Matius 19:8 - ALLAH ANE WENW KET MEKE WAROGO WOKNINAKHIKHE WENE

⁸ Itithogon yogokhukhama, at Yesus nen, “Dek o. Wene itithogon yogeisasikhe iti, hit hinakla motok puk dogolik yokhisugunem hinasuk holusak motok erlok dek iti nen, Hinagugi waganek meke lologo here'isausagat o, iluk yogeisasikhe iti. Itithogon mekeat he, erlo baga Allah nen walinakhe dogolik itithogon motok isikhe dek o.

Matius 19:8 ပူးပေါင်းရင်းမြစ်များ

Matius 19:7

Itithogon yogeisasikhemo it nen he, “Halok he, at Musa nen, Ap ageikhe nen he waganek meke here'isagaluk halok he, He yi hebe na'it. Here'agagi o, iluk, holal waganogo ikimo wogotluk, erlok here'isausagat o, iluk isikhe iti nikithogon nen isikhe,” iluk yogokhukha.

Matius 19:9

Halok he, wene ageikhe yi yokhisak. Ap tha nen age waganek meke ap ageikhe nen param ha'isigidekmaat he, lologo here'isalok he ninat meke ageikhe waganhe halok he, paramat hagasugun o,” iluk itithogon yogeisasikhemo,

Matius 3:15

Yogokhikhemo, at Yesus nen, “An usa'anusagat o. At Allah nenat yi hasik ti hasik itithogon hagasuagaluk apekherek tak-tagat hagatnabusak o,” iluk isikhemo, “I o,” iluk

Matius 8:31

Konak nasi werekma, it mokat inobabut weak meke it ap inebe pere eranogo inakla dogolik men yogokhukha, “Yesus. Hat he, ninebe ula'inanigiluk halok he, wam doalegat konak niliogei eloma inakla ukhatlasi luok nen, la'inanin o,” iluk inane ina'buarek ina'buarek yogokhukha.

Markus 10:5

Itithogon yogokhukhama, at Yesus nen men yogeisasikhe, “At Musa nen, Itithogon erlok hagakhe dogosak, iluk, inasuk warogo holal waganhikhe iti hit hinakla motok puk dogolik yokhisugunem hinasuk holusak motok elrok dek iti nen, iti nenat yogeisasikhe.

Markus 16:14

Itithogon hagarik waga lageikhesik, ebe yabokane, it at Yesus agarumi inebe 11 nen emenogo hurek hipiri nasi werekma, “Inileken neoak,” iluk inoba ukisikhesik inelokhoma winam ageikhesik men yogeisasikhe, “Hit yoma hinakla nen eberogonat iluk apigidek hinakla pugat yoma re! Allah nen an nebe arat nilugutnakhemo werekma, it aperek nen inileken neegasik yokhisa ageikha mekeat he, hinakla nen eberogonat iluk apigidegat yoma re!” iluk wenageisasikhe.

1 Korintus 7:6

Wene yokhisigi iti, nane obatnerogon yokhisigi 'buk. Weat hinasuk wakhi o.