Matius 18:1 - ALLAH ANE WENW KET MEKE WAROGO WOKNINAKHIKHE WENE

¹ Itinem at Yesus agarumi ane waganhe lagoukha meke emenogo at oba wagoukhasik nen, men yogokhukha, “Nopase kok pogot oba meke apma 'bisekherekma etoma, kok etagapogot he, tha dogogin,” iluk yogokhukha.

Matius 18:1 ပူးပေါင်းရင်းမြစ်များ

Matius 18:2

Itithogon yogokhukhama at nen yakerek 'bugurlagat meke ageikhe waikhikhemo oba wageikhemo nen, it emenogo inelokhoma meldekhe dogolik,

Matius 23:11

Halok he, hit ya re, at tha nen ageikhe kok werek halok, at iti hinatuanekeat asuak o.

Matius 3:2

“At kok pogot oba meke apma 'bisagein etnogo yogotak arat 'binanigin. Halok he, yi weak ti weak hagakhe lagap meke here'isalok hinobabut hebelatni o,” iluk yogeisekhe lageikhe.

Matius 7:21

Itithogon yogeisasikhesik men yogeisasikhe, “Hit akhuni nen, an yoknekhe dogolik, Ninoe, ninoe, iluk ekhe lagap iti baga hinebe tha'bokhogonat, an nopase pogot oba meke apma 'bisekherekma etoma ukilugun dek. Pogot oba ukilugun iti re, it an nopase pogot oba meke akla apekherek meke mothogon hagariogei meke anegat ukilugun o.

Roma 12:10

Hinagarlak lak hinerugi Allah a'buri meke iti hinebe ap opakiat nen itago meke negen, hinetaiken hunik hinakmurogon dogolik, hit-hit hinagarlak lak hinerugi inalon halhe dogono o.

Filipi 2:3

Yi meke ti meke hagasuogoluk, hinakla nen he, “An anek hanorogon hagakhe dogogin,” iluk, hinekaerek nen hinalonhogon hagakhe dogogup o. Hinakla nen hogorakhigidegat, “It aperek hano. An he, erlok dek,” iluk, apekhe dogono.