Matius 19:16 - ALLAH ANE WENW KET MEKE WAROGO WOKNINAKHIKHE WENE

¹⁶ At Yesus itithogon lageikhesik werekma, ap ageikhe oba wageikhesik men yogokhikhe, “Guru, noe. An naburlal-haburlal hagatnabuak nen, an nobabut hagakhe dogosak he, hano ki hakene hagakhe dogosak apegen,” iluk yogokhikhemo,

Matius 19:16 ပူးပေါင်းရင်းမြစ်များ

Matius 19:15

Itithogon yogeisasikhesik, iki inukuloak thebeldiluk etoma nen o werlekma lageikhe.

Matius 19:26

at Yesus nen ileken it inoba 'biluk nen, men yogeisasikhe, “Akhuni nen hagasusak motok erlok dek mekeat he, at Allah nen yi meke ti meke hagasusak erlok anek o,” iluk yogeisasikhe.

Matius 19:29

Halok he, an netaga kok asuagaluk tha nen ai halek men, oe agot men, erugi men, agosa opase men, a'buri men, wen waganek men, here'isalok waga halok he, oko obolukmo Allah nen iniki 100 oba hakene motok doalegat wogokhik, naburlal-haburlal wogokhik, hagasigin o.

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Yohanes 12:25

Itithogon yogeisasikhesik, wene ageikhe men yogeisasikhe, “At tha nen akla nen he, An nen agat oba yoma nebe niluk dogosak warlok, iluk apekherek halok he, yabokane ebe iluk motok dogosak meke hasik nuk asigin o. Mekeat he, ap tha nen akla nen, Agat oba yoma niluk dogosak na'it, iluk apekherek halok he, at iti yabokane ebe nuk asigin dek iluk motok dogogin o.

Yohanes 4:14

i an nen wogeisaumo nasi halok he, it inakla nen i elesi hakene hunak-hunak dukhisi motok dogogin iti nen, iniluk motok dogolik, it yabokane i abu aga dogogun motok dek o,” iluk yogokhikhe.

Yohanes 5:39

Hit nen apekhe dogolik, Niniluk motok dogogun he, Allah ane holal waganek hago welago yi bagaat dogogun o, iluk, holal waganek iti hanorogon 'bikhegethep mekeat he, holal waganek iti, an nebe hutdanuagaluk holal waganhukhama werek korlegat,

Yohanes 6:47

Ap tha nen etaiken an noba hakotdekhe halok he, iniluk motok welageikharek meke iteerek agasik werek o, iluk, eberogonat yokhisigi o,” iluk yogeisasikhesik nen,

Yohanes 6:68

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

La'isasikhe 16:30

Yabokane, at ap kok etnogo melageikhesik nen, inebe wogosik dukhi ageikhesik nen, men yogeisasikhe, “Nougi. An nebe Allah nen tilnabuagaluk, nobabut nikithogon hagasik,” iluk yogeisasikhemo,

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

Roma 5:21

Weak hagakharethek watlageikharek iti baga, weak hagakharek meke obatne ageikhe iti hak, ninoe Etagapogot nen wene ninoba meke korogo wokhalok, Allah ninom hunogo 'binanhikhe iti baga, Allah obabut hano nen akmutninakherek meke iti obatne ageikhemo, niniluk motok dogogun iti.

1 Timotius 1:16

Meke re, it akhuni aperek yabokane inetaiken Yesus oba hakotdisinem iniluk motok dogoagaluk, hagarinabigin meke inakla nen apekhe dogolik, “Paulus weak hagakho korlegat he, Kristus Yesus akla puk ageidek obakhanini hapugutdiluk motok welageikhesik nen, akmuratluk ebe waganhikhe iti, at nen akhuni weak hagakharek meke itithogon woginakherekma higi,” iluk, Allah obabut ekagat hutduagaluk, an tak itithogon woknakhikhe iti o.

1 Timotius 6:12

Akhuni inae walhauwogoluk tha ae 'busuk tha ae 'busuk walhegarek hak, niniluk motok dogogun iti meke horla lagaluk, hetaiken Allah oba hakotdiluk dogolik, at hasik hobatnerogon hagakhe dogono. Itithogon hagakhe dogoluk, iti meke horla lanogoluk, Allah nen hayoko 'bisikhemo, hat nen he, “Netaiken Kristus oba hakotdiluk itithogon hagakhe dogogin,” iluk akhuni doalegat inil oba pakhogon isigin iti tak-tagat hobatnerogon hagakhe dogono.

1 Timotius 6:19

Itithogon hagakhe dogogun halok he, yi meke ti meke yabokane meke hasik natogorlogo 'begarek hak, hano hagakhe dogolik, yabokane motok dogogin meke hasigat 'bakhekhe dogoluk nen, ninebe eberogonat ninilugutninabumo dogogun iti mekeat horloagaluk inasuk wakhe dogono o.

Titus 1:2

At Allah nen, yi meke ti meke aban winametdigidek dogolik, nit akhuni ninobasik men isikhe, “Akhuni an nen winametdisalok nen, inebe iniluk motok dogoagaluk, hano hagarinabigin,” iluk abok isikhe iti, “Ekalat ekherek dek o,” iluk ninakla eberek dogolik, ebe wene yakulisekhe lago iti o.

Titus 3:7

At Yesus obabut hano nen wene ninoba meke korogo wokhasikhesik, Allah ninom ninapuke hunogo 'binanikhemo, nit ninakla nen, “Niniluk motok dogogun o,” iluk apekhe lago iti mothogon iteerek asuagaluk Allah Agoreke woknisasikhe iluk,

1 Yohanes 1:2

Nen, at iluk motok welagarek meke iti, ebe opase ipisak iluk motok welageikhesik nen, opase nen nit ninileken hoagaluk thelekmatdisikhemo ninileken hasugusik nenat abok yokhisekhe lago o.

1 Yohanes 2:25

Nen, at ekaerek nen, “Wokhisagein,” iluk abok yoknisasikhe etnogo, ninebe naburlal-haburlal hagatninabigiluk isikhe o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

Yudas 1:21

Itithogon ekhe dogolik, hinakla nen, “Ninoe Etagapogot Yesus Kristus ninebe akmu nen, nit yabokane naburlal-haburlal hagatninabigin,” iluk, therogo dogolik, at Allah nen ninebe akmu iti, hit nen at hinom hunigat dogono o.