Matius 21:41 - ALLAH ANE WENW KET MEKE WAROGO WOKNINAKHIKHE WENE

⁴¹ it nen, “Ap aagat iteerek meke iti witluk, it inobabut weak meke etoma motok tha'bokhogonat inatluk, anggur ai yagoma iti therogo dogolik, eken arat horle agunem palogo wogosi laga dogoagaluk, ap ninat meke ageikhe inayoko 'busagat o,” iluk yogokhukha.

Matius 21:41 ပူးပေါင်းရင်းမြစ်များ

Matius 21:34

Etoma lageikhesik werek korlek, eken ikhunem palharek oba hagatlasi ageikhemo ap aen iteerek meke etnogo nen, atuaneke meke aperek it ap therogo dogoagaluk 'bisasikhemo emenogo nen anggur eken ageikhe wogeisoagaluk, inoba la'isa ageikhe.

Matius 21:40

Itithogon hagakhukha iti nen, yabokane ap aagat iteerek iti witluk, it ap therogo welagoukha meke iti nikithogon hagarinabigin apegep,” iluk yogeisasikhemo,

Matius 21:43

Hit he, Allah nen apma 'binagousak welagagip mekeat he, apma 'binagagin dek o. Hit hinobolukmo, o eken hano meke isu hak, it akhuni inukuloak etaga ninat meke nen, Allah akla apekherek meke mothogon hagakhe dogogun meke halok 'bisagein o. [

Matius 3:12

Gandum eken abubuleke hulusak hasik than oba huphogon la'igin meke, at iteerek meke ikimo werek iti. Karelusak oba tak-tak asi aga halok, hano meke halok, karelogo 'bekherekma hanoma 'bigik, abubuleke halok hetu nagulusak dekma etnogo baga la'isigik, hagasigin o,” iluk yogeisasikhe.

Lukas 20:16

At ebe ayabu witluk nen, it inebe motogat warogo podisalok inobolukmo anggur ai yagoma etnogo therogo dogoagaluk, ap ninat meke wogeisageinat o,” iluk yogeisasikhemo, it emenogo nen, “Eiya! Itithogon hagasusak dek o!” iluk yogokhukhama,

La'isasikhe 15:7

Itithogon natogokhukhasik, wene kogat ageikhe nen igik, ageikhe nen igik, ekhe lagoukhasik, at Petrus melageikhesik nen, men yogeisasikhe, “Ap yirani. Nagarlak lak. It akhuni itikmanke meke nen hano wene inasuk holhik, inakla nen eberogonat iluk waganhik, hagasuagaluk, an haganeat hit ninom werekma, it iti yogeisa loagaluk Allah nen wenaknakhikhesik nayoko 'bisikhe iti, hinilu o.

La'isasikhe 18:6

Itithogon yogeisugunem, it nen, “Dek o. Weak ekhe lagan o,” iluk abok weak palhe lagoukhama, at Paulus etnogo nen, “An noba thelek o,” iluk u hak, asu itikmanke meke amumul hisalogo usa'isikhesik nen, men yogeisasikhe, “Hit hinekaerek nen nuk akegep halok he, hinoba dopok o. An noba dek o. Hurli yogotak hurli nen, an akhuni itikmanke meke wene yogeisa ligin o,” iluk yogeisasikhesik,

La'isasikhe 28:28

Itithogon yogeisasikhesik, wene ilokon warogo men yogeisasikhe, “Itithogon isikhe iti nen, wene yi hinilu asubageik iluk yokhisak, Allah nen akhuni aperek nen, at nen tilinakherek wene iti, it akhuni itikmanke meke yogeisa loagaluk inayoko 'bekhemo yogeisiliogei. It itithogon yogeisugunem, inasuk hologo hagasugun o, iluk hinilu asubageik iluk yokhisigi iti o,” iluk Paulus nen yogeisasikhe. [

La'isasikhe 28:8

O at werekma etoma, at opase oba agaken ageikhesik, al pirlak mep inom laga dogolik, witik motok welageikhe. Witigat werekma, at Paulus oba ukisikhesik iki ha'iluk, Allah ayoko 'bisikhemo, oba hano ageikhe.

1 Tesalonika 2:16

Allah nen it akhuni itikman meke tilinabuagaluk nit nen hano wene yogeisilik lagunem, akhuni inagolak palharek hak, it nen, “Wene hano wene iti yogeisausak dek,” iluk wene paliogei iti o. Itithogon hagakhe dogolik, hibiku-yogoku weak hagakharek mekeat obarluk hagariogei iti nen, Allah akla aga dageiluk, ukum kok meke inoba 'bekhe iti o.

Ibrani 12:25

It akhuni Allah ane agat oba yogeisugunem inasuk holusak ina'it welagoukha meke, inebe iniluk here'isigidek inakhe lageikhe iti. Halok he, nit yigithogon, wene pogot oba nen yoknisugunem ninasuk holusak nina'it dogogun halok he, ninakhidek here'inanigin apegep a? Dek o. Motok ninasigin iti nen, at ane isi korlek hinasuk holhidek, “Nina'it,” iluk here'isaunogo iluk, hinobabut hebelogo dogono o.

Ibrani 2:3

Iti hak, nit yogotak tilninabusak wene kok iti ninobakhanini here'isagun halok, weagatninabiginat o. Ebekeram he, wene at ninoe Etagapogot ebe nenat akhuni aperek yogeisasikhemo inasuk hokhukha meke nen hutukhogon yoknisasukha meke eberogonat hagatlageikhe.