Matius 19:27 - ALLAH ANE WENW KET MEKE WAROGO WOKNINAKHIKHE WENE

²⁷ At Yesus nen itithogon yogeisasikhemo, at Petrus nen, “Meke re, nit he, hat hoporlik nekhe dogouogoluk yi meke ti meke tha'bokhogonat here'isalok wagosik nekhe lago meke yi anek, nena meke woknisagein,” iluk yogokhikhemo,

Matius 19:27 ပူးပေါင်းရင်းမြစ်များ

Matius 19:26

at Yesus nen ileken it inoba 'biluk nen, men yogeisasikhe, “Akhuni nen hagasusak motok erlok dek mekeat he, at Allah nen yi meke ti meke hagasusak erlok anek o,” iluk yogeisasikhe.

Matius 19:28

at Yesus nen, “At nen eberogonat yokhisak. Hit an noporlik nekhe lagap meke yi, yi meke ti meke Allah nen yabokane ket ninat hagatlatlukmo nen, an abat itaklasi agagi etnogo yabokane witluk, hogotnakhe korlek, nobolukmo etoma nebe kok hurek werekma, hit nalilu etoma hinoboluk 12 perlago baga hinebe kogat hurek dogolik, akhuni Israel meke inukuloak etaga 12 oba emenogo hit nen ukum inoba 'bigik, kokhik, hagakhe dogogun o.

Matius 9:9

At Yesus o etoma thogotdiluk laga dogolik, ap ageikhe etaga Matius, kantor uang pemerintah hasik kino iluk waganhe lagoukhama hurek werekma, ileken halok, “Noporlik eme o,” iluk yogokhikhemo, melageikhesik oporligat lageikhe.

Markus 10:28

Itithogon yogeisasikhemo at Petrus nen men yogokhikhe, “Meke re, nit hat hoporlik nekhe dogouogoluk yi meke ti meke tha'bokhogonat here'isalok wagosik nekhe lago meke yi anek he, nikirlik,” iluk yogokhikhemo,

Markus 2:14

Wene yakulisalok laga dogolik nen, ap Lewi, Alfeus a'but, kantor uang pemerintah hasik kino iluk waganhe lagoukhama hurek werekma ileken hasikhe. Ileken halok nen, “An noporlik eme o,” iluk yogokhikhemo, melatluk oporlik lageikhe.

Lukas 14:33

Iti hak, hit aperek hinameke yi meke ti meke thogotdisigidek dogolik an nagarumi asuogoluk napma ukusak erlok dek o,” iluk yogeisasikhe.

Lukas 15:29

Yogokhikhemo a'but etnogo nen opase yogokhe dogolik, men isikhe, Hasuk holin. An he, yi tahun ti tahun hat hobasik hayabu motok kogat hagakherek o. Itithogon hagakhe dogolik, hat nen, Yigithogon hagatno, tigithogon hagatno, iluk yoknekhetek meke etnogo ageikhe na'it igidegat hagakherek meke re, sapi eak opakiat ageikhe an nagarlak lak ninom ninakla arleken akhekhe dogolik isago noagaluk woknikhidegat.

Lukas 18:28

Itithogon yogeisasikhemo, at Petrus nen, men yogokhikhe, “Meke re, nit hat hoporlik nekhe dogouogoluk ninameke yi meke ti meke here'isalok wagosik nekhe lago meke yi anek, nikirlik,” iluk yogokhikhemo,

Lukas 5:11

Itithogon yogokhikhemo ku etnogo i aik oba 'bi agoukhasik nen, yi meke ti meke tha'bokhogonat here'isalok Yesus oporlik lagoukha.

1 Korintus 1:29

Iti nen, nit akhuni ninekaerek nen Allah il oba hogorakhausak erlok dek o.

1 Korintus 4:7

“It aperek iti erlok dek meke re, ageikhe iti anek he, kok motok, iluk ekhe dogono,” iluk tha nen yakulhisasikhemo. Hit hinameke yi meke ti meke horlekhe lagap iti, Allah nenat wokhisekherek dek nogo a? At nenat wokhisekherek o. Itithogon wokhisugunem horlekhe lagap mekeat he, hit nen winametdegep meke thalek hinekaerek nen hogorakhekhe lagap iti nenaluk.

Filipi 3:8

Itithogon hutdekhe lagei iti anek 'buk. Noe Etagapogot Yesus Kristus nilu agagi iti hano motogat o. Yi meke ti meke ninat meke hagakhe lagagi iti, weat alomarogo hagakhe lagagimo iluk, hutdekhe lageiat o. At ebe horlalok nen, nipisak hunik motok dogouogoluk, yabu aleke karelogo ulakharek hak, yi meke ti meke alep hagakhe lagagi meke iti, “Weat meke,” iluk here'isasigi iti o. Wene Allah nen ninasuk wakhikhe wene iti baga, nekaerek nen mot hagakhe lagei 'buk. It akhuni aperek inetaiken Kristus oba hakotdisinem, wene inoba meke korogo wokhalok yabokane Allah inom hunogo 'bisekherek hak, an itithogonat netaiken at oba hakotdisigimo, wene noba welageikhe meke korogo wokhasikhe iti o.