Matius 2:7 - ALLAH ANE WENW KET MEKE WAROGO WOKNINAKHIKHE WENE

⁷ Isukhama, at Herodes etnogo nen, it ap inobagasiak husagal penakhe lagoukha meke inileken wolok wagoukha meke emenogo nen waisasikhesik nen limago yogeisekhe dogolik, men yogeisasikhe, “Meranem husagal iti dukhi aga? Hutukhogon yoknitni,” iluk hinok inoba yabokane waganhikhe.

Matius 2:7 ပူးပေါင်းရင်းမြစ်များ

Matius 2:1

At Yesus iti, o propinsi Yudea etoma o ukul etaga Betlehem itaklageikhe. Itaklageikhe eta higit o etoma ap kok etagapogot Herodes iti welageikhe. Werekma, it ap inobagasiak husagal penakhe lagoukha meke aperek o mulikin dagei agarekma eloma mot-mot nen o Yerusalem wagoukha.

Matius 2:16

Ap kok Herodes etnogo nen it ap wene warisasikhe meke etnogo, “Wisugun a? Dek a,” iluk, therisik welageikhe welageikhe, inebe degat nen, “Nukhetdanha higi,” iluk akla aga apik dageisikhe. Akla aga apik dageisikhesik nen, “Yekerugi 'bugurlagat meke o Betlehem etoma meke inom, o yoarlemake etoma meke inom, hurli ap husagal inileken nen wolok wageikhasik, Iti hurli baga hogo, iluk hutukhogon yoknekha hurli nen, umur 2 tahun meke inom, yabokane itaklarik wageikha meke inom, elege tha'bokhogonat motok inatno,” iluk, agarumi la'isasikhe.

Matius 2:8

Hinok waganhikhemo it nen, “Itithogon,” iluk yogokhukhama, at nen he, “Halok he, hit nen o Betlehem etoma lani o. Lalok nen, elege itaklagasik werek iti hanorogon heratno. Nen, arat herakhep halok he, yabokane an netaiken at oba hakotdiluk hogorasi lak nen yoknisitno,” iluk yogeisasikhe.

La'isasikhe 24:22

Itithogon yogokhikhemo, at Feliks akhuni Yesus oporlik lageikharek wene iti ilu etnogo nen, Paulus men yogokhikhe, “Yogotak wene arat ogo. Yabokane ap tentara inoe kok Lisias etnogo ebe waga halok nen, ukum hoba 'bega meke iti, an nen wene erlo herago ilokon wasigin o,” iluk yogokhikhe.

A'bikaka 12:15

Itithogon werekma, at warlo etnogo nen, at he etnogo i iduk waga dogolik nen wolok loagaluk, i apema nen elesi kok motok hirlelogo ulabogo, he etnogo ebe werekmake mot-mot la'ekhe laga.