Matius 22:31 - ALLAH ANE WENW KET MEKE WAROGO WOKNINAKHIKHE WENE

^31-32 Nen, akhuni watlasugun meke Allah nen inilugurinabigin iti anek he, at nen, Abraham inom, Ishak inom, Yakub inom, inopase Allah anat o, iluk isikhemo, at ane holal waganek werek etnogo etaga thalhidek welagap nogo? Etaga thalhethebat o. At Allah akhuni warek meke inopase 'buk. At he, akhuni iniluk meke inopase o,” iluk yogeisasikhemo,

Matius 22:31 ပူးပေါင်းရင်းမြစ်များ

Matius 12:3

at Yesus nen, “At Daud agarumi oporlik lagoukha meke inom hipiri nonaik 'bisasikhemo, at nen hagakhikhe meke Allah ane baga holal waganek etnogo hit nen etaga thalhidek welagap a? Etaga thalhethebat o.

Matius 12:7

Allah ane holal waganek etnogo baga, wene men iluk werek, An Allah nakla nen, akhuni nen inako watnekharek iti na'it o. It akhuni aperek inebe inakmurinakhe dogosak itiat warlok o, iluk isikhe meke iti, hit hutdilepma, it yoma weak hagakhidekma wene inoba 'bilep dek o.

Matius 21:16

Yesus men yogokhukha, “It yekerugi iliogei iti hasuk holhe lagan a?” iluk yogokhukhama, at nen, “I o. Holhe lagei o. Nen, wene men iluk holal waganek werek etnogo hit nen etaga thalhidek welagap nogo? It nen Allah hogorakhe dogolik, Hat hebe hanorogon hogothakhe dogoagaluk, yekerugi ket itago meke men, irlak aban niliogei meke men, motok yakulisegenma higi, iluk isukhama, holal waganek iti hit nen etaga thalhidek welagap nogo?” iluk yogeisasikhesik,

Matius 21:42

Itithogon yogokhukhama, at Yesus nen, “Hit nen Allah ane yigithogon holal waganogo 'bisukhama etaga thalhidek welagap nogo? It nen, It ap tukang o helekit meke halharek meke nen, o ebe halhe dogolik, Helekit yi weak, iluk thogotdisukha meke iti ebe herlagaat hagatlagama o. Itithogon hagatlaga iti, ninopase Allah Etagapogot nenat hagakhe o, iluk, ninileken hogosik nen, Eiye! iluk hogorakhe lago, iluk holal waganogo 'bisukha meke iti etaga thalhe lagap dek nogo? Etaga thalhe lagabat o.

Matius 22:30

Akhuni warek meke Allah nen inilugurinabigin itinem, humi woginakhik, iginakhik, hagakhe dogogun motok dek o. Mekeat he, it malaikat pogot oba meke welageikharek iti hakeneat dogogun o.

Matius 9:13

Allah ane ageikhe men isikhe, An Allah nakla nen, akhuni nen inako watnekharek iti na'it o. It akhuni inamurinakhe dogosak itiat warlok o, iluk isikhe wene iti hutdi lani o. An wagagi iti re, akhuni inobabut hano hagakharek meke inayoko 'bigiluk wagagi 'buk. Dek o. Akhuni inobabut weak hagakharek meke iti inayoko 'bigiluk wagagi o,” iluk yogeisasikhe.