Matius 22:11 - ALLAH ANE WENW KET MEKE WAROGO WOKNINAKHIKHE WENE

¹¹ Arat kerlekhogon ukisukhama, at ap kok etagapogot etnogo ileken hisagaluk uma ukisikhe meke, ap opakiat ageikhe su humi iginakhe dogolik pesta isago nuogoluk ikharek meke ugu dek werekma ileken lakhasikhesik men yogokhikhe,

Matius 22:11 ပူးပေါင်းရင်းမြစ်များ

Matius 13:30

Gandum eken aban palhidekma inom itithogon thabakhogon dageikhe dogoak o. Nen, eken horle aga halok he, an nen it ap eken palharek meke yogeisekhe dogolik, Eka weak meke iti hetu hundisauwok nen he, iti meke tak henogo herle wakhik, nen, gandum eken hano meke iti natogorlogo 'bekherekma etoma 'bigik, 'bini o, iluk yogeisagein, iluk atuaneke meke emenogo yogeisasikhe,” iluk Yesus nen yogeisasikhe.

Matius 22:10

it atuaneke meke emenogo yabokane holak kok atoalma etoma lagoukhasik werekma, akhuni inobabut weak meke, hano meke, lagunem inom abuk agoukha meke tha'bokhogonat inayoko 'bisukhama wagoukhama, o etnogola inebe motok kerlek ageikhe.

Matius 3:12

Gandum eken abubuleke hulusak hasik than oba huphogon la'igin meke, at iteerek meke ikimo werek iti. Karelusak oba tak-tak asi aga halok, hano meke halok, karelogo 'bekherekma hanoma 'bigik, abubuleke halok hetu nagulusak dekma etnogo baga la'isigik, hagasigin o,” iluk yogeisasikhe.

Roma 13:14

Hit hinobabut he, akhuni inobabut inikhogat dogolik, Yi waganile, ti waganile, iluk egarek iti hak hinakla kagalhidek nen, sikhe thege waganharek hak, ninoe Etagapogot Yesus Kristus obabut itiat waganino o.

1 Korintus 4:5

Iti nen he, wene akhuni inoba 'bigik kokhik hagasigin itinem aban asi ageidek werek korlek, hit wene inoba 'bigik kokhik hagasusak motok dek o. At ninoe Etagapogot ebe witluk nen, hibakone limago hagariogei meke thelekmatdigik, itithogon hagasugun iluk apalok inakla thebelek werek meke iti 'bualogo 'bigik, hagasisigin iti therogo dogosak o. Itithogon 'bualogo 'bisinem, Allah nen hano hagakha meke inebe tomok hogorinabusak mekeat hogorinabigin o.

Galatia 3:27

Nen, Kristus hinom hunesuogoluk ima usasigip meke hinebe tha'bokhogonat, su ikhegarek hak Kristus obabut waganhigip iti.

Efesus 4:24

Hinebe eberogonat, at Allah nen ekaerek hasik 'bakhalok, at nen, hinobabut mothogon hagakhe dogoagaluk, at obabut hakene ket meke hagathinakhe meke iti, su ket ikhegarek hagat ikhekhe dogono o.

A'bikaka 16:15

Itithogon lageikhasikmo nen, at Yesus nen men yoknekhe, “Hasuk holin o. Akhuni inilarlurlu waganuogoluk limago wageikharek iti hak, an itithogonat wisigin o. Itithogonat wagunem, akhuni inal palek werekma inekarli agarek iti hak, hit itithogonat hinekarli asunogo iluk hinasu ibat ikhauwogoluk karelogo 'biluk dogogun halok he, Allah nen hanothinakhunem hinakla arleken asugun o,” iluk yoknikhunem holhi.

A'bikaka 19:8

Age itithogon ikhagaluk, asu lenan elokhoken kut motok hano thobalek mekeat ugu dogoagaluk wogokhemo higi. Su hano iti ebe, akhuni Allah a'buri inobabut mothogon hagakharek meke itiat o,” iluk ekhe lageikha.

A'bikaka 2:23

Itithogon hagakhunem, it Allah a'buri o yi ai ti ai natogokharek meke tha'bokhogonat inileken halok nen, it nen, At Allah akhuni inakla ebekharek meke iti inom, inetaiken nen kagalharek meke iti inom, ilumo, akhuni ninebe tomok ninobabut hagakhorek meke tak-tagat wene ninoba 'bigik, oko woknisigik, hagasigin o, iluk, an hutdanuagaluk, it akhuni at he iti ane waganharek meke inebe inasiginat o.

A'bikaka 3:18

Itithogon welagap iti nen, hit koktek hinikierek asubageik nen, emas hetu werago hano hagakharek meke noba oko paligik, hinalpalegat welagap meke iti, hinekarli asunogo nen, ikhauwogoluk su kut meke noba oko paligik, hinileken puk meke iti, hano agunem yi meke ti meke lakhekhe dogouogoluk, apusu hinileken obake wasubageik nen noba oko paligik, hagasubageik nen iluk hinasuk wakhe lagei o.