Matius 17:20 - ALLAH ANE WENW KET MEKE WAROGO WOKNINAKHIKHE WENE

^20-21 at Yesus nen, “Hit hinetaiken hutukhogon noba hakotdekhe lagap dek iti nen o. Ki'bi-ki'bi ai motok 'bugurlaktek meke iti hak, hinetaiken an noba 'bugurlaktek anek hakotdiluk nen, tom ithi yogokhe dogolik, Ethoma nen higilogo werlekma etoma asi lan o, iluk yogosugun halok he, etoma nen werlekma etoma asi lausagat o. Hit nen yi meke ti meke hagasumo, ageikhe erlok dek ageidek hano anek asigin, iluk eberogonat yokhisigi. [Meke re, mokat obabut weak meke yi hakene inakla ukiluk werekma hipiri nikidek sembayan umo anek he, erlok mukhogo ula'usak o,”] iluk yogeisasikhe.

Matius 17:20 ပူးပေါင်းရင်းမြစ်များ

Matius 13:31

At Yesus nen itithogon yogeisasikhesik yabokane wene ageikhe oba lisogon men yogeisasikhe, “At kok pogot oba meke apma 'bisekherek iti ebe re, ki'bi-ki'bi ai hakene o. Ap ageikhe nen ki'bi-ki'bi ayabumo hilik la'isikhe. Yi meke ti meke ai iti herlekha'bugat mekeat he, ki'bi-ki'bi ai iti anek motok herlekha'bugat o. Meke re, ki'bi witat men, ageikhe meke men, aku dukhekherethek nen, oak herlekha'bugat negen dageikharek. Mekeat he, ki'bi-ki'bi ai iti anek motok kogat dageikherethek, o hakene hagatlagunem, thue hitluk nekherek meke witluk nen, ki'bi-ki'bi iti ikilo'bak obake ai hali agarek iti hakeneat o,” iluk yogeisasikhe.

Matius 14:29

at Yesus nen, “Eme o,” iluk yogokhikhemo, at Petrus etnogo ku akla nen dukhisikhesik nen, i agoum obake Yesus oba lageikhe.

Matius 17:17

Itithogon yogokhikhemo, at Yesus nen, men yogokhikhe, “Hit akhuni o yogotak welagap meke yi, hinetaiken noba hakotdigidek dogolik nuk akhekhe lagap yoma re! An hit ninom niki meren oba dogogun nogo. Hit nen nakla pugurakhe korlek nobakhanini hapugutdiluk niki meren dogogin,” iluk yogeisasikhesik nen, “Yekerek ithi an noba wolok witni o,” iluk yogeisasikhemo

Matius 17:19

Hano ageikhemo re, it Yesus agarumi ane waganhe lagoukha meke emenogo oba wagoukhasik inom inarligat dogolik, men yogokhukha, “Nit nen, at mokat obabut weak meke iti mukhogo ula'usak erlok dek iti nikithogon nen,” iluk oba hinok waganhukhama,

Matius 17:9

Itithogon hagatluk, tom ukul oba etnogo nen usa'aga dogolik, at Yesus nen men yogeisasikhe, “An abat itaklasi agagi etnogo, nebe nakhunem watlatluk werekma, Allah nen nilugutnakhidek werek korlek, an hagatlagunem hinileken neegep etnogo akhuni aperek motok yogeisugup o. Yabokane Allah nen nilugutnakhe halok nen, yogeisausak o,” iluk inasuk warik warik usageikhe.

Matius 21:21

at Yesus nen he, “Wene eberogonat yokhisak. An nen o ara yi hagakhi hak, hit nen itithogon hagasusagat meke re, iti anek hagasusak 'buk. Hinetaiken pere ageidek opakiat dogolik, Allah oba hakotdiluk hit nen, Tom yi yoma nen henokhogon i laut yekelekma eloma lan o, iluk yogokhep halok he, hagatlasiginat o.

Matius 8:26

Itithogon yogokhukhama, at Yesus nen he, “Nenaluk hinayuk aga lagap? Hinetaiken an noba hakotdu'buk yoma re!” iluk ane ilik ilik melageikhesik hisakne etnogo inom, i hoklabu etnogo inom, “Haborlok,” iluk wenagakhikhemo, aborlok motok dek ageikhe.

Markus 11:22

at Yesus nen it men yogeisasikhe, “Hit he, hinetaiken Allah oba hakotdiluk dogono.

Markus 11:23

Tha nen etaiken pere ageidek opakiat dogolik, An igin yi tak-tagat hagatlasigin, iluk etaiken Allah oba hakotdiluk, Tom yi henokhogon i laut yekelekma ponhogo lan o, iluk igin halok he, at igin meke tak-tagat Allah nen hagasigin o, iluk eberogonat yokhisigi.

Markus 4:31

Iti ebe re, ki'bi-ki'bi eken hakene o. Ap ageikhe nen ki'bi-ki'bi ai hilogo la'isikhe. Yi meke ti meke ai iti, 'bugurlaktegat mekeat he, ki'bi-ki'bi ai iti anek motok 'bugurlaktegat o.

Markus 9:23

Itithogon yogokhikhemo, at Yesus nen men yogokhikhe, “Hat nen, Erlok hagasusak halok he, hagasin, iluk yoknekhen iti nenaluk. Akhuni inetaiken Allah oba hakotdiluk yi meke ti meke erlok hagasusak anek o,” iluk yogokhikhemo,

Lukas 1:37

At Allah nen yi meke ti meke hagasusak erlok dek, dek o. Erlok hagasusak anek,” iluk yogokhikhemo

Lukas 17:6

at ninoe Etagapogot nen, “Ki'bi-ki'bi ai motok 'bugurlagat meke iti hak, hinetaiken an noba 'bugurlaktek anek hakotdiluk nen, O kok murbei yi yoma nen henokhogon i laut kok yekelekma eloma yaklasi lan o, iluk yogosugun halok he, hinane asuk holiginat o,” iluk yogeisasikhe.

Lukas 18:27

at Yesus nen, men yogeisasikhe, “Akhuni nen hagasusak motok erlok dek mekeat, at Allah hagasusak erlok o,” iluk yogeisasikhe.

Yohanes 11:40

at Yesus nen, men yogokhikhe, “An nen wene yokhekhe dogolik, Hetaiken an noba hakotdegen halok he, Allah hogorakharek meke etnogo ageikhe hagakhunem hileken higinat o, iluk, arat yokhikhidegat? Yokhikhiat o,” iluk yogokhikhemo,

1 Korintus 12:9

Nen, at Agoreke opakiat iti nenat, at ageikhe etaiken Allah oba hakotdiluk motok dogoagaluk ninat wogokheregat. Nen, at Agoreke opakiat iti nenat, at ageikhe nen u hano hagarinakhe dogoagaluk obatne wogokheregat.

1 Korintus 13:2

Nen, Allah ane hano motok yogeisigik, wene akhuni inakla limago welagarek meke iti tha'bokhogonat nilu ageik, yi wene ti wene tha'bokhogonat niluat welageik, netaiken Allah oba motok hakotdiluk tom ageikhe obolukmo nen higikhogon werlekmake loagaluk yogosusak erlogat welageik, hagakhe dogolik mekeat he, akhuni aperek inebe nakmurogon dogogin dek halok he, we yugunat hagakhe dogosak o.

Ibrani 3:19

It iti inetaiken Allah oba hakotdigidek hagakhe lagoukha iti nen, thet wala ukusak motok erlok dek ageikhe, iluk nit yogotak hutdekhe lago o.