Matius 22:13 - ALLAH ANE WENW KET MEKE WAROGO WOKNINAKHIKHE WENE13 Ane motok igidek huk ageikhemo, at ap kok etagapogot etnogo atuaneke meke emenogo men yogeisasikhe, Ap iti iki isok motok herle warogo, itikmanke inaik kirlidik mak-mak hagakhe dogolik di ago de ago hagakharekma o motok mummo etoma ula'isani o, iluk yogeisasikhe. အခန်းကိုကြည့်ပါ။ |
Matius 22:13
21 ပူးပေါင်းရင်းမြစ်များ
Gandum eken aban palhidekma inom itithogon thabakhogon dageikhe dogoak o. Nen, eken horle aga halok he, an nen it ap eken palharek meke yogeisekhe dogolik, Eka weak meke iti hetu hundisauwok nen he, iti meke tak henogo herle wakhik, nen, gandum eken hano meke iti natogorlogo 'bekherekma etoma 'bigik, 'bini o, iluk yogeisagein, iluk atuaneke meke emenogo yogeisasikhe,” iluk Yesus nen yogeisasikhe.
Itithogon werekma oe etnogo witluk nen, at atuaneke etnogo karok oba ebe motok obakha 'bogokhogon warogo, it akhuni inoado baga anek hano thalek inetaiken pere dogolik hagakharek meke la'isekherekma etoma la'isaumo, etoma dogolik, aik kirlidik mak-mak hagakhe dogolik, di ago de ago hagakhe dogogin o,” iluk yogeisasikhe.
Itithogon yokhisaumo, hit itikmanke dogolik, ap Abraham men, Yakub men, Ishak men, ap ebetlake Allah ane yakulisekhe lagoukha meke emenogo men, Allah apma hanoma etoma werekma, hinileken kolageisagun o. Nen, hit anek, thu larogo ula'inagoumo thikmanke etoma dogolik, hinaik kirlidik makhik, di ago de ago hagakho motok dogogun o.
Itithogon yogokhikhesik nen, wene ageikhe men yogokhikhe, “Alebageik, hat hebe elege dogolik, An o etoma ligin, iluk therlok hekaerek nen a'bethogon ikhalok laga lagagin mekeat he, yabokane hat hebe yaman agan halok, hiki walokhogon la'isinem, it aperek nen hat hiki herle a'bethogon watdageiluk nen, hat o lausak ha'itmo wokharik lugun o, iluk eberogonat yokhikhi o,”
Wageikhesik, nit ninoba ukisikhesik nen, Paulus therlok ugu welageikhe meke, at nen nokorlogo waganhikhesik nen, ekaerek nen iki herle watdigik, isok herle watdigik, hagakhikhesik nen, men isikhe, “Allah Agoreke nen, Ap therlok yi iteerek meke, ebe o Yerusalem lagunem, ap Yahudi meke nen yigithogon herle watdiluk, it ap itikmanke meke inikimo 'bugun o, iluk yoknekhemo,” iluk isikhe.
Nen, ageikhe re, i laut kok yekelekma hoklabu hulalek-dekalekhogon aninirogo motok hagakhe dogolik, wosirlagap hagarogo lia'i agarek iti hak, it iti yugunat hagakhe dogolik, inekarli dek weak hagariogei. Husagal 'bitok-'batok lagarek hak, Allah nen it iti motok o mum hikhakthekma dogoagaluk inobolukmo 'bisagein werek o.
Nen, at Allah nen it malaikat yoko usa'isa agarek meke hagasusak meke supurogo wogeisasikhe mekeat he, it ninat meke inagarlak lak hagasusak meke inakhane pok lalok inekaerek inaila here'isukhama, Allah nen herle motok dogogin meke baga iniki herle warogo o motok mummo agat abel wemake 'bisasikhemo werek iti. Itithogon motok dogoluk nen, yabokane akhuni ukum kokhogon inoba 'bigin itinem, it inomat inoba 'bigiluk nen, iniki herle hisalinabigin iti hinakla ebetni.
Itithogon ukekhe dogogun mekeat he, akhuni weka inalilo meke hagakhik, inekalat igik, hagakhe dogolik inoba horinakhidek meke o etoma ukekhe dogogun motok dek higi. Itithogonat mekeat he, it aperek iniluk motok dogoagaluk hanorinabigin meke inetaga Domba Eak aruesika baga holal waganek meke anek o etoma ukekhe dogogun higi o.
ကြော်ငြာတွေ