Matius 18:32 - ALLAH ANE WENW KET MEKE WAROGO WOKNINAKHIKHE WENE

³² Yogosi agoukhama ap kok etnogo nen ap iti wisuagaluk isikhemo, wageikhemo men yogokhikhe, Yak yi! Hat hobabut motok weak yi re! An nameke hat hoba palegeke welaga meke re, hat hane ha'buarek negen yoknekhe laganma, Werlegat atno, iluk yokhikhi apigi.

Matius 18:32 ပူးပေါင်းရင်းမြစ်များ

Matius 18:27

at kok etnogo nen, at atuaneke etnogo akmu ageikhesik, Halok he, an nameke hat hoba palegeke meke iti werlegat atno. Thogotdisigi, iluk wene thagalogo degetdisalok la'isikhe.

Matius 18:31

Itithogon hagakhunem, ap kola'isikhe meke iti agarlak lak aperek nen inileken hasukhasik inakla motok weak ageikhesik, it nen yabokane yoko ap kok etnogo wene tha'bokhogonat yogosi agoukha.

Matius 18:33

Mekeat, an hat nakmuthakhi iti hak, hat itithogonat hagarlak iti hakmuratlen he! iluk yogokhikhesik,

Matius 25:26

at oe etnogo nen, Hat hobabut motok weak hiki waganu weak meke yi! An nen it aperek ai hilogo la'egarek meke eken paligik, it aperek yakharek meke eken horligik, hagakherek nobabut iti hat hilu dogoligat ekhe lagan?

Lukas 19:22

Itithogon yogokhikhemo, at ap kok etnogo nen, Nagot. Hat hobabut weak motogat hagakhen o. Hat hane egen iti bagaat wene hoba 'biluk weagathabigin o. An nobabut a'bet weak dogolik, an nen 'bigidek meke horligik, ai an nen yakhidek mekeat, eken palhigik, hagakherekma, nobabut hat hilu halok he,

Roma 3:19

It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.

Yakobus 2:13

Hit nen he, akhuni hinakmurinakhidek halok he, Allah nen akmuthinakhidek, wene hinoba 'biginat o. Meke re, akhuni aperek inakmurogon welageikharek meke iti Allah nen initema waganhe dogolik wene inoba 'bisagein dek o.