Matius 17:23 - ALLAH ANE WENW KET MEKE WAROGO WOKNINAKHIKHE WENE

²³ nasugun o. Nasumo, nebe niki pere warek dogoluk, ageikhe baga nen he, Allah nen nilugutnabigin o,” iluk yogeisasikhemo, inakla motok weak arik lagoukha.

Matius 17:23 ပူးပေါင်းရင်းမြစ်များ

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Matius 17:9

Itithogon hagatluk, tom ukul oba etnogo nen usa'aga dogolik, at Yesus nen men yogeisasikhe, “An abat itaklasi agagi etnogo, nebe nakhunem watlatluk werekma, Allah nen nilugutnakhidek werek korlek, an hagatlagunem hinileken neegep etnogo akhuni aperek motok yogeisugup o. Yabokane Allah nen nilugutnakhe halok nen, yogeisausak o,” iluk inasuk warik warik usageikhe.

Matius 20:19

Ukum noba 'biluk nen, it ap itikmanke meke nen inane aik dagok yoknikhik, tugi la'bisoko tugi nakhik, hagatluk nen nebe o baga meldaniluk nasuagaluk wogeisagun o. Nen, arat nakhunem, niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Matius 27:63

“Ninopase. Akhuni nukhetdisilik nekhe laga meke etnogo, iluk dogolik nen ane yogeisekhe dogolik, Niki pere warek dogoluk nen, niki ageikhe baga yi nen, niluk asigin o, iluk isikhe etnogo nen,

Markus 8:31

At Yesus nen itithogon inasuk wakhikhesik wene yabokane ageikhe men yogeisasikhe, “An abat itaklasi agagi etnogo, it ap inarluetek men, Allah iteerek meke inougi koktek men, Allah ane holal waganek iteerek meke men, inom nen an nebe ina'it atluk yi aik ti aik doalegat hagatnabiluk, nebe nasugun o. Nasumo nebe niki pere warek dogoluk nen, niki ageikhe baga yi, niluk asigin o,” iluk

Markus 9:30

Itithogon yogeisasikhesik, at Yesus nen wene agarumi ane waganhe lagoukha meke emenogo anek, holak o Galilea eloke laga dogolik yakulisilik lagaluk, men yogeisasikhe, “Yesus etnogo yi waga o, iluk, akhuni aperek inilu asunogo nen yogeisugup. Na'it,” iluk yogeisasikhesik, wene men yakulisilik lageikhe, “An abat itaklasi agagi etnogo, ap nen yoko lalok it ap aperek iniki baga 'banumo nasugun o. Itithogon nakhunem niki pere warek dogoluk nen, niki ageikhe baga yi niluk asigin o,” iluk yakulisilik lageikhe mekeat he,

Yohanes 16:6

An nen wene yokhisigi iti nen, hit hinakla motok weak aga mekeat he,

Yohanes 2:19

Itithogon wenageikhukhama, at Yesus nen, men yogeisasikhe, “Dek o. Allah ai halek yi misalini o. Arat misalumo, an nen yabokane niki pere baga halhe dogoluk nen, niki ageikhe baga yi nen arat haligin o,” iluk yogeisasikhe.