Matius 16:26 - ALLAH ANE WENW KET MEKE WAROGO WOKNINAKHIKHE WENE

²⁶ Tha nen yi meke ti meke agat oba meke tha'bokhogonat iteerek asigin mekeat he, yabokane ebe nuk asigin halok, at nen, An ageikhe erlok thaburogo 'bakhigi, usak nogo? Motok dek o. Ebe nuk asigin iti obolukmo, nena meke ipisak oko 'busak nogo. Erlok dek o.

Matius 16:26 ပူးပေါင်းရင်းမြစ်များ

Matius 16:25

Nen, tha nen ekaerek nen, An nebe niluk dogosak warlok, iluk ebe irlirli horlagein halok he, watlatluk nuk akhagein o. Meke re, tha nen ebe irlirli horligidgek an nobasik watlaga halok he, ebe irlirli horlagein o.

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Matius 5:29

Halok he, hileken ebeke nen weagathabusak hagatlaga halok he, hemelogo la'isano. Hebe abisake hetu aikmo po la'ageinogo nen, hemelogo la'isalok ebelake anek werekma hano.

Lukas 12:20

at Allah nen, Ap yi, hetaiken motok dek yi re! Yogotak hibako yi arat hagurlagun kigikhogon ula'isasigin o. Ula'isa agunem, hameke motok doalegat natogorlogo 'bakhegen etoma tha ite asigin apegen, iluk itithogon yogokhikhe.

Lukas 16:25

at Abraham nen, men yogokhikhe, Na'but e! Hat hiluk dogolik nen, hano meke anek nikik, waganhik, hagakhe korlek, Lazarus yi anek he, weagat welageikhe meke etnogo hakla ebesin! Nen, yogotak, at Lazarus yi yoma wagasik akla hano agasik werek korlegat, hat anek he, hinet weak warekhe lagan iti.

Lukas 9:25

Nen, tha nen, yi meke ti meke agat oba meke tha'bokhogonat ite asigin mekeat, ekaerek ebe hasik weak akhalok nuk asigin halok he, ageikhe thabusogo hano horlekhe usak a? Motok dek o.