Matius 20:11 - ALLAH ANE WENW KET MEKE WAROGO WOKNINAKHIKHE WENE

¹¹ Itithogon wogeisekhe korlek, it emenogo uang waganhe dogolik inobabut ua palek hagakhe dogolik, ap kok ayabu iteerek meke etnogo men yogokhukha,

Matius 20:11 ပူးပေါင်းရင်းမြစ်များ

Matius 20:10

Nen, yabokane, it alebageik wagani lagoukha meke emenogo inakla nen, Nit kok negen oba dukhogon aperek woknisagein o, apalok wagoukhama mekeat he, oko uang etnogo mekeat opakitek opakitek it alebageik wogeisasikhe hagat, wogeisasikhe.

Matius 20:12

It yabokane wageikha meke yi, satu jam hakene herlekha'bugat hagakhe lageikha mekeat he, nit alebageik lagosik, mo aik weakma ninoba u weak higik waganho meke ninom tak-tagat woknisegen iti nenaluk, iluk yogokhukhama,

Markus 14:5

Apusu yi baga, uang perak akhuni yabu iniki opaki hasik hagakhunem iniki oko opakitek wogeisegarek etnogo meke 300 nen waganiluk nen, akhuni inameke dek meke supurisausak meke,” iluk, he etnogo wenagakhukha.

Lukas 15:2

Itithogon wagoukha meke re, it ap Farisi meke men, it ap Allah ane holal waganek iteerek meke men, inileken 'birisalok inane kurlu-kurlu ekhe dogolik, men isukha, “Ap yi nen akhuni weak hagariogei meke woginakherethek hipiri inom opakimo nekharek iti, nayuk e!” iluk isukhama nen,

Lukas 19:7

Yesus ipisak lagunem, it akhuni tha'bokhogonat nen inileken lageisalok, ua palogo inane kurlu-kurlu inabok palhe dogolik, men isukha, “Yesus nen, ap weak hagariogo meke etnogo aila ipisak noge i luogoluk liliogei iti nayuk o!” iluk isukhama mekeat,

Lukas 5:30

Itithogon nasimen, it ap Farisi meke men, it ap Allah ane holal waganek iteerek meke men, at yesus agarumi ane waganhe lagoukha meke emenogo men yogeisasukha, “Hit he, ap uang pemerintah hasik kino iluk waganharek meke inom, it aperek weak hagariogei meke inom, hinom hipiri opakimo neke lagap ethoma nenaluk?” iluk yogeisasukha.

Yohanes 6:41

Nen, at Yesus nen itithogon yogeisekhe dogolik, “Hipiri roti pogot oba meke iti, an nebeat usa'agagi o,” iluk yogeisasikhe iti nen, it ap Yahudi meke nen, at abok kurlu-kurlu palhe dogolik,

Yohanes 6:61

Itithogon at ebe yogokhidek isukha mekeat he, at Yesus nen, “Wene igi etnogo hasik nagarumi nen ua palogo wene paliogei higi” iluk inobabut ekagat palhikhesik nen, men yogeisasikhe, “Wene yokhisigi meke yi nen, At nina'it, iluk kolelogo thogotdanuogoluk hagakhe lagap a?

La'isasikhe 13:45

Natogokhukhama, it ap Yahudi meke emenogo akhuni doalegat inileken hisasukhasik ua palogo nen, “Wene Paulus nen iliogo iti hinasuk holusak dek o,” iluk wene palhik, Paulus lak inane pukhogon wenageisigik, hagakhukha.

1 Tesalonika 2:16

Allah nen it akhuni itikman meke tilinabuagaluk nit nen hano wene yogeisilik lagunem, akhuni inagolak palharek hak, it nen, “Wene hano wene iti yogeisausak dek,” iluk wene paliogei iti o. Itithogon hagakhe dogolik, hibiku-yogoku weak hagakharek mekeat obarluk hagariogei iti nen, Allah akla aga dageiluk, ukum kok meke inoba 'bekhe iti o.

Yudas 1:16

It iti akhuni inabok weak palhik, wenageisigik, isi motogat welageikharek meke. Yi meke ti meke inetaiken nen nukunem, “Warlok o,” inakla apekhe dogolik, iti mekeat hagakhik, inekaerek nen hogorakhekhe dogolik, yi meke ti meke thaburogo horlauwogoluk, it akhuni aperek inane agugurogo hogorinakhik, egarek meke.