Matius 22:16 - ALLAH ANE WENW KET MEKE WAROGO WOKNINAKHIKHE WENE

¹⁶ Abok palhe lagoukhasik nen, ap it inagarumi inane waganhe lagoukha meke inom, it ap Herodes werekmake meke inom, Yesus oba wene hinok waganuagaluk la'isa agoukhama it wagoukhasik nen, men yogokhukha, “Yesus noe. Hat hobabut wene eberogonat anek ekhe dogolik, Allah akla nen, Akhuni yigithogon hagakhe dogoak, iluk apekherek meke eberogonat yakulnisekhe lagan iti nit ninilu o. Akhuni inebe hayuk degat dogolik inelokhoken oba anek hisalok, ageikhe helokhoma 'bisigik, ageikhe hoporlike 'bisigik, hagakhetek dek heekhe lago.

Matius 22:16 ပူးပေါင်းရင်းမြစ်များ

Matius 22:24

“Noe. At Musa nen men iluk yakulnisasikhe, Ap ageikhe a'but aban itakhidek werekma ebe watlaga halok he, obolukmo a'but ageikhe itasuagaluk, he thoge iti ap iti agorat waganusak o, iluk yakulnisasikhe.

Matius 22:26

Waganhikhe mekeat he, at iti a'buri itaginakhidekma watlageikheat. Yabokane he thoge meke etnogo inagot inoporlik meke iti nen waganhikhe meke re, itithogonat a'buri itaginakhidekma watlageikhe. Inebe 7 nen emenogo ina'buri itaginakhidekma watlaga lagoukha anek.

Matius 26:18

at Yesus nen, “O kota etnogo lalok nen, ap ageikhe etnaga wene men yogotno. At ninoe wene yakulnisiliogo meke nen he, An hagasigin meke arat horok asi agama nen, an nagarumi nane waganiogei meke ninom, at aila etoma pesta Paskah werago nuok nen yogosi lani o, iluk yoknisekhemo yokhesi ago, iluk yogotno,” iluk yogeisasikhemo

Matius 26:49

at tak Yesus oba wageikhesik nen, “Noe o,” iluk, ape tharluk heagei wakhunem,

Markus 10:17

Wene itithogon yogeisalok at Yesus o etoma nen holak piokthek lagaluk lagunem, ap ageikhe pirlirli oba wageikhe. Wageikhesik itibagal yukukhogon apma hureklasi ageikhesik nen, men yogokhikhe, “Guru noe. Wene yakulnisekhe lagan iti, hat hano o. An naburlal-haburlal hagatnabuak nen, an nobabut nikithogon hagakhe dogosak,” iluk yogokhikhemo,

Markus 12:13

Yabokane it ap koktek emenogo nen, Yesus ileken waganogo ane igin oba wene oba 'buogoluk, it nen it ap Farisi meke aperek men, it ap Herodes werekmake meke aperek men, inom nen Yesus itema waganuagaluk oba la'isa agoukha.

Markus 12:14

La'isa agoukhama wagoukhasik, men yogokhukha, “Noe. Hat hobabut wene eberogonat anek ekhe dogolik, akhuni inelokhoken oba naek 'birisalok, aperek helokhoma 'bisigik, aperek hoporlike 'bisigik, hagakhetek dek. Inebe hayuk degat dogolik, Allah akla nen, Akhuni itithogon hagakhe dogoak, iluk apekherek meke eberogonat anek yakulnisekhe lagan iti nit ninilu o. Halok he, nit Yahudi meke hagakhorek mothogonat, uang pemerintah hasik, kok etagapogot Kaisar wogosusak erlok a? Erlok dek a. Wogokhe dogouok a? Thogotdekhe dogouok a,” iluk hinok waganhukhama,

Markus 3:6

Iki itithogon hano hagakhikhemo, it ap Farisi meke emenogo dukhisukhasik ibat Herodes agarumi inoba lagoukhasik nen, “Yesus nikithogon wasuok,” iluk inom abok palhukha.

Markus 8:15

Italhukhasik Yesus nen inasuk warogo men yogeisasikhe, “It ap Farisi meke men, at Herodes men, eken hipiri roti meke hisuagaluk akla usakharek etnogo meke hakene werek iti baga weagathinabinogo iluk, hinobabut hebelogo dogono,” iluk inasuk wakhikhe.

Lukas 20:21

La'isa agoukhama Yesus oba wagoukhasik nen, hinok waganhe dogolik, men yogokhukha, “Noe! Hat wene igik, yakulisigik, hagakhe lagan iti, eberogonat anek ekhe dogolik, akhuni aperek helokhoma 'bisigik, aperek hoporlike 'bisigik, hagakhethek dek. Hane mothogon ekhe dogolik, Allah akla nen, Akhuni nen yigithogon tigithogon hagakhe dogoak, iluk akla apekherek meke eberogonat yakulnisekhe lagan iti, nit ninilu o.

Lukas 7:40

at Yesus nen, men yogokhikhe, “Simon. An wene ageikhe yokhesigin,” iluk yogokhikhemo at nen, “Noe. Yoknom o,” iluk yogokhikhemo,

Yohanes 14:6

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik,

Yohanes 18:37

at Pilatus nen, “Halok he, hat eberogonat kok hetagapogorat a?” iluk ekhe lageikhemo, at Yesus nen, men yogokhikhe, “An nebe kok netagapogot hat egen itiat o. Iti hasigat an nen ebe wene abok pakhogon yogeisekhe dogeigiluk nebe agat oba yoma itaklasi usa'agagi o. Akhuni wene ebe wene iti werekmake asi lageikha meke inebe dopok an nane inasuk holiogei o,” iluk yogokhe lageikhemo,

Yohanes 7:18

Halok he, tha nen wene ekaerek akla nen kagalogo ekherek iti, akhuni nen hogorasuagaluk ekherek o. Meke re, tha nen, at la'i ageikhe meke hogorasuagaluk ekherek halok he, ekalat ekherek motok dek o. At he, eberogonat ekherek o.

2 Korintus 2:17

It akhuni aperek inebe doalegat nen, yi meke ti meke oko hau wolok lageikharek hak, Allah ane itithogonat wolok lageikharek. Meke re, nit anek he, itithogon dek. Allah nen, at ane wolok loagaluk ninayoko 'bisikhe iti nen, at il obaat ninetaiken opakiat Kristus ninom hunigat dogolik, yogeisilik laga lago o.

2 Korintus 4:2

Nit he, akhuni nen yi meke ti meke limago weak hagakharethek inekarli agarek iti meke here'isasugu. Itithogon here'isalok, akhuni nukhetdisigik, Allah ane wene ageikhe meke oba lapelogo yogeisigik, hagakhorek dek. Akhuni yoma inakla tomok nen hutdinoagaluk, wene ebe wene Allah iloba thelekmaat yogeisilik nekhe lago.

2 Korintus 5:16

Itithogon nit nen hurli yogotak ya hurli nen, akhuni nen inobabut palharek hak, it akhuni aperek inobabut itithogon palhe lago dek o. Nen, alebageik Kristus obabut itithogon palhugu hak, yabokane itithogon palhe lago dek o.

Galatia 1:10

An nane igi iti, akhuni nen, “Hat hano egen,” iluk yoknesuagaluk ekhe lagei a? At he, Allah nen, “Hat hano egen,” iluk, yoknesuagaluk ekhe lagei a. Akhuni inakla hanorogo ekhe lagei halok he, an nebe Kristus atuaneke usak degat o. Meke re, an Allah akla hanorogo ekhe lagei o.

Galatia 2:6

It aperek inakla nen, “Inetaga koktek werek he, irat,” egarek meke iti nen wene an yogeisilik nekherek meke etnogo yabokane ninat yogeisilik nekhe dogoak nen iluk yoknikhidegat. Allah nen akhuni inoado itikmanke anek ileken hisalok nen, “Yi weak. Yi hano,” iluk ekherek dek iti nen, an it iti inobasik alebat inetaga koktek welageikha meke a? Dek meke a, iluk, wene munini ebekhe lagagi dek iti.

1 Tesalonika 2:4

At he, at Allah nenat ninobabut palogo nen, “Hano wene iti, hirat wolok nekhe dogobageik,” iluk, ninayoko 'bisikhe tak-tagat yokhisekhe dogolik, akhuni inakla hanorogo iluk yokhisogorek 'buk. Dek o. Allah ninobabut paliogo meke etnogo akla hanorogo iluk yogeisogorek o.

Yakobus 3:17

Itithogon mekeat he, Allah nen akhuni inakla kagalhunem, inobabut kok hagakharek he, weak ageikhe hagakhidek inilaga isonhogo welageikharek iti. Itithogon dogolik, akhuni inom hanorogo welageik, inobabut enago welageik, inane hologo hagakhik, akhuni inakmurogon motok welageik, o eken hano meke ikherek iti hak, hanorogon hagakhik, akhuni aperek inelokhomake 'bisigik, aperek inoporlike 'bisigik, hagakhidegat inetaiken pere welageidegat, hanorogo hagakharek iti.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.