Matius 21:5 - ALLAH ANE WENW KET MEKE WAROGO WOKNINAKHIKHE WENE

⁵ “Akhuni o Sion meke yogeisekhe dogolik, Hinoe Etagapogot hinoba wiriogo o. Obabut enago dogolik, wam keledai apot oba yasukhogo dogolik wageik, wam keledai eak meke apot oba yasukhogo dogolik wageik, wiriogo, iluk yogeisan o,” iluk isikhe iti tak-tagat hagatlasuagaluk, at Yesus nen itithogon la'isasikhe iti.

Matius 21:5 ပူးပေါင်းရင်းမြစ်များ

Matius 11:29

An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Matius 2:2

Wagoukhasik, it nen, men isukha, “Akhuni Yahudi meke inoe kok Etagapogot itaklagasik werek etnaga, o koma itaklagasik werek. Nit o mulikin dagei agarekma eloma werekma, ap kok iti itaklagama iluk, husagal ageikhe winam agama nen, at iti ninetaiken at oba hakotdiluk hogorasuogoluk husagal iti nineleken nen wolok hinok wagani ago,” iluk isukha.

Matius 2:6

Hit akhuni o Yudea etoma o ukul Betlehem welagathep meke yirani! O ukul ebelake yoma etaga kok werek korlegat he, o Betlehem yi anek etaga dek, hemurlugat negen, iluk usak dek. An na'buri Israel meke ap kok meke apma dogogun iti, o ukul hit werekma yoma hinakerlekla nenat itaklasigin o, iluk holak waganogo 'bisukhama werek o,” isukha.

Matius 21:6

La'isasikhemo it etnogo lagoukhasik, at Yesus nen yogeisasikhe tak-tagat hagakhe dogolik

Lukas 24:27

Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.