Matius 21:28 - ALLAH ANE WENW KET MEKE WAROGO WOKNINAKHIKHE WENE

²⁸ At Yesus nen itithogon yogeisekhe lageikhesik yabokane men yogeisasikhe, “Wene igin yi, hit nen nikithogon apekhe lagap. Ap ageikhe a'buri inebe pere welagoukha. Werekma, a'but makusa meke iti oba lageikhesik nen, men yogokhikhe, Na'but, yogotakne, anggur ekama etoma yabu ageikhe wagani lan, iluk yogokhikhe.

Matius 21:28 ပူးပေါင်းရင်းမြစ်များ

Matius 17:25

at Petrus nen, “'Bekheregat o,” iluk yogeisasikhe. Yogeisalok uma ukisikhesik, at nen igidek werek korlek, Yesus nen tak men yogokhikhe, “Simon. Hat he, nikithogon apegen. It ap agat oba meke inetagapogot iti inobasik, akhuni thani nen uang 'biliogei. Inekaerek inagarumi nen 'biliogei apegen a? E a, at he, it ninat meke nen 'biliogei apegen a,” iluk yogokhikhemo

Matius 20:1

At Yesus nen yabokane men yogeisasikhe, “Nopase kok pogot oba meke nen apma 'bisekherekma etoma ipisak tak-tak men hakene. Ap yabu iteerek meke ageikhe yabu anggur yabumo wagunuagaluk ap herageinabik hubenat yoko dukhisikhe.

Matius 21:27

yabokane Yesus yogokhe dogolik, “Wene iti nit ninokodek o,” iluk yogokhukhama, at Yesus nen, men yogeisasikhe, “Halok he, an meneke, Iti meke iteerek agarik hagakhe lagei, iluk, hit yokhisagein degat o,” iluk yogeisasikhe.

Matius 21:29

Yogokhikhemo, at a'but etnogo nen, I o, nopase, isikhe mekeat he, yabu ebe wagani lageidek huk ageikhe.

Matius 21:33

At Yesus nen wene itithogon oba lisogon arat yogeisasikhesik, “Yabokane wene ageikhe yi oba lisogon yokhisak. Ap ageikhe aagat iteerek meke nen wen waganekma anggur ai ya'isikhesik nen, leget halhik, eken thagalogo apusu kelelhe dogogun oba agat hulelhik, inileken dogogun oba kayo perlakhik, hagakhikhesik nen ap aperek elanma hasik it inaen therogo dogoagaluk 'bisalok o werlekma etoma lageikhe.

Matius 22:17

Halok he, hat hakla nikithogon apegen? Nit Yahudi meke hagakhorek tak-tagat uang pemerintah hasik kok etagapogot Kaisar wogosusak a? Dek a,” iluk yogokhukhama

Markus 13:34

Wene yi ipisak tak-tak, ap ageikhe aila nen o walegat lagaluk, atuaneke aila therogo dogoagaluk 'bisalok lagarek. Lagaluk, atuaneke emenogo inayabu dopok supusogo wogeisekhe dogolik, Hat ageikhe yi hagakhe dogono. Hat ageikhe yi hagakhe dogono. Hat ageikhe nai holagapema thuam welagatek meke yi, hileken hanorogo dogono, iluk supusogo wogeisalok lagarek hakeneat o.

Lukas 13:4

Nen, hit hinakla nen, O Yerusalem i yekelekma Siloam etoma o helekit meke uanat perlarik dageisukhasikmo, misalogo usa'aga dogolik, inebe 18 oba al debelogo thebelinakhikhe etnogo re, it akhuni ebetlake tha'bokhogonat o Yerusalem welageikharek meke iti, weak herlekha'bugat negen hagakhe korlek, it al debelogo thebelinakhikhe iti anek, weak kogat hagakhe lagoukhama inobabut nen thebelinakhikhe apegep a?

1 Korintus 10:15

Wene igi iti, hit hinetaiken werek meke iluk yokhisekhe lagei. Halok he, an wene igin yi hinekaerek hinakla nen hutdini o.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.