Matius 21:37 - ALLAH ANE WENW KET MEKE WAROGO WOKNINAKHIKHE WENE

³⁷ Itithogon hagarinakhukhama at ap kok etnogo nen men isikhe, Halok he, yogotak an nekaerek na'but yi anek he, alon halogo heagei warogo waganugun o, iluk akla apasikhesik, a'but etnogoat la'i ageikhe.

Matius 21:37 ပူးပေါင်းရင်းမြစ်များ

Matius 21:36

Itithogon hagakhukhama at apa aagat iteerek meke etnogo nen, alebageik, inebe wenago negen la'isa ageikhe yabokane motok doalegat la'isa ageikhe mekeat he, alebageik hagakhukha hagat, hagarinakhukha.

Matius 21:38

La'i ageikhemo wagunem, it ap wen therogo welagoukha meke emenogo nen, inileken lakhasukhasik, it-it ekhe dogolik, Ap ili opase obolukmo wen iteerek asigin meke etnogo ebe waga ili. Halok he, wen yi nirat iteerek asuok nen, ebe wasuok o, iluk,

Matius 3:17

Oba duk i ageikhemo, Allah ane pogot oba nen, “An na'but netaiken hunik dogolik noba hotok egerek ebe ithiat o,” iluk ane usa'i ageikhe.

Markus 12:6

Itithogon tha'bokhogonat inakhukhama at ayabu iteerek meke etnogo a'but etaiken hunik meke opakiat iti anek ageikhemo, at nen, An na'but yiat inoba la'umo, it nen alon halogo heagei warogo waganugun o, iluk apisikhesik, ebe yabokane inoba la'i ageikheat.

Lukas 20:13

Itithogon motok hagarinakhukhama nen, at kok wen iteerek meke etnogo akla nen, Yabokane nikithogon hagasik he. An nekaerek na'but netaiken hunik meke yiat inoba la'umo re, ebe alon halogo heagei warogo waganugun apigi, iluk akla apasikhesik la'i ageikhe.

Yohanes 1:18

Akhuni nen Allah ebe inileken motok higidek meke re, at a'but irlagapi itago opase alilu ipisak welageikharek meke iti nenat Allah ebe hutukhogo yakulnisa ageikhe iti.

Yohanes 1:34

at ebe an nileken hutukhogo higirik nen hutdigi o. Itithogon hutdigirik, at iti Allah a'but eberogonat o, iluk, abok hit pakhogo yokhisekhe lagei yi,” iluk yogeisasikhe.

Yohanes 3:16

Yi akhuni ti akhuni Allah akmu motok nen, inebe inetaiken an noba hakotdugun meke inebe tomok watlatluk nen, nuk ageidek iniluk motok dogoagaluk, a'but an nebe irlagapi itago meke wogeisasikhe.