Matius 21:19 - ALLAH ANE WENW KET MEKE WAROGO WOKNINAKHIKHE WENE

¹⁹ Hipiri abu ageikhemo, o ara erlo ageikhe holagarlem abelma werekma ileken lakhalok erloma lageikhesik ileken penakhikhe meke re, eken ageikhe ikhidek, eka anek werek nen, o ara etnogo men yogokhikhe, “Hat o ara yi, hurli yogotak nen logat yabokane heken motok ikhidek dogono,” iluk homan 'bekhe korlek eranogoat, o ara etnogo motok puk ageikhe.

Matius 21:19 ပူးပေါင်းရင်းမြစ်များ

Matius 21:20

Itithogon hagakhunem, it at agarumi ane waganhe lagoukha meke emenogo inileken hasukhasik nen, “Eiye!” iluk ekhe dogolik, “O ara yi opaki hasigat puk aga yi nikithogon nen?” iluk isukhama,

Markus 11:14

men yogokhikhe, “Hat o yi re, hurli yogotak nen lok-logat yabokane heken akhuni aperek nen neke dogogun motok dek. Ikhun,” iluk yogokhunem it agarumi ane waganhe lagoukha meke emenogo inasuk holhukha.

Markus 11:20

Yesus lak itithogon dukhi agoukhasik noge iluk hubuluke hubenat inapuke o ara etnogo erloma mot-mot ukekhe dogolik, inileken 'bikhasukha re, omaken inom motok puk ageikhemo hasukha.

Lukas 3:9

O erlo dopok eken hano meke ikidek halok, mukhogo hetumo la'isagaluk pisue o omaken oba pakpakthek motok werek o,” iluk yogeisasikhe.

Yohanes 15:2

O ikilo'bak ebe tomok, an noba hunik dogolik eken ikhidek halok, 'bogokhogon la'igin mekeat he, ikilo'bak ebe tomok eken ikhe halok, aperek inom doalegat ikhe dogoagaluk oboseka palogo yorla yebeligin o.

Yohanes 15:6

Nen, o ikilo'bak palogo la'isegarek meke puk agunem, akhuni nen nomologo 'biluk hetumo po la'isugunem hetu nekerek iti hak, ap tha nen an nipisak hunik dek, dekekthek werek halok, itithogonat palogo la'umo hetu nigin o.

2 Timotius 3:5

akhuni inil oba, Allah a'buri thalek dogolik, inakla nen Allah obatne iti meke here'isigik, hagakhe dogogun o. Yogotak akhuni inobabut iti hakene aperek hagariogei meke halok, hinom hunik dogogup o.

Titus 1:16

It iti nen he, inape baga nen, “An Allah ebe nilu o,” iluk, inane pakhogon ekhe dogoligat, “Ebe ninokodek,” iluk u hak, inasuk warek degat, Allah alilo meke hagakhe dogolik, yi meke ti meke hanorogon hagasusak it motok erlok dek werek iti.

Yudas 1:12

Hit hinagarlak lak hinerugi inebe hinakmu nen hipiri hinom opakimo natogorlogo isago nukunem, it ap iti inekarli degat hinoba ukitluk nen, akhuni aperek therisik welageidek inekaerek hasik anek oba ebekhe dogolik hinom neke lagap iti, weak o. Su hano morla werekma mirli meke oba dabulagarek iti hak, hinom weak neke lagap iti o. Inebe re, oisa miso nigin dek mekeat hisakne nen obatneak wolok lagarek iti hak lageikharek o. Nen, ageikhe, o eken ikhidek, eka motok dek atlukmo, omaken inom henukhunem motok puk agarek iti hak werek o.

A'bikaka 22:11

Yogeisugunem, tha nen, obabut weak anek hagarekhe dogogin apekhe halok he, weak anek hagarekhe dogoak o. Nen, tha nen weak inalilo meke anek hagarekhe dogogin apekhe halok he, iti mekeat hagarekhe dogoak o. Nen, tha nen Allah akla apekherek meke anek hagakhe dogogin apekhe halok he, itiat hagakhe dogoak o. Nen, tha nen ebe Allah hasik 'bisalok dogogin apekhe halok he, ebe Allah hasigat 'bisalok dogoak o,” iluk yoknekhe.