Matius 19:20 - ALLAH ANE WENW KET MEKE WAROGO WOKNINAKHIKHE WENE

²⁰ at elege thue etnogo nen, “Wene tha'bokhogonat yoknekhen iti, nasuk holek dogolik mothogon hagakherek mekeat o. Meke re, ki meke hagakhidek welagei apegen,” iluk yogokhikhemo

Matius 19:20 ပူးပေါင်းရင်းမြစ်များ

Matius 19:19

Hinopase hinagosa inalon halinakhe dogosak o. Hinekaerek hinebe hinetaiken hunik welagathep iti hak, it akhuni aperek hinom welagathep meke iti, hinetaiken hunik dogono o, iluk ninasuk wakhikhe wene iti hasik igi o,” iluk yogokhikhemo,

Matius 19:21

at Yesus nen, “Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe.

Lukas 15:29

Yogokhikhemo a'but etnogo nen opase yogokhe dogolik, men isikhe, Hasuk holin. An he, yi tahun ti tahun hat hobasik hayabu motok kogat hagakherek o. Itithogon hagakhe dogolik, hat nen, Yigithogon hagatno, tigithogon hagatno, iluk yoknekhetek meke etnogo ageikhe na'it igidegat hagakherek meke re, sapi eak opakiat ageikhe an nagarlak lak ninom ninakla arleken akhekhe dogolik isago noagaluk woknikhidegat.

Lukas 15:7

Iti hak, akhuni inebe 99 meke iti nen, An weak ageikhe hagakhi etnogo nen, nobabut hebelasigin nogo? Dek o, iluk inobabut hebelasusak dek nen, it pogot oba welageikharek meke iti inakla arleken akhagun dek o. Meke re, it akhuni weak hagakharek meke opakiat ageikhe nen obabut hebelhe halok, it pogot oba welageikharek meke iti inakla arleken kogat akhagun o, iluk yokhisigi,” iluk yogeisasikhe.

Yohanes 8:7

Itithogonat inane thogotdisalok holal waganhe korlek it nen, “Yoknisan o, iluk yogokho motok hagakhe lagoukhama, at uroak lek isikhesik, men yogeisasikhe, Hit welagap ya meke, ap ageikhe weak hagakhidek welagarek meke halok, at nen tak he yi helekit oba tunhogo wasuak o,” iluk

Roma 7:9

An alep he, wene Allah nen ninasuk wakhikhe wene iti nokodek dogolik, niluk hano welagei thalek welagagi. Meke re, wene ninasuk wakhikhe wene etnogo nilu agagisik oba nen, weak hagakharek iti meke obatne ageikhemo,

Galatia 3:24

Nit ninetaiken Yesus oba hakotdisinem, wene ninoba meke korogo wokhalok, Allah ninom yabokane ninapuke hunogo 'binagaluk, Kristus aban itaklageidek werek korlek, wene ninasuk wakhikhe wene etnogo nen haknisik dogoagaluk isikhe iti.

Filipi 3:6

Allah hasik akilukhogon hagakharek meke iti, an itithogonat hano hagakhe lagei thalek, Allah a'buri inetaiken Yesus oba hakotdisukha meke yi aik ti aik hagarinabik nekhe lagagi iti o. Itithogon hagakhe dogolik, wene Allah nen ninasuk wakhikhe wene etnogo mothogon hagakharek iti, an motok mothogonat hagakhunem, akhuni aperek nen wene noba 'busak degat karelek motok welagagi.