Matius 2:23 - ALLAH ANE WENW KET MEKE WAROGO WOKNINAKHIKHE WENE

²³ Wageikhesik nen, o ukul etaga Nazaret iti uki ageikhesik, etomaat huk ageikhe. Itithogon hagakhikhe iti, it ap Allah ane yogeisekhe lagoukha meke nen ekhe dogolik, “At ap etnogo ai Nazaret meke ugun o,” iluk isukha tak-tagat hagatlageikhe iti o.

Matius 2:23 ပူးပေါင်းရင်းမြစ်များ

Matius 1:22

Itithogon hagasugun iluk ninopase Allah Etagapogot nen, ap ageikhe haganeat ayoko 'bisikhemo wene yogeisekhe dogolik, holal waganogo 'bisikhe meke tak-tagat hagatlasuagaluk isikhe iti.

Matius 21:11

it akhuni doalegat emenogo nen, “Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.

Matius 26:71

holagape palek dukhegarekma eranogo dukhisigiluk hagakhunem, at horlak atuaneke meke ageikhe ninat meke nen ileken lakhalok, akhuni doalegat emenogo men yogeisasikhe, “Ap yi Yesus Nazaret meke etnogo inom nekhe lageikha mekeat o,” iluk yogeisasikhemo,

Markus 1:24

“Yesus ai Nazaret meke yi! Hat nen nikithogon hagatninabigiluk wagan. Nit weagatninabigiluk wagan a? Hat hebe Allah ekaerek hasik meldageikhesik la'agei agama wagan iti, an nen hutdagagi o,” iluk ane kokhogonat yogokhikhe.

Markus 1:9

At Yohanes nen wene itithogon yogeisugunem, at Yesus Galilea eloke o etaga Nazaret etoma nen oba usasikhemo, i Yordan ima usa'isikhe.

Lukas 1:26

He Elisabet etnogo eak akma werek korlek, thut 6 oba holelhikhemo, Allah nen malaikat pogot oba yoko la'isa agarek meke ageikhe Gabriel etnogo Galilea eloke, o ukul etaga Nazaret, etoma korlak etaga Maria, ap Yusuf Daud opa meke iti ipisak wene warek werekma oba la'i ageikhe.

Lukas 18:37

Hinok waganhikhemo, it akhuni nen, men yogokhukha, “Dek o. Yesus ai Nazaret meke etnogo holak yike wiriogo nen iliogei o,” iluk yogokhukhama,

Lukas 2:39

Ninopase Etagapogot nen ninasuk wakhikhe meke holal waganhukha etnogo tak-tagat Yesus agosa opase itithogonat arat hagakhukhasik nen, inaila i Galilea ima o ukul etaga Nazaret etnogo dagei agoukha.

Yohanes 18:5

it nen, “Yesus ai Nazaret meke etnaga herarik wago o,” iluk yogokhukhama, at Yesus nen, “Iti nebe anat o,” iluk yogeisasikhe. Itithogon isi korlek at Yudas Yesus wasuagaluk yoko lageikhe meke etnogo inalilu metek welageikhe.

Yohanes 18:7

Itithogon laga korlek, at Yesus nen yabokane ageikhe inom men yogeisasikhe, “Hit tha herarik wagap,” iluk yogeisasikhemo, it nen, “Yesus ai Nazaret meke etnaga herarik wago o,” iluk yogokhukhama,

Yohanes 19:19

Itithogon meldisasukhama, at Pilatus nen, holal men iluk waganhikhe, “YESUS AI O NAZARET MEKE AKHUNI YAHUDI MEKE INOE KOK ETAGAPOGOT,” iluk holal waganogo wogeisasikhemo, o Yesus meldisukha etnogo ilugunmo upu baga tetnokhogon 'bisukha.

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

La'isasikhe 24:5

Ap yi nen, akhuni weagarinabik nukhunem, obabut palho. It akhuni ap Nazaret meke etnogo oporlik liliogei meke inoe kok dogolik, akhuni Yahudi meke o yi ai ti ai welageikharek meke tha'bokhogonat inakla kagalik liliogo.