Matius 17:17 - ALLAH ANE WENW KET MEKE WAROGO WOKNINAKHIKHE WENE

¹⁷ Itithogon yogokhikhemo, at Yesus nen, men yogokhikhe, “Hit akhuni o yogotak welagap meke yi, hinetaiken noba hakotdigidek dogolik nuk akhekhe lagap yoma re! An hit ninom niki meren oba dogogun nogo. Hit nen nakla pugurakhe korlek nobakhanini hapugutdiluk niki meren dogogin,” iluk yogeisasikhesik nen, “Yekerek ithi an noba wolok witni o,” iluk yogeisasikhemo

Matius 17:17 ပူးပေါင်းရင်းမြစ်များ

Matius 13:58

Itithogon yogeisasikhe iti, it akhuni Nazaret meke etoma nen, inetaiken Yesus oba hakotdigidek, inakla meanetdiluk welagoukha iti nen, at o etoma dogolik hagasusak dek meke elalinat kokhogon hagakhidek herlekha'bugat anek hagakhikhe iti.

Matius 16:8

at Yesus nen ekagat hutdisasikhesik men yogeisasikhe, “Hit hinetaiken an noba aban hakotdigidek dogolik, Roti dek, iluk ekhe lagap iti nenaluk.

Matius 17:16

hat hagarumi hane waganiogei meke inoba wolok wagei mekeat he, it nen hagasusak erlok dek aga,” iluk yogokhikhe.

Matius 17:18

yekerek etnogo wolok wagoukhama mokat obabut weak meke akla ukiluk werekma Yesus nen wenagakhikhemo, dukhi lageikhemo eranogoat hano ageikhe.

Matius 6:30

Oka herleka o limoke welagarek iti, yogotak hak hano welagarethek nen, hubuluk hak hetumo hundisegarek mekeat he, Allah nen inasu isu hak hano meke hagarogo 'bisekherek iti hak, hinebe hasik, hanorogo ikhinabigin dek nogo? Ikhinabiginat o. Hinetaiken Allah oba hakotdu'buk yi re!

Matius 8:26

Itithogon yogokhukhama, at Yesus nen he, “Nenaluk hinayuk aga lagap? Hinetaiken an noba hakotdu'buk yoma re!” iluk ane ilik ilik melageikhesik hisakne etnogo inom, i hoklabu etnogo inom, “Haborlok,” iluk wenagakhikhemo, aborlok motok dek ageikhe.

Markus 16:14

Itithogon hagarik waga lageikhesik, ebe yabokane, it at Yesus agarumi inebe 11 nen emenogo hurek hipiri nasi werekma, “Inileken neoak,” iluk inoba ukisikhesik inelokhoma winam ageikhesik men yogeisasikhe, “Hit yoma hinakla nen eberogonat iluk apigidek hinakla pugat yoma re! Allah nen an nebe arat nilugutnakhemo werekma, it aperek nen inileken neegasik yokhisa ageikha mekeat he, hinakla nen eberogonat iluk apigidegat yoma re!” iluk wenageisasikhe.

Markus 9:19

Yogokhikhemo at nen it akhuni emenogo men yogeisasikhe, “Hit akhuni o yogotak welagap meke yi, hinetaiken noba hakotdigidek welagap yi re! Hit nen nakla pugurakhe korlek an nobakhanini hapugutdiluk niki meren oba ninom dogogun nogo. Yekerek ithi an noba wolok witni o,” iluk yogeisasikhemo oba wolok wagoukha.

Lukas 24:25

Itithogon yogokhukhama, at Yesus nen, “Eiye! Hinebe kepu a? Ap Allah ane yogeisekhe lagoukha meke emenogo nen wene tha'bokhogonat yogeisekhe lagoukha etnogo eberogonat iluk hit ibat hutdu'buk welagap yi re!

Lukas 9:41

Itithogon yogokhikhemo, at Yesus nen it akhuni doalegat emenogo men yogeisasikhe, “Ap yirani! Hit akhuni o yogotak welagap meke yi, hinetaiken noba hakotdigidek dogolik, nuk akhekhe lagap yoma re! Nakla pugurakhe lagap yoma niki meren oba nobakhanini hapugutdiluk ninom dogogun nogo!” iluk yogeisalok nen, ap etnogo men yogokhikhe, “Ha'but ithi wolok eme o,” iluk yogokhikhe.

Yohanes 20:27

yabokane at Tomas men yogokhikhe, “Hat hakla nen eberogonat iluk hetaiken noba hakotdigidek welagan itithogon dogogun o. Eberogonat iluk hakla apanok nen he, hiki haknealok, niki baga hileken niigik, nabelekenma thege elo hiki kola'igik, hagatluk nen, hetaiken noba hakotdino o,” iluk yogokhikhe.

La'isasikhe 13:18

Wogosik dukhi ageikhemo, it o limo akhuni inebe dekma etoma mo dageigik usigik hagakhe korlek, 40 tahun dogolik, at oba tiok-tha'bokhogonat hagakhe lagoukha mekeat he, at ane degat obakhanini hapugutdiluk hagasik welageikhe.

La'isasikhe 2:40

Wene ebe itithogon uanat ekhe dogolik, “Akhuni inobabut korlo hagariogei meke yoma, Allah nen ukum inoba 'bigin meke iti, here'isalok hinekaerek nen tilano o,” iluk inasuk wakhikhe.

2 Korintus 11:1

An nen wene herlekha'bugat akhuni kepu meke nen egarek hak igin yi re, wenaknikhidek, hinasuk holek dogobageik iluk yokhisigi. Hinasuk holek dogoni o.