Matius 21:3 - ALLAH ANE WENW KET MEKE WAROGO WOKNINAKHIKHE WENE

³ Itithogon herle hisalhunem, it akhuni etoma meke ageikhe nen, Nenaluk kupi hisalhe lagap, iluk wene palhe halok, men yogeisano, Ninoe Etagapogot etnogo nen wam keledai yi meke dek nen, wolok luogoluk kupi hisalhe lago, iluk yogokhunem at nen, ibat la'isigin etnaga,” iluk, wene warogo la'isasikhe.

Matius 21:3 ပူးပေါင်းရင်းမြစ်များ

Matius 21:2

La'isekhe dogolik, “O ukul hinelokhoma ili lani o. Arat lagap halok, aban ukisi dogolik hinileken lakhagun he, wam keledai eak ipisak kupi irlelek werekma hinileken hugun etnaga o. Nen, arat hinileken hegep halok he, kupi irlelek iti hisalogo nen, noba wolok wetno.

Matius 21:4

Itithogon la'isasikhe iti, at ap Allah ane yogeisekhe lageikhe meke ageikhe nen,

Yohanes 3:35

At opase nen a'but ebe etaiken hunik dogolik, yi meke ti meke tha'bokhogonat at iteerek dogoagaluk wogokhikhe.

La'isasikhe 17:25

Nit akhuni tha'bokhogonat, at nenat ninebe ninilugutninakhik, thet woknisigik, yi meke ti meke woknisigik, hagakherek iti nen, yi meke ti meke at erlageik iluk nit akhuni nen wogosusak erlok dek o.

2 Korintus 8:16

Nit nen hit hinobasik obatnerogon hagasuogoluk hagakhe lago hak, at Titus itithogonat hagakhe dogoagaluk Allah nen akla kagalhemo hagariogo iti nen, Allah heagei wakhe dogouok o.

2 Korintus 8:9

Ninoe Etagapogot Yesus Kristus obabut hano nen akmutninakhikhe etnogo hit hinilu motok apigi. At ilmo horleak welageikhe mekeat he, at erlageik motok ageikhe iti baga, hit ebe meke hinilmo horleak asubageik iluk, at erlageik motok ageikhe iti o.

Yakobus 1:17

Ninopase Allah pogot oba meke etnogo nenat yi meke ti meke hano meke woknisigik, hano motok meke woknisigik, usaknisa agarek iti. At nenat pogot obake lia welagarek meke iti winametdisikhesik nen, at ebe ninat hagatlageik, abel dagakhogon mum ageik, lia ageik, hagakherek dek.