Matius 17:4 - ALLAH ANE WENW KET MEKE WAROGO WOKNINAKHIKHE WENE

⁴ Itithogon hisasukhasik, at Petrus nen Yesus men yogokhikhe, “Noe. Nit o yoma hano welago higi. Hat nen erlok apegen halok he, yoma orlisa henagan, hat hobasik ageikhe, Musa obasik ageikhe, Elia obasik ageikhe, halhisagein o,” iluk yogokhikhe.

Matius 17:4 ပူးပေါင်းရင်းမြစ်များ

Matius 17:3

Itithogon hagatlagunem, at agarumi eranogo nen inileken lakhasukha meke, Musa men, Elia men, winam agoukhasik Yesus inom wenekak isinem inileken hisasukha.

Lukas 9:33

Itithogon hisasukhama, ap inebe pere emenogo Yesus etoma thogotdiluk luogoluk hagakhunem, Petrus nen Yesus yogokhe dogolik, men yogokhikhe, “Noe! Nit o yoma hano welago higi. Halok he, nit nen yoma orlisa henagan, hat hobasik ageikhe, Musa obasik ageikhe, Elia obasik ageikhe halhisagein o,” iluk itithogon isikhe iti, wene nikithogon meke ekhe lagei iluk, hutdigidegat yogokhikhe iti.

Yohanes 17:24

Allah nopase. Hat nen agat aban walhigidek dogolik, an nebe hetaiken hunik welagagin iti nen, hogotnakhe dogoagaluk kogotdanhigin etnogo, it hat nen haganeat woknikhigin meke emenogo inileken neoagaluk, o an dogoginmo etoma, it ninomat dogosak warlok o.

Yohanes 7:2

Itithogon nekhe lageikhe etanemat, it akhuni Yahudi meke haganeat orlisa haldiluk welagoukha meke inakla eberogo, pesta isago nausak oba arat hakok i ageikhe.

Filipi 1:23

An hagasusak meke wene pere werek iti nen, netaiken pere ariogo. An watlatluk nen, Kristus nipisak dogoumo hano. Ebe hano motok itiat o.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

A'bikaka 21:23

Nen, o kota etoma Allah a'bi'bal yakhik, Domba Eak etnogo ebe a'bi'bal isagal hakene yakhik, liarogo yakho korlek nogo nen, o mulikin inom, thut inom, yakhe dogosak degat welaga higi.