Matius 18:4 - ALLAH ANE WENW KET MEKE WAROGO WOKNINAKHIKHE WENE

⁴ At tha nen, An erlok dek meke, iluk obabut yekerek yi obabut hakene etaiken ekaerek nen thebetdakhalok thebekhogon dogogin halok he, at iti nopase pogot oba meke apma 'bisekherekma etoma kok etaga werek dogogin o.

Matius 18:4 ပူးပေါင်းရင်းမြစ်များ

Matius 18:1

Itinem at Yesus agarumi ane waganhe lagoukha meke emenogo at oba wagoukhasik nen, men yogokhukha, “Nopase kok pogot oba meke apma 'bisekherekma etoma, kok etagapogot he, tha dogogin,” iluk yogokhukha.

Matius 18:3

men yogeisasikhe, “Hit akhuni yi, hinobabut hebelatluk hinobabut yekerugi yi inobabut hakene hagatlasugun dek halok he, nopase kok pogot oba meke apma 'bisekherekma etoma ukugun motok dek o, iluk eberogonat yokhisigi.

Matius 18:5

Nen, tha nen yekerek yi hakene an nobasik waganhe halok he, an nebeat woknabigin o,” iluk yogeisasikhe.

Markus 10:43

Meke re, hit nen it hagakharek iti hak, itithogon hagakhe dogosak motok dek o. An abat itaklasi agagi etnogo hit natuaneke dogolik yi meke ti meke hagatnekhe dogobageik iluk wagagi dek o. At he, an nen hit hinatuaneke dogeigiluk wagagi o. Itithogon hagakhe dogolik hinebe herle warek negen welagap meke iti, hinebe doalegat herle hisalhinabigiluk anat nasuagaluk wagagi iti. Iti hakene, hit ageikhe tha nen, An inoe kok asigin, iluk apasi halok he, hinagorat asuak. Nen, hit ageikhe tha nen, An netaga kok asigin, iluk apasi halok he, at ebe hit tha'bokhogonat hinatuaneke asuak o,” iluk yogeisasikhe.

Markus 9:34

it holagarlem laga dogolik, “Kain hetagapogot hat nogo? An o,” igik, wene palhe lagoukhasikmo nogo nen, inane igidek huk agoukha.

Lukas 9:48

it emenogo wene men yogeisasikhe, “Hit hinakerlekla yoma at etaga dek erlok dek meke itiat ebe kok etagapogot asigin iti nen, tha nen yekerek yi an nobasik waganhe halok he, an nebe woknabigin o. Nen, tha nen an woknakho halok he, at la'ani ageikhe meke etnogoat waganigin o,” iluk yogeisasikhe.

Yakobus 4:10

Ninoe Etagapogot apma ukiluk hinetaiken thebekhogon dogogun halok he, at nen siatdinagaginat o.

1 Petrus 5:5

Nen iti hagat, hit ap elege nagarumi. It aperek nen Allah ane baga men isukha, “Akhuni inekaerek nen hogorakhugunem, Allah nen a'it hisekherek o. Mekeat he, inekaerek inetaiken thebekhogon dogogun halok, at obabut hano nen akmurinakherek o,” iluk holal waganogo 'bisukhama werek iti nen, hit nen inarluetek inapma ukiluk inane hologo hagakhe dogono o. Itithogon hagakhe dogolik, hit tha'bokhogonat nen, hinekaerek nen hogorakhigidek inapma dogolik, hit aperek nen it aperek inatuaneke welageik, it nen hit hinatuaneke welageik, hagakhe dogolik yomak-yomak hagakhe dogono o.