hit-hit yomak-yomak hagakhe dogono o.