Matius 18:31 - ALLAH ANE WENW KET MEKE WAROGO WOKNINAKHIKHE WENE

³¹ Itithogon hagakhunem, ap kola'isikhe meke iti agarlak lak aperek nen inileken hasukhasik inakla motok weak ageikhesik, it nen yabokane yoko ap kok etnogo wene tha'bokhogonat yogosi agoukha.

Matius 18:31 ပူးပေါင်းရင်းမြစ်များ

Matius 14:9

Itithogon yogokhikhemo, at kok Herodes etnogo akla weak ageikhe meke re, Allah etaga hupuk palhunem akhuni doalegat pesta isago nuogoluk natogorli agoukha meke emenogo arat inasuk holhukhasikmo iluk, agarumi nen horlak etnogo nen isikhe tak-tagat hagarogo wogosi loagaluk yogeisasikhe.

Matius 18:28

Itithogon la'isikhemo, at atuaneke etnogo olilu dukhisikhe hak, at agarlak ap kok etnogo atuaneke ageikhe, at ap dukhisikhe etnogo auang 1.000 meke herlekha'bugat wogokhikhe meke oba palegeke werekma ipisak abuk agoukha. Abuk agoukhasik ebe hakhasikhesik arlokop ade pethelogo hago dogolik, Nameke hoba palegeke werek etnogo oko woknom, iluk yogokhikhemo

Matius 18:30

agarlak etnogo nen, Na'it o, iluk ap iti oba palegeke meke oko aban wogokhidek werek korlek, ap iniki herle warogo 'bisegarekma kola'iluk dogoagaluk wogeisasikhe.

Matius 18:32

Yogosi agoukhama ap kok etnogo nen ap iti wisuagaluk isikhemo, wageikhemo men yogokhikhe, Yak yi! Hat hobabut motok weak yi re! An nameke hat hoba palegeke welaga meke re, hat hane ha'buarek negen yoknekhe laganma, Werlegat atno, iluk yokhikhi apigi.

Markus 3:5

Inane dek agoukhama, at Yesus ileken hisilik lageikhesik akla nen, “Inobabut pirla-parlarek yi re!” iluk akla korlo atluk akla aga dageisikhe. Itithogon it inobasik akla aga dageikhe meke re, akla weak ageikhesik nen, ap etnogo men yogokhikhe, “Hiki walokhan,” iluk yogokhikhemo, iki walokhogon la'isikhemo nen arat hano ageikhe.

Lukas 14:21

Inane itithogon anek ilik lagoukhama, at atuaneke etnogo nen oe etnogo yogosi ageikhe. Yogosi ageikhemo, at oe iteerek etnogo akla aga kogat dageiluk, men yogokhikhe, O kota yi, holak kokmake, 'bugurlagatmake laga dogolik, akhuni inerlageik meke men, inuak thagalek meke men, inileken puk meke men, initibagal weak meke men, wogosik wetno o, iluk yogokhikhe.

Lukas 19:41

At Yesus nen itithogon yogeisilik horokhogonat asi usasukhasik, at ileken o kota Yerusalem etnogo lakhalok nen, uak de ageikhe.

Roma 12:15

It akhuni aperek inakla arleken akhekhe halok he, hit hinomat hinakla arleken akhigik, it aperek de ago halok he, hit hinomat de ageik, hagakhe dogono o.

2 Korintus 11:21

Nit meneke, itithogon hagasusak, ninobabut ninayuk nen huk agagu iluk usak, nekarli kogat hausak nogo a? Dek o. It akhuni kepu meke nen egarek hak ageikhe yokhisak. At ageikhe ekarli dek hogorakhekhe halok he, an meneke, nekarli dek hogorakhausagat o.

Ibrani 13:17

Hit hinougi inakla nen, “Yabokane Allah nen, It inebe hasik nikithogon hagakhe lagasip, iluk yoknisugunem, nit nen ninoba dopogat oko yogosugun higi,” iluk, hanorogo thethisik motok welageikharek iti nen, it inapma thoma iluk inane hologo hagakhe dogono o. Itithogon hagakhe dogogun halok he, it inakla arleken, hit hinobasik hagakhe dogogun iti. Meke re, hit nen it inane hologo dogogun dek halok he, it inakla weak dogolik, hit hinobasik alomarogoat hagakhe dogosak o.

Ibrani 13:3

It aperek herle warek werekma, hinakla nen, “Nit meneke, ninomat herle warek hakene welago,” iluk it inoba ebekhik, it aperek yi weak ti weak hagarinakhunem, hit hinakla nen, “Nit meneke, agat oba yoma aban werekma itithogonat hagatninabusagat o,” iluk, it inoba ebekhik, hagakhe dogono o.