Matius 16:3 - ALLAH ANE WENW KET MEKE WAROGO WOKNINAKHIKHE WENE

³ Nen hubenke hinileken lakhalok nen, pogot oba erlamuk werek halok, hit nen, Miso wisigin, iluk egethep apigi. Pogot elokhoken hinileken penakherethep nen, Itithogon hagatlasigin, iluk hinetaiken ekerlek dogolik, obabut ekagat palu hinilu mekeat he, yi meke ti meke o yogotak hagatlariogo iti, hit hinilu asuagaluk hagatlariogo mekeat he, hutdigidek welagap yoma re!]

Matius 16:3 ပူးပေါင်းရင်းမြစ်များ

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

Matius 15:7

Hit hinoado baga anek hano thalek dogolik hinetaiken pere yi re! At Yesaya nen Allah ane yogeisekhe dogolik wene men isikhe iti, hit hinobasik mothogon isikhe higi,

Matius 22:18

at Yesus nen it ap inobabut weak ekagat palhikhesik nen, “Hit hinoado baga anek hano thalek dogolik, hinetaiken pere meke yi re! Nenaluk nobabut paluogoluk hagakhe lagap.

Matius 23:13

Itithogon yogeisasikhesik, it Allah ane holal waganek iteerek meke men, Farisi meke men, men yogeisasikhe, “Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit iti akhuni nopase pogot oba apma ukunogo iluk, hit nenat thu lakhe lagap yoma re! Hit hinekaerek ukigidek dogolik, it aperek ukuogoluk hagakhunem, hit nen, Ukusak dek o, iluk wene palhe lagap yoma re!

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Matius 7:5

Hinoado baga anek hano thalek dogolik hinetaiken pere yi re! Hinekaerek hinilekenma o palek kok meke iti tak wokhakhalok nen, hinileken arat lia aga halok he, yabokane hinagarlak lak hinerugi inilekenma amumuleke werek meke iti erlok wokhausak o,” iluk yogeisasikhe.

Lukas 11:44

Hit hinebe re, men hakene welagap. Akhuni watlagunem agatma thalinakharethek, inetai ekerlogo hurli 'bigidek here'isegarekma, akhuni inokodek dogolik inisok nen thebelogo 'bilik lageikharek hak, hit itithogon weak werek korlegat, akhuni inokodek dogolik hinom welagathep iti nen, eiye! Allah nen weagathinabigin o,” iluk yogeisasikhe.

Lukas 12:56

Hit hinoado baga anek hano thalek hinetaiken pere yi re! Pogot agat elokhoken hutdiluk nen, Itithogon hagatlasigin, iluk, hinetaiken ekerlekhogon dogolik, obabut ekagat palhethep mekeat he, o yogotak welago ya baga yigithogon hagatlasigin, iluk hutdigidek welagap iti nenaluk,” iluk yogeisasikhe.

Lukas 13:15

at ninoe Etagapogot nen, ap etnogo men yogokhikhe, “Hit hinoado baga anek hano thalek dogolik, hinetaiken pere meke yi re! Hit hinebe tha'bokhogonat niniki Allah hasik werlegat dogolik meke re, hinako sapi a, keledai a, ai halekma nen, thu hualogo herle hisalogo ula'isalok nen, i noagaluk wogosik lagathep dek nogo? Wogosik lagathebat o.

Ibrani 5:14

Meke re, it inarluetek anek he, inetaiken horle atlukmo nogo nen, wene yi weak, yi hano, iluk penasusak inilu nogo nen, hipiri a'bet meke it inapiri o.