Matius 21:26 - ALLAH ANE WENW KET MEKE WAROGO WOKNINAKHIKHE WENE

²⁶ Nen, Akhuni nen yakulikhukhama usa'isikhe lageikhe, iluk yogosumo, it akhuni yoma tha'bokhogonat nen, Yohanes iti Allah aneat yoknisekhe lageikhe, iluk egarethekma iti nen, nit ninayuk,” iluk isukhasik,

Matius 21:26 ပူးပေါင်းရင်းမြစ်များ

Matius 11:9

Halok he, nena meke 'bikha luogoluk laga lagasip? E a, at he, ap Allah ane yogeisekherek meke ageikhe werekma hinileken 'bikha luogoluk laga lagasip a? Eberogonat, itiat o. An nen yokhisak. It ap Allah ane yogeisekhe lagoukha meke aperek welagoukha mekeat he, it iti erlok dek negen. Mekeat he, at Yohanes iti anek he, etagapogot isiken negenat o.

Matius 14:5

iluk yogokhikhemo, at Herodes nen Yohanes iti wasigin iluk akla apasikhemo it akhuni aperek nen, “Yohanes iti Allah ane yogeisekherek meke,” iluk ekhe lagoukhama, wasusak ayuk ageikhe.

Matius 21:11

it akhuni doalegat emenogo nen, “Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.

Matius 21:25

At Yohanes nen akhuni ima usa'isekhe lageikhe etnogo, Alah pogot oba meke nen yogokhikhemo ima usa'isekhe lageikhe a? E a, at he, akhuni agat oba meke nen yogokhukhama hagakhe lageikhe a. Yoknitni ta!” iluk yogeisasikhemo, it-it ekhe dogolik, men isukha, “Pogot oba meke nen yakulikhikhemo usa'isekhe lageikhe, iluk yogosumo, at nen he, Halok he, hit nen Yohanes ane eberogonat iluk hutdigidek welagagip iti nenaluk, iluk, yoknisaunogo.

Matius 21:27

yabokane Yesus yogokhe dogolik, “Wene iti nit ninokodek o,” iluk yogokhukhama, at Yesus nen, men yogeisasikhe, “Halok he, an meneke, Iti meke iteerek agarik hagakhe lagei, iluk, hit yokhisagein degat o,” iluk yogeisasikhe.

Matius 21:46

Yesus ebe hakhauwogoluk hagakhukha mekeat, akhuni inebe doalegat nen, “At Yesus iti Allah ane yoknisekherek meke o,” iluk, ekhe lagoukhama nogo nen, it inayuk nen he, thogotdisukha.

Markus 11:32

it akhuni tha'bokhogonat nen, “Yohanes iti Allah aneat yoknisekhe lageikhe,” iluk ebe hutdekhe lagoukhasikmo nogo nen, akhuni inayuk nen men isukha, “Nit nen, Akhuni nen yakulikhukhama usa'isekhe lageikhe, iluk yogosumo, erlok degat o,” iluk isukhasik,

Markus 12:12

Itithogon yogeisasikhemo, it nen men isukha, “Wene oba lisogon ekhe iti, nit ninobasigat yoknisekhe higi,” iluk hutdisukha. Hutdisukhasik Yesus ebe hakhauwogoluk hagakhukha mekeat he, akhuni doalegat emenogo inayuk nen thogotdisalok kikil wakhukha.

Lukas 20:19

At Yesus nen wene itithogon yogeisasikhemo nen, it ap Allah ane holal waganek iteerek meke men, it ap Allah iteerek inougi koktek emenogo men, inasuk holhukhasik nen, “Wene iti nit ninobasik oba lisogon yoknisekhe higi,” iluk hutdisukhasik itinem, at Yesus ebe hakhauwogoluk hagakhukha mekeat he, akhuni emenogo inayuk nen huk agoukha.

Lukas 20:6

Nen, Akhuni nen yakulikhukha usa'iseskhe lageikhe, iluk umo re, eiye! It akhuni tha'bokhogonat nen, Yohanes iti Allah aneat yoknisekhe lageikhe, iluk apegarethekma iti nen, helekit oba ninebe motok ninasinogo,” iluk isukhasik nen,

Lukas 22:2

it ap Allah iteerek meke inougi koktek inom, it Allah ane holal waganek iteerek meke inom, akhuni tha'bokhogonat inayuk nen, Yesus wene nikithogon oba 'biluk wasuok he, iluk abok palhe lagoukha.

Yohanes 5:35

At Yohanes iti ebe re, isagal yibarlogo 'bisinem yakherek hak werekma, hit nen, Isagal yago ninoba 'bekhe dogoak iluk, elanma hasigat hinakla arleken akhekhe lagagip iti,

Yohanes 9:22

Itithogon yogeisasukha iti, it ap koktek Yahudi meke nen ekhe dogolik, “It akhuni inebe tomok nen, Ap yi re, Allah nen nit akhuni tilninabuagaluk la'isigin isikhe etnogo Kristus ebe yiat o, iluk pakhogon isi halok, o sembayan egarekma nen lisogo ula'uok o,” iluk wene palhukha meke werek iti nen he, ap iti agosa opase it ap koktek Yahudi meke inayuk nen,

La'isasikhe 5:26

Itithogon yogeisekhe lageikhemo, at ap kok Allah ai halek therogo welageikhe meke etnogo agarumi inom lagoukhasik nen, it ap Yesus nen inayoko 'biluk la'isasikhe meke emenogo wogosik wagoukha. Meke re, wogosik wisuogoluk inakla nen, “Akhuni doalegat nen Yesus agarumi inirlirli waganogo nit helekit oba ninasinogo,” iluk iniki korlo lirisalok wogosik wisu inayuk nen erogat wogosik wagoukha.