Matius 16:6 - ALLAH ANE WENW KET MEKE WAROGO WOKNINAKHIKHE WENE

⁶ at Yesus nen men yogeisasikhe, “It ap Farisi meke inom, ap Saduki meke inom, eken hipiri roti meke hisuagaluk aklake usakharek iti hakene meke hago werek iti baga weagathinabinogo iluk, hinobabut hebelogo dogono,” iluk yogeisasikhe.

Matius 16:6 ပူးပေါင်းရင်းမြစ်များ

Matius 16:1

Dukhi ageikhesik werekma, it ap Farisi meke inom, it ap Saduki meke inom, Yesus obabut paluogoluk oba wagoukhasik, men yogokhukha, “Hat hebe hopase Allah pogot oba meke nen usa'agei agama wagan halok he, nit nen hutdaguok nen ninil oba elalin meke ageikhe hagasin ta,” iluk yogokhukha.

Matius 16:11

An nen roti hasik yokhisigidek mekeat he, iti nenaluk hutdigidek welagap? Eken roti hisuagaluk akla usakharek meke iti hakene, it ap Farisi meke inom, Saduki meke inom, hago werek iti nen hinobabut hebelogo dogobageik iluk yokhisigi o,” iluk yogeisasikhe.

Matius 16:12

Itithogon yogeisasikhemo, it emenogo hutdisukhasik nen, men isukha, “I. Wene ekhe iti, eken roti hikherek meke hasik yoknisekhe dek o. Iti re, it ap Farisi meke men, ap Saduki meke men, inawene yakulisegarek meke etnogo ninetaikenma ukisinogo iluk ninobabut hebelogo dogoagaluk yoknisekhe higi,” iluk hutdisukha.

Matius 16:5

At Yesus agarumi ane waganhe lagoukha meke emenogo inom i yekelek etnogo aik ilibaganke arat italhukhasik nen, agarumi inileken 'bikhasukha meke, roti obarlikmatdiluk lagoukhama nen,

Matius 16:7

Itithogon yogeisasikhemo, it-it wene ekhe dogolik, men isukha, “Roti etnogo ageikhe wolok wageidek iti nen ekhe higi,” iluk isinem

Matius 3:7

Itithogon, hagakho werekma, it ap Farisi meke aperek inom, ap Saduki meke aperek inom, inebe doalegat nen, “Nit ninomat ima usa'inanuak,” iluk oba wagunem yigithogon yogeisekhe lageikhe, “Hit warlo pelal nen itago meke yomarani! Hit nen Allah akla aga apik dageigin etnogo hinoba 'bisinem lo erlok lugun iluk tha nen husupi yokhisekhemo? Erlok dek o.

Markus 8:15

Italhukhasik Yesus nen inasuk warogo men yogeisasikhe, “It ap Farisi meke men, at Herodes men, eken hipiri roti meke hisuagaluk akla usakharek etnogo meke hakene werek iti baga weagathinabinogo iluk, hinobabut hebelogo dogono,” iluk inasuk wakhikhe.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 12:15

akhuni doalegat emenogo men yogeisasikhe, “Akhuni inameke doalegat welagarek iti baga iniluk welageikharek dek o. Yi meke ti meke an meke anek dogolep, iluk inakla apekhe dogunogo iluk hinobabut hebelogo dogono o,” iluk itithogon yogeisasikhesik

Yohanes 4:33

at agarumi ane waganhe lagoukha meke emenogo nen it-it hinok waganhe dogolik, men isukha, “Akhuni nen yi meke ti meke ageikhe at noagaluk wogosi ageikhama nen ekhe he a?” iluk isukha.

Galatia 5:9

Roti hisuagaluk eken hikherek meke hemurlugat akla 'bisinem tha'bokhogonat hisik dukhekherek hak, wene korlo meke iti nen hinebe tha'bokhogonat weagathinabik launogo iluk igi.