Matius 21:34 - ALLAH ANE WENW KET MEKE WAROGO WOKNINAKHIKHE WENE

³⁴ Etoma lageikhesik werek korlek, eken ikhunem palharek oba hagatlasi ageikhemo ap aen iteerek meke etnogo nen, atuaneke meke aperek it ap therogo dogoagaluk 'bisasikhemo emenogo nen anggur eken ageikhe wogeisoagaluk, inoba la'isa ageikhe.

Matius 21:34 ပူးပေါင်းရင်းမြစ်များ

Matius 21:35

Meke re, it ap therogo welagoukha meke emenogo nen, it ap aagat iteerek meke atuaneke eken waganisuagaluk la'isa ageikhe meke emenogo inebe ha'isalok nen, ageikhe tugi wakhik, ageikhe ebe motok pikeat wakhik, ageikhe helekit oba motok wakhik, hagakhukha.

Matius 21:38

La'i ageikhemo wagunem, it ap wen therogo welagoukha meke emenogo nen, inileken lakhasukhasik, it-it ekhe dogolik, Ap ili opase obolukmo wen iteerek asigin meke etnogo ebe waga ili. Halok he, wen yi nirat iteerek asuok nen, ebe wasuok o, iluk,

Matius 21:40

Itithogon hagakhukha iti nen, yabokane ap aagat iteerek iti witluk, it ap therogo welagoukha meke iti nikithogon hagarinabigin apegep,” iluk yogeisasikhemo,

Matius 21:41

it nen, “Ap aagat iteerek meke iti witluk, it inobabut weak meke etoma motok tha'bokhogonat inatluk, anggur ai yagoma iti therogo dogolik, eken arat horle agunem palogo wogosi laga dogoagaluk, ap ninat meke ageikhe inayoko 'busagat o,” iluk yogokhukha.

Matius 22:3

Isakhe dogolik akhuni inayoko 'bisikhe meke nasuagaluk, at atuaneke meke aperek men yogeisasikhe, Akhuni inayoko 'bigi emenogo wisuak nen woginabi lani o, iluk, la'isasikhe meke re, it inayoko 'bisikhe meke iti ina'it nen wageidek huk agoukha.

Markus 12:1

At Yesus nen wene itithogon yogeisasikhesik yabokane wene ageikhe oba lisogon men yogeisasikhe, “Ap ageikhe ayabumo anggur ai yakhikhe. Yakhikhesik leget halhik, eken thagalogo apusu kelelhe dogogun oba agat hulelhik, inileken dogogunmo kayo perlakhik, hagakhikhe. Hagakhikhesik it ap aperek elanma hasik it inaen negen dogoagaluk 'bisalok ebe o werlekma etoma lageikhe.

Markus 12:7

La'i ageikhemo wagunem, it ap yabu therogo welagoukha meke emenogo nen, it-it ekhe dogolik men isukha, Ap ithi opase obolukmo yabu iteerek asigin meke etnogo ebe waga ili. Halok he, yabu yi nirat iteerek asuok nen, ebe wasuok o, iluk isukhasik,

Markus 12:9

Itithogon hagakhukha iti nen, ap kok ayabu iteerek meke iti nikithogon hagasigin apegep. At ebe witluk men hagasigin. It ap iti inebe motogat warogo podisalok inobolukmo yabu anggur yabu etnogo therogo dogoagaluk ap ninat meke meldisageinat o.

Lukas 20:9

At Yesus nen itithogon yogeisasikhesik nen, yabokane akhuni emenogo wene ageikhe oba lisogon men yogeisasikhe, “Ap ageikhe wen waganekma anggur ai yakhikhe. Ya'iluk nen it aperek elanma hasik it inaen negen therogo dogoagaluk 'bisalok nen, o werlekma lalok iki ageikhe inomat dogoluk nen wisigiluk lageikhe.