Matius 17:22 - ALLAH ANE WENW KET MEKE WAROGO WOKNINAKHIKHE WENE

²² Yabokane, at Yesus agarumi inom o Galilea etoma natogokhukhasik dogolik, men yogeisasikhe, “An abat itaklasi agagi etnogo, ap nen yoko lalok it akhuni aperek iniki baga 'banumo,

Matius 17:22 ပူးပေါင်းရင်းမြစ်များ

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Matius 16:28

Nen, hit metek welagap yoma meke hinebe aperek watlageidek dogolik, an abat itaklasi agagi etnogo kok Netagapogot dogeigiluk akhuni tha'bokhogonat napma 'bisa agunem hinileken neagunat o, iluk eberogonat yokhisigi,” iluk yogeisasikhe.

Matius 17:12

an wene eberogonat yokhisak. At Elia ebe arat wageikhe mekeat he, it akhuni nen motok hutdigidek naldekhe dogolik, itithogon hagasu warlok nen, at ebe weagatdisukha hagat, an abat itaklasi agagi etnogo, nebe itithogon weagatnabugunat o,” iluk yogeisasikhemo,

Matius 17:23

nasugun o. Nasumo, nebe niki pere warek dogoluk, ageikhe baga nen he, Allah nen nilugutnabigin o,” iluk yogeisasikhemo, inakla motok weak arik lagoukha.

Matius 17:9

Itithogon hagatluk, tom ukul oba etnogo nen usa'aga dogolik, at Yesus nen men yogeisasikhe, “An abat itaklasi agagi etnogo, nebe nakhunem watlatluk werekma, Allah nen nilugutnakhidek werek korlek, an hagatlagunem hinileken neegep etnogo akhuni aperek motok yogeisugup o. Yabokane Allah nen nilugutnakhe halok nen, yogeisausak o,” iluk inasuk warik warik usageikhe.

Matius 24:10

Itithogon hagakhe korlek, it akhuni aperek inetaiken Allah oba hakotdisukha mekeat he, inebe doalegat inakla puk atluk, thogotdisalok dukhiluk, at ageikhe nen at ageikhe wasuagaluk wolok lageik, ageikhe nen ageikhe a'it nen anini oba 'bigik, hagasugun o.

Matius 26:16

Oko arat wogokhukhama, at Yudas Iskariot etnogo nen, meranem Yesus iti wogeisausak hano iluk akla munini ebekhe lageikhe.

Matius 26:46

Halok he, nit luok nen he, hit melatni o. Lakhani! Ap an nasuagaluk yoko laga meke etnogo arat horogat waga ithi o,” iluk yogeisasikhe.

Markus 8:31

At Yesus nen itithogon inasuk wakhikhesik wene yabokane ageikhe men yogeisasikhe, “An abat itaklasi agagi etnogo, it ap inarluetek men, Allah iteerek meke inougi koktek men, Allah ane holal waganek iteerek meke men, inom nen an nebe ina'it atluk yi aik ti aik doalegat hagatnabiluk, nebe nasugun o. Nasumo nebe niki pere warek dogoluk nen, niki ageikhe baga yi, niluk asigin o,” iluk

Lukas 24:26

At Kristus Allah nen ayoko 'bisikhe etnogo, yi aik ti aik higidek hogorasusak a? Dek o. Hugunem nen hogorasusak o. Hit nen egep iti hagasusak tak-tagat hagakha o,” iluk yogeisasikhe.

Lukas 24:46

Itithogon inetaiken kagalogo yogeisekhe dogolik, “Allah nen Kristus ayoko 'biluk la'isigin isikhe meke holal men iluk waganek werek, Yi aik ti aik hilik-hilik watlatluk nen, iki pere warek dogoluk iki ageikhe baga yi nen, watlatluk lageikharekma nen iluk asigin o, iluk holal waganek werek.

Lukas 9:22

Inasuk itithogon wakhikhesik nen, “An abat itaklasi agagi etnogo, it ap inarluetek inom, it ap Allah iteerek meke inougi koktek inom, it ap Allah ane holal waganek iteerek meke inom, an nebe ina'it atluk, yi aik ti aik doalegat hagatnabiluk, nebe nasugun o. Nasumo nen, nebe niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Lukas 9:43

Itithogon wogokhikhemo akhuni emenogo tha'bokhogonat inileken hasukhasik nen, “Allah obatneak iti nayuk e,” iluk hogorakhukha. It akhuni emenogo tha'bokhogonat, at Yesus nen yi hagakhik, ti hagakhik, hagakhe lageikhe meke emenogo hasik, “Eiye!” iluk, hogorakhe korlek, at nen at agarumi ane waganhe lagoukha meke emenogo men yogeisasikhe,

La'isasikhe 7:52

It ap Allah ane yogeisekhe lagoukha meke emenogo, hinopa lak nen inebe weagarinakhidek aperek welagoukha nogo? Weagarinakhe lagoukha anek apigi. It Allah ane yogeisekhe lagoukha meke nen, Allah atuaneke obabut mothogon hagasigin meke iti yabokane wisigin o, iluk ebe wageidek werek korlek, it abok tak ekhe lagoukha meke inebe hinopa lak nenat inakhe lagoukha iti. Yabokane, it nen abok tak isukha meke iti ebe wageikhemo nen, hit nenat at ebe wasuagaluk yoko lageik, ebe wakhik, hagakhep iti.

1 Korintus 11:23

Wene itithogon hagakhe dogosak hasik, ninoe Etagapogot nen yakulnikhikhemo, an nen hit yakulhisasigi iti o.