Matius 19:29 - ALLAH ANE WENW KET MEKE WAROGO WOKNINAKHIKHE WENE

²⁹ Halok he, an netaga kok asuagaluk tha nen ai halek men, oe agot men, erugi men, agosa opase men, a'buri men, wen waganek men, here'isalok waga halok he, oko obolukmo Allah nen iniki 100 oba hakene motok doalegat wogokhik, naburlal-haburlal wogokhik, hagasigin o.

Matius 19:29 ပူးပေါင်းရင်းမြစ်များ

Matius 10:22

Nen, akhuni tha'bokhogonat nen an netaga ilik, Hit at agarumi, iluk ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga, Allah nen tiligin o.

Matius 13:23

Nen, ai agat hanoma hilogo la'isikhe meke iti ebe, it akhuni aperek Allah ane iti inasuk hanorogon holharethek nen, ebe hutukhogon hutdakhugunem, wene iti eken ikheregat o. Erlo ageikhe nen eken 100 ikhik, erlo ageikhe nen eken 60 ikhik, erlo ageikhe nen eken 30 ikhik, ikherek itiat o,” iluk yogeisasikhe.

Matius 13:8

Nen, ai aperek he, agat mirlimo usa'isikhe meke, hanoat aku hurlelhikhesik nen, erlo kok ageikhesik eken doalegat ikhikhe. Erlo ageikhe eken 100 oba ikhikhe. Erlo ageikhe eken 60 baga ikhikhe. Nen, erlo ageikhe eken 30 baga ikhikhe.

Matius 16:25

Nen, tha nen ekaerek nen, An nebe niluk dogosak warlok, iluk ebe irlirli horlagein halok he, watlatluk nuk akhagein o. Meke re, tha nen ebe irlirli horligidgek an nobasik watlaga halok he, ebe irlirli horlagein o.

Matius 19:16

At Yesus itithogon lageikhesik werekma, ap ageikhe oba wageikhesik men yogokhikhe, “Guru, noe. An naburlal-haburlal hagatnabuak nen, an nobabut hagakhe dogosak he, hano ki hakene hagakhe dogosak apegen,” iluk yogokhikhemo,

Matius 25:34

Itithogon hulogo 'bisalok nen, an nebe Netagapogot etnogo nen, it niki ebeke 'bisagein meke iti, wene men yogeisagein, An nopase nen hanothinakhemo welagap. Halok he, witni o. An hipiri abu werekma hit nen melaknikhik, i abu werekma hit nen woknikhik, an ap husoat werekma hit nen woknakhik, nasu ugu dek werekma hit nen i'banhik, u warek werekma hit nen 'bitnea ageik, niki herle warek werekma 'bitnea ageik, hagakhigip iti nen, an nopase nen pogot agat aban walhigidek dogolik, hit kok hinetagapogot dogobageik iluk, wenago 'binageisikhe meke yi horlatni o, iluk yogokhunem,

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Matius 5:11

Hit aban werek korlek, haganeat it ap Allah ane yogeisekhe lagoukha meke weagarinakhe lagoukha hagat, hit an nebe hasik, it akhuni aperek nen wenakhisigik, weagathinakhik, inekalat nenat hinabok palhe dogolik, yi weak ti weak hinoba 'bigik, hagakho halok he, hinakla arleken akhekhe dogosagat o. Yabokane ninopase pogot ona meke nen oko kok meke woknisagein iluk, hinakla hano ageik, hinakla arleken akhigik, kokhogon hagakhe dogono,” iluk yogeisasikhe.

Matius 6:33

Halok he, hinopase Allah nen apma dogolik hagakhe dogosak iti hasik men, nen, at nen, Yigithogon tigithogon hagatno, iluk yokhisugunem hagakhe dogosak iti hasik men, kogotdekhe dogogun halok, yi meke ti meke iti oba dukhogon wokhisageinat o.

Lukas 14:26

“Hit hinagosa hinopase lak men, hinagugi hina'buri men, hinougi hinagarumi men, hit hinekaerek hinebe iti men, tha'bokhogonat, Motok na'it o, iluk, apigidek dogolik, an nagarumi asuogoluk napma ukisusak erlok dek o.

Lukas 5:11

Itithogon yogokhikhemo ku etnogo i aik oba 'bi agoukhasik nen, yi meke ti meke tha'bokhogonat here'isalok Yesus oporlik lagoukha.

Lukas 6:22

Nen, it ap yoma inopa lak nen, it ap alep Allah ane yogeisekhe lagoukha meke hagarinakhe lagoukha hagat, hit yogotak an abat itaklasi agagi etnogo nane waganhep iti nen ina'it motok hisekhe dogolik, hit anek kolelogo 'binagagik, inane puk weak wenageisigik, Ap yi weak, iluk hinetaga ekhe dogolik hinabok weak palhik, itithogon hagathinakho halok, oko wokhisagein meke pogot oba doalegat werek iti nen, hinakla arleken akhekhe dogolik hologot hilik hilik etai warekhe dogono.

Yohanes 15:19

Hit hinebe akhuni agat oba meke dogolepma re, it akhuni agat oba meke nen he, It nit ninagarumi, iluk inetaiken hunik hagathinabilep mekeat he, hit hinebe it akhuni agat oba meke werekma wenakhinakhigisik nen wokhinakhigisikmo hinebe it meke welagap 'buk. Iti nen, ina'it motok hagathinabiogei o.

Yohanes 4:36

Ebe arat palho halok he, ap ageikhe ai yakherek meke inom, nen, ageikhe eken palherek meke inom, ipisak inakla arleken akhoagaluk, yogotak at ageikhe eken paliogo meke iti oko horliliogoat o. Oko horliliogo iti ebe re, eken palogo natogorlogo 'begarek iti hak, akhuni iniluk motok dogoagaluk natogorlogo 'bisiliogo itiat o.

La'isasikhe 9:16

Itithogon ayoko 'bigirikmo at nen netaga itithogon yogeisilik nukhunem, at yi aik ti aik hekhe dogosak obaat hekhe dogogin meke, an nen yogosigin werek o,” iluk yogokhikhe.

1 Korintus 2:9

Wene iti hasik, Allah ane yigithogon holal waganek werek, “At Allah nen yi meke it meke akhuni nen inileken higidek. Inasuk holhidek. Inakla nen kagalhidek. Meke re, tha'bokhogonat nit akhuni at ebe ninakmu welagorek meke karelogo 'binanhemo werek o,” iluk holal waganogo 'bisukhama werek.

2 Korintus 5:16

Itithogon nit nen hurli yogotak ya hurli nen, akhuni nen inobabut palharek hak, it akhuni aperek inobabut itithogon palhe lago dek o. Nen, alebageik Kristus obabut itithogon palhugu hak, yabokane itithogon palhe lago dek o.

Filipi 3:8

Itithogon hutdekhe lagei iti anek 'buk. Noe Etagapogot Yesus Kristus nilu agagi iti hano motogat o. Yi meke ti meke ninat meke hagakhe lagagi iti, weat alomarogo hagakhe lagagimo iluk, hutdekhe lageiat o. At ebe horlalok nen, nipisak hunik motok dogouogoluk, yabu aleke karelogo ulakharek hak, yi meke ti meke alep hagakhe lagagi meke iti, “Weat meke,” iluk here'isasigi iti o. Wene Allah nen ninasuk wakhikhe wene iti baga, nekaerek nen mot hagakhe lagei 'buk. It akhuni aperek inetaiken Kristus oba hakotdisinem, wene inoba meke korogo wokhalok yabokane Allah inom hunogo 'bisekherek hak, an itithogonat netaiken at oba hakotdisigimo, wene noba welageikhe meke korogo wokhasikhe iti o.

1 Petrus 4:14

Akhuni aperek nen at Kristus hasik wenakhisekhe halok, hinakla nen, “Allah Agoreke hogorakharek meke etnogo ninoba duk ekhemo welago,” iluk hinakla arleken akhekhe dogono o.