Matius 18:19 - ALLAH ANE WENW KET MEKE WAROGO WOKNINAKHIKHE WENE

^19-20 “Nen, wene ageikhe yi yokhisak. Hit hinebe pere a? Henagan a, an netaga baga natogosugun halok he, an nebe hinakerlekla etoma dogogin iti nen he, hit hinebe pere nen agat oba yoma dogolik, hinetaiken opakiat atluk, hit nen, Ageikhe hagatnisan, iluk, nena meke, Allah ayoko 'bugun meke iti an nopase pogot oba meke nen hinane asuk holiluk hagasiginat o,” iluk yogeisasikhe.

Matius 18:19 ပူးပေါင်းရင်းမြစ်များ

Matius 21:22

Nen, hit yi meke ti meke Allah kino yogokhe dogolik, hinetaiken at oba hakotdegep halok he, wokhisageinat o,” iluk yogeisasikhe.

Matius 5:24

wolok ligin meke etnogo Allah ake 'begarekma etoma werlegat 'biluk, yabokane suguluk hapuke hagarlak etnogo oba witluk, wene thagalogo degetdusak o. Nen, wene etnogo arat thagalhep halok he, yabokane lalok Allah ake etnogo 'busak o.

Matius 7:7

Itithogon yogeisasikhesik ageikhe men yogeisasikhe, “It akhuni inebe tomok nen Allah kino yogokhunem, at nen inebe tomok wogeisekherek anek iti. Nen, it aperek inebe tomok nen yi meke ti meke at oba herakhunem inebe tomok herakhegarek anek iti. Nen, it aperek inebe tomok nen thu puputhasinem, at nen inebe tomok thu hualisekherek anek iti. Iti nen he, hit Allah kino yogokhe dogono. Yogokhe dogoumo, wokhisageinat o. Hano meke at oba herakhe dogono. Herakhe dogoumo herasugunat o. Nen, thu puputhekhe dogono. Puputhekhe dogoumo, at nen thu hualhisageinat o.

Markus 11:24

Itithogon hagakherek iti nen, hit nen yi meke ti meke Allah kino yogokhe dogolik, hinakla nen, Arat woknisekhemo, iluk apegep halok wokhisageinat o, iluk yokhisigi.

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 15:7

Hit an ninom hunik dogolik nane hinakla werek halok, nena meke hit warlok meke an kino yoknisumo wokhisaumo horlagunat o.

Yohanes 16:23

Hurli iti hurli arat asi lalok nen, hit nen wene ageikhe an noba hinok wokneagun motok dek o. Halok he, an nen wene ageikhe yokhisak, Hit nen yi meke ti meke an netaga palogo nopase kino yogosugun halok he, at nen wokhisageinat o, iluk eberogonat yokhisigi.

La'isasikhe 1:14

It inebe eta inom, humi aperek inom, Yesus agosa Maria inom, Yesus agarumi oporlik meke inomat, inebe tha'bokhogonat inetaiken opakiat dogolik, sembayan isi motok welagoukha.

La'isasikhe 12:5

At Petrus iki herle warogo kola'iluk werek korlek, it Allah a'buri nen sembayan at obasik huk ageidek hunik-hunigat inetaiken oba nenat motok isi lagoukha.

La'isasikhe 16:10

A'bikaka itithogon hasikhemo, nit nen, men isugu, “Hano wene it akhuni etoma meke yogeisa loagaluk, Allah nen ninayoko 'bekhe higi,” iluk isugusik nen, o Makedonia itali isuogoluk hagakhugu.

La'isasikhe 6:4

Meldisaumo, it itithogon hagakhe korlek, nit nen sembayan igik, wene ebe wene itiat yogeisigik, hagakhe dogogun,” iluk yogeisasukha.

1 Yohanes 3:22

at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.