Matius 22:21 - ALLAH ANE WENW KET MEKE WAROGO WOKNINAKHIKHE WENE

²¹ it nen he, “Ithi Kaisar at o,” iluk yogokhukhama, at Yesus nen, “Kaisar ameke halok he, Kaisar wogokhik, Allah ameke halok he, Allah at wogokhik, hagasusak o,” iluk yogeisasikhemo,

Matius 22:21 ပူးပေါင်းရင်းမြစ်များ

Matius 22:20

at nen he, “Yi tha elokhoken hagarek oba etaga holal waganek werek?” iluk yogeisasikhemo,

Matius 22:37

at Yesus nen he, “Wene kok he, at Musa nen, Hinetaiken men, hinobabut men, hinakla men, opakiat atluk, ninopase Allah Etagapogot ebe itiat hinetaiken hunik dogono o, iluk isikhe iti,

Matius 4:10

at Yesus nen, “Hat Iblis yi horla lan o. Allah nen ekhe dogolik, Hit nen, hinopase Allah Netagapogot anat hinitibagal yukukhogon napma ukitluk hogotnakhe dogolik, an nobasik anek hagakhe dogono o, iluk isikhemo holal waganogo 'bisukhama werek o,” iluk yogokhikhe.

Markus 12:17

at Yesus nen men yogeisasikhe, “Kaisar meke halok he, Kaisar at wogokhik, Allah meke halok he, Allah at wogokhik, hagakhe dogono o,” iluk yogeisasikhemo it nen, “Eiye! Nayuk o,” iluk hogorakhukha.

Lukas 20:25

Itithogon yogokhukhama at Yesus nen, men yogeisasikhe, “Halok he, Kaisar meke halok Kaisar at wogokhik, Allah meke halok he, Allah at wogokhik, hagakhe dogono,” iluk yogeisasikhe.

Lukas 23:2

Wagoukhasik wene oba 'bekhe dogolik, men yogokhukha, “Ap yi nen akhuni nit meke nukhetdisigik, uang pemerintah meke hasik ap kok Kaisar etnogo wogosusak dek o, igik, Hinoe netagapogot Kristus etnogo anat o, igik, iluk nit ninil oba ekhe laga iti nen, wolok wago,” iluk yogokhukha.

La'isasikhe 4:19

Itithogon yogeisasukhama, it Petrus Yohanes ipisak nen, “Allah il oba mothogon hagasusak he, ki. Hit nen, Itithogon hagasusak, iluk egep meke iti hologo hagasusak a? At he, Allah nen, Itithogon hagasusak, ekherek meke iti hologo hagasusak a. Hinakla ebetni. Nit nen, ninileken higik, ninasuk holhik, hagakho meke iti, akhuni aperek yogeisigidek huk asusak erlok dek iti nen yogeisekhe dogogunat o,” iluk yogeisasukha.

La'isasikhe 5:29

Itithogon yogeisekhe lagoukhama, it Petrus lak, Yesus nen inayoko 'biluk la'isasikhe meke emenogo nen, “Nit he, akhuni inane hologo hagasusak dek o. Allah ane itiat hologo hagasusak o.

Roma 13:7

Halok he, it wogeisausak mekeat wogeisekhe dogono o. Uang pemerintah nen yi hasik ti hasik kino isinem wogeisausak tak-tagat wogeisigik, it inebe hinayukhogon dogosak mothogonat hinayukhogon welageik, inalon halusak tak-tagat inalon halinakhik, hagakhe dogono o.