Matius 2:1 - ALLAH ANE WENW KET MEKE WAROGO WOKNINAKHIKHE WENE

¹ At Yesus iti, o propinsi Yudea etoma o ukul etaga Betlehem itaklageikhe. Itaklageikhe eta higit o etoma ap kok etagapogot Herodes iti welageikhe. Werekma, it ap inobagasiak husagal penakhe lagoukha meke aperek o mulikin dagei agarekma eloma mot-mot nen o Yerusalem wagoukha.

Matius 2:1 ပူးပေါင်းရင်းမြစ်များ

Matius 1:25

ipisak noge igidek welagoukhasik nen, eak abat itakhikhemo, etaga Yesus thalhikhe.

Matius 2:16

Ap kok Herodes etnogo nen it ap wene warisasikhe meke etnogo, “Wisugun a? Dek a,” iluk, therisik welageikhe welageikhe, inebe degat nen, “Nukhetdanha higi,” iluk akla aga apik dageisikhe. Akla aga apik dageisikhesik nen, “Yekerugi 'bugurlagat meke o Betlehem etoma meke inom, o yoarlemake etoma meke inom, hurli ap husagal inileken nen wolok wageikhasik, Iti hurli baga hogo, iluk hutukhogon yoknekha hurli nen, umur 2 tahun meke inom, yabokane itaklarik wageikha meke inom, elege tha'bokhogonat motok inatno,” iluk, agarumi la'isasikhe.

Matius 2:19

At ap kok Herodes etnogo arat watlageikhemo, malaikat Allah nen la'i ageikhemo wageikhesik, Yusuf o Mesir etoma dogolik noge isinem hibako a'bi baga men yogokhikhe,

Matius 2:3

Isukhama, at kok Herodes etnogo asuk holhikhesik, at men akhuni o Yerusalem welagoukha meke emenogo men, inakmaken motok lageikhe.

Matius 2:5

Hinok waganhikhemo, it nen, “O Betlehem propinsi Yudea elomaat o. Eloma itaklasigin, iluk, it ap Allah ane yogeisekhe lagoukha meke ageikhe nen ekhe dogolik,

Matius 2:7

Isukhama, at Herodes etnogo nen, it ap inobagasiak husagal penakhe lagoukha meke inileken wolok wagoukha meke emenogo nen waisasikhesik nen limago yogeisekhe dogolik, men yogeisasikhe, “Meranem husagal iti dukhi aga? Hutukhogon yoknitni,” iluk hinok inoba yabokane waganhikhe.

Lukas 1:5

Ap kok Herodes iti o Yudea eloke etagapogot werek oba, ap ageikhe etaga Zakharia, ebe ap Abia nen itago meke inom inebe Allah iteerek dogolik, at hasik hagakhe lagoukha meke welageikhe. Nen, at age ap Harun nen itago meke etaga Elisabet iti welageikhe.

Lukas 2:11

Yogotak tilhinabigin meke kok Etagapogot Kristus etnogo o ap Daud ai welageikhemo etnogo itaklagasik werek o.

Lukas 2:15

Itithogon yogeisalok nen, it emenogo thogotdisalok inapuke pogot oba dageikhe korlek it ap domba hagasik welagoukha meke emenogo it-it ekhe dogolik, “Itithogon hagatlagama o, iluk ninopase Etagapogot nen yoknisekhe iti, o Betlehem 'bikha luok o,” iluk isukhasik,

Yohanes 7:42

Akhuni tilninabigin meke Allah nen la'isigin isikhe meke iti, ap Daud nen itago meke, at Daud ekaerek aila erloma welageikhe baga, o Betlehem etoma itaklasigin, iluk Allah ane baga holal waganogo 'bisukha werek etnogo dek?”