Matius 21:11 - ALLAH ANE WENW KET MEKE WAROGO WOKNINAKHIKHE WENE

¹¹ it akhuni doalegat emenogo nen, “Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.

Matius 21:11 ပူးပေါင်းရင်းမြစ်များ

Matius 2:23

Wageikhesik nen, o ukul etaga Nazaret iti uki ageikhesik, etomaat huk ageikhe. Itithogon hagakhikhe iti, it ap Allah ane yogeisekhe lagoukha meke nen ekhe dogolik, “At ap etnogo ai Nazaret meke ugun o,” iluk isukha tak-tagat hagatlageikhe iti o.

Matius 21:10

Ukisukhama it akhuni etoma meke tha'bokhogonat arlik halhe dogolik, “Eiye! Ap yi tha apegep,” iluk isukhama

Matius 21:26

Nen, Akhuni nen yakulikhukhama usa'isikhe lageikhe, iluk yogosumo, it akhuni yoma tha'bokhogonat nen, Yohanes iti Allah aneat yoknisekhe lageikhe, iluk egarethekma iti nen, nit ninayuk,” iluk isukhasik,

Matius 21:46

Yesus ebe hakhauwogoluk hagakhukha mekeat, akhuni inebe doalegat nen, “At Yesus iti Allah ane yoknisekherek meke o,” iluk, ekhe lagoukhama nogo nen, it inayuk nen he, thogotdisukha.

Markus 6:15

nen, it aperek nen, “Dek o. Iti at Elia ebeat o,” igik, it aperek nen, “Dek o. It ap haganeat Allah ane yogeisekhe lagoukha meke nen yogeisekhe lagoukha hagat, yogeisilik liliogo iti, at ebe it iti meke ageikhe thelekma agasik liliogo,” igik, ebe Yesus mekeat itithogon ekhe lagoukha iti.

Lukas 13:33

Itithogon hagasigin meke re, ap Allah ane yogeisegarek meke iti, werlekma inasusak dek o. Yerusalem etomaat inasusak iti nen, an yogotak men, hubuluk men, aheke men, etoma laga dogosak tak-tagat higi o.

Lukas 24:19

at Yesus nen, “Wene iti nikithogon hagatlaga meke egen,” iluk yogokhikhemo, it eranogo nen, men yogokhukha, “Ap etaga Yesus, ai Nazaret meke iti, ebe Allah ane yogeisekherek mekeat dogolik, Allah il oba, nit akhuni tha'bokhogonat ninil oba, wene yogeisigik, yi meke ti meke hagakhik, obatnerogo hagakhe laga mekeat he,

Lukas 7:16

Itithogon hagakhikhemo, akhuni doalegat emenogo inayuk agoukhasik nen, Allah hogorakhe dogolik, men isukha, “Ap kok Allah ane yoknisekhe dogogin meke ageikhe ninakla winam aga o!” iluk igik, nen, it aperek nen, “Allah nen a'buri tilninabigiluk waga yi,” iluk igik, isukha.

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,

Yohanes 1:21

Itithogon yogeisasikhemo it nen, men yogokhukha, “Halok he, hat hebe tha nogo? Hebe Elia a?” iluk yogokhukhama, at nen, “An nebe at iti 'buk, ninat o,” iluk, yogeisekhe lageikhemo, it nen men yogokhukha, “Halok he, ap ageikhe Allah ane yoknisekhe dogoagaluk ayoko 'biluk la'isigin isikhe etnogo a?” iluk yogokhukhama, at nen, “Iti an degat o,” iluk yogeisasikhe.

Yohanes 1:25

“Hat nen, An nebe, Allah nen akhuni tilninabuagaluk ayoko 'biluk la'isigin isikhe etnogo dek o. Nen, Elia degat o. Nen, Allah ane yoknisekhe dogoagaluk la'isigin isikhe etnogo degat o, egen meke re, nenaluk akhuni ima usa'isekhe lagan?” iluk yogokhukhama,

Yohanes 4:19

Itithogon pakhogon yogokhe lageikhemo, at he etnogo nen, men yogokhikhe, “Eiye. La'uk. Hat hebe, eberogonat Allah ane yogeisegetek meke higi, iluk arat hutdagagi o.

Yohanes 6:14

Itithogon ukharlogo 'bisukhama, at Yesus nen ebe hutduagaluk elalinat hagakhikhe meke iti, it akhuni inileken hasukhasikmo nogo nen, men isukha, “Ap ageikhe nen Allah ane agat oba yoma yoknisasigin isukha etnogo eberogonat, ebe yiat o,” iluk isukha.

Yohanes 7:40

Wene itithogon yogeisugunem, akhuni doalegat emenogo inasuk holhukhasik, it aperek nen, men isukha, “Ap yi, ap ageikhe Allah ane yoknisasigin iluk, therogo welagorek etnogoat o,” iluk ugunem

Yohanes 9:17

Itithogon mikikhukhasik ap ileken puk meke hano hagakhikhe etnogo oba itema yabokane waganhe dogolik, “Hat nen, At nen nileken hano hagatnakhe iluk egen apigi. Halok he, hat nen ap iti abok nikithogon apekhe lagan,” iluk yogokhukhama, at nen he, “At ebe ap Allah ane yogeisegarek etnogo mekeat o,” iluk yogeisasikhe.

La'isasikhe 7:37

Nen, akhuni Israel meke yogeisekhe dogolik, Allah nen ap at ane yokhisekhe dogoagaluk, ap hit meke ageikhe an meldanhikhe iti hak, yabokane meldigin etnaga o, iluk yogeisasikhe iti, at Musa nenat o.