Matius 20:2 - ALLAH ANE WENW KET MEKE WAROGO WOKNINAKHIKHE WENE

² Dukhisikhesik, ap inayoko 'bisikhe meke inom wene men yogeisasikhe, Hiniki opaki hasik hagakhep halok he, oko uang iniki opaki hasik hagakhunem wogeisegarek hagat, hinebe dopok opakitek wokhisagein o, iluk yogeisasikhemo, it nen, Erlok, iluk yogokhukhama at yabumo la'isasikhe.

Matius 20:2 ပူးပေါင်းရင်းမြစ်များ

Matius 18:28

Itithogon la'isikhemo, at atuaneke etnogo olilu dukhisikhe hak, at agarlak ap kok etnogo atuaneke ageikhe, at ap dukhisikhe etnogo auang 1.000 meke herlekha'bugat wogokhikhe meke oba palegeke werekma ipisak abuk agoukha. Abuk agoukhasik ebe hakhasikhesik arlokop ade pethelogo hago dogolik, Nameke hoba palegeke werek etnogo oko woknom, iluk yogokhikhemo

Matius 20:1

At Yesus nen yabokane men yogeisasikhe, “Nopase kok pogot oba meke nen apma 'bisekherekma etoma ipisak tak-tak men hakene. Ap yabu iteerek meke ageikhe yabu anggur yabumo wagunuagaluk ap herageinabik hubenat yoko dukhisikhe.

Matius 20:13

ap ayabu iteerek meke etnogo nen, ap it meke ageikhe men yogokhikhe, Nagarlak o. An korlo wokhikhi dek o. Oko uang opakitek wokhisagein igima, I o, iluk egep etnogoat wokhikhi.

Matius 20:3

La'isalok nen, o mo wageikhemo dukhisikhe jam 9 hak, it ap aperek ninat meke pasar etoma werlegat werekma ileken hisasikhe.

Matius 20:9

Itithogon yogokhikhemo, it yabokane jam 5 baga wagani lagoukha meke emenogo tak wagoukhama, oko uang yabu iniki opakiat hasik hagakhunem wogeisegarek etnogo tak-tagat opakitek opakitek wogeisasikhe.

Matius 22:19

Uang pemerintah hasik 'busak meke etnogo nileken hak nen inugutneani,” iluk isikhemo uang etnogo ageikhe wogokhukhama,

Matius 9:37

Akmurinakhikhesik, at agarumi ane waganhe lagoukha meke emenogo men yogeisasikhe, “Eken ugu doalegat werek mekeat he, akhuni eken ebe palusak meke inebe pererlagat o.

Markus 12:15

at Yesus nen, “It ap yi an nukhetdanuogoluk inane 'bitokhogon yoknekha,” iluk inobabut ekagat palhikhesik nen, men yogeisasikhe, “An nobabut paluogoluk egep iti nenaluk. Uang perak yabu iniki opaki hasik hagakhunem iniki oko wogeisegarek etnogo meke ageikhe nileken hak nen, wagani lani o,” iluk yogeisasikhemo,

Lukas 10:35

Therogo noge iluk, hubenke ap etnogo nen, ap o iti iteerek meke uang perak meke pere wogokhe dogolik, men yogokhikhe, Ap yi therogo dogono. Therogo dogolik, hat meke yi meke ti meke wogokhe dogogin meke, oko wokhikhi yi dek aga halok, an yabokane witluk nen oko wokhesigin o, iluk yogokhikhe,” iluk, Yesus nen ap Allah ane holal waganek iteerek meke etnogo yogokhikhe.

Lukas 20:24

“Uang perak yabu iniki opaki hasik hagakhunem iniki oko wogeisegarek etnogo meke ageikhe inugutneani,” iluk yogeisasikhemo inuguthasukhama nen, “Yi tha ebe elokhoken hagarek inom, etaga holal waganek inom, werek apegep,” iluk yogeisasikhemo, it nen, “Ithi Kaisar hagarek werek o,” iluk yogokhukha.

2 Timotius 3:15

Hat hebe elege baga nenat Allah ane holal waganek iti hilu motok welagatek iti, hakla eberek motok dogosak o. Itithogon dogolik, hetaiken Kristus Yesus oba hakotdiluk werekma, Allah nen tilhabusak meke hutdinogoluk, at ane holal waganek iti bagaat hakla erlogat kagalusak werek o.

A'bikaka 6:6

Itithogon lagunem lakhigirik nen, nasuk holhi meke, it Allah nen winametdisasikhemo iniluk welageikharek meke inebe 4 emenogo inakla nen akhuni inane hakene meke men ekhe, “Beras hakene gandum eken iti meke akin walhegarek meke isoak opakiat 1 liter anek ukharlogo, oko yabu iniki opaki hasik hagakhunem iniki oko wogeisegarek iti hak, tha'bokhogonat 'busagat o. Nen, hupak eken hakene etaga jelai iti meke akin walhegarek meke isoak 3 liter anek ukharlogo, oko yabu iniki opaki hasik hagakhunem oko wogeisegarek iti hak tha'bokhogonat 'busagat o. Itithogon mekeat he, minyak zaitun apusu inom, anggur apusu inom, iti anek he, weagatdusak dek o,” iluk isinem holhi.