Matius 16:16 - ALLAH ANE WENW KET MEKE WAROGO WOKNINAKHIKHE WENE

¹⁶ at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Matius 16:16 ပူးပေါင်းရင်းမြစ်များ

Matius 1:16

Nen, Yakub nen Yusuf, he Maria agun etnogo itakhik, he Maria nen Yesus, nit nen Kristus ekhe lago etnogo itakhik, erloma nenat itaklarik wagoukha.

Matius 14:33

Dek ageikhemo, it ku akla welagoukha meke emenogo nen Yesus hogorakhe dogolik, “Hat eberogonat Allah a'but heogo o,” iluk yogokhukha.

Matius 16:15

Itithogon yogokhukhama, at Yesus nen, “It nen itithogon iliogei mekeat he, hit anek he, an nebe hasik tha apekhe lagap,” iluk yogeisasikhemo

Matius 26:63

at Yesus ane igidek thogotdisikhemo, at ap kok Allah iteerek meke etnogo nen he, “Allah a'but Kristus la'isigin isukha etnogo, ebe hat halok he, yoknisanok iluk, at Allah iluk motok welagarek meke etaga hupuk palogo yokhikhi o,” iluk yogokhikhemo,

Matius 27:54

Nen, ap tentara meke inoe kok inom, agarumi aperek Yesus thuam welagoukha meke emenogo inom, dugul luk-lagathigik, yi meke ti meke hagatlageik, hagakhikhe emenogo inileken hasukhasik nen, inayuk motok ageikhesik, “Ap yi re, Allah a'but eberogonat higi o,” iluk isukha.

Matius 4:3

Itithogon hipiri abu motok werekma, at Iblis inakla kagalik nekherek meke etnogo oba wageikhesik nen, “Hat Allah a'but eberogonat halok he, helekit ethoma hipiri roti meke hakene hagatlasuak nen yogosin o,” iluk yogokhikhemo,

Markus 14:61

ane igidegat huk ageikhe. Huk ageikhemo yabokane it ap Allah iteerek meke inoe kok etnogo nen, wene ageikhe men yogokhikhe, “Allah hogorakhe lago meke nen a'but Kristus la'isigin isukha etnogo ebe harat a?” iluk hinok waganhikheat.

Lukas 2:11

Yogotak tilhinabigin meke kok Etagapogot Kristus etnogo o ap Daud ai welageikhemo etnogo itaklagasik werek o.

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 11:27

at Marta nen he, men yogokhikhe, “Noe. Hat hebe Allah a'but Kristus, Allah nen wenago meldiluk la'isigin isukha etnogo, harat iluk, hutdagagi o,” iluk yogokhikhe.

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 6:57

An nopase iluk motok welagarek meke nen la'ani ageikhemo wagagi etnogo, at iluk welagarek iti nen an niluk welagarek hak, tha nen, an nebe neke halok, an niluk welagarek iti nen, at ilugat dogogin o.

Yohanes 6:68

Itithogon yogeisekhe lageikhemo, at Simon Petrus etnogo nen, men yogokhikhe, “Eiye. Noe. Ninebe niniluk motok dogosak hasik meke wene re, hat nen yoknisekhe lagan ha yoma re. Hat here'agaluk ap tha baga lausak apegen. Dek o.

Yohanes 6:69

Nit nen, ninoe hat Allah ekaerek hasik meldageiluk, eberogonat at nen la'agei ageikhemo ilu, hutdagagosik ninetaiken hat hoba hakotdiluk welago,” iluk itithogon yogokhikhemo,

La'isasikhe 14:15

“Ap yirani. Hit nikithogon hagakhe lagap. Nagarlak lak nerugi. Nit ninebe hit hakene akhuni mekeat. Meke re, hit nen yi meke ti meke weat meke hagakhe lagap iti here'isalok nen, hinobabut hebelatluk, hinelokhe Allah iluk motok welagarek meke iti wogosubageik nen iluk wene yokhisa ago meke o. At Allah iti, pogot men, agat men, i laut kok yekelek men, yi meke ti meke pogot oba, agat oba, ima welagarek meke men, walhasikhe meke o.

La'isasikhe 8:36

Yogorik motok holagarlem usekhe dogolik, i werekma usasukhasik, ap kok etnogo nen, “I werek yi 'bikhan. An ima usa'anusak apekhe lagei. E a? At he, ki meke aban welagei apegen,” iluk yogokhikhemo, [

La'isasikhe 8:37

at Filipus nen, “Noe. Hetaiken opakiat dogolik, Yesus oba hakotdegetik welagan halok he, ima usa'agousagat o,” iluk yogokhikhemo, at ap etnogo nen, “At Yesus Kristus iti, eberogonat Allah a'burat o, iluk nakla apigi,” iluk yogokhikhe.]

La'isasikhe 9:20

Itithogon welagoukha itinemat, o it akhuni Yahudi meke sembayan ekhe lagoukhama ukisikhesik, wene Yesus hasik yogeisekhe dogolik, “At Yesus iti, ebe Allah a'burat o,” iluk yogeisekhe lageikhe.

2 Korintus 1:19

At Allah a'but Yesus Kristus, an nebe nen yakulhisigik, Silas nen yakulhisigik, Timotius nen yakulhisigik, hagakhugu meke iti, obabut he, “I o,” iluk nen, “Dek o,” iluk ekherek dek. Allah nen, “I o. Wokhisagein,” iluk abok yoknisau hak, Yesus ebe woknisasikhemo werek iti.

2 Korintus 3:3

Hit hinebe, wene Kristus nen holal waganogo 'bisikhemo nit nen la'isugu meke hakene welagap o. Holal iti, disu apusu baga waganhidek mekeat he, Allah iluk motok welagarek etnogo Agoreke baga waganhikhe o. Nen, helekit thabia meke baga waganhidegat. Akhuni inetaiken obaat waganhikhe o.

2 Korintus 6:16

At Allah ai halek iti inom, kaneke iti inom, opakimo dapulusak nogo a? At Allah iluk motok welagarek meke ai halek he, nit ninebe yiat o. At nen he, men isikhe, “It inakla an nai halogo dogogin o. Inaklake etoma nekhe dogogin o. It inopase Allah anat dogogin o. Nen, an na'buri irat dogogun,” iluk isikhe iti nen,

1 Tesalonika 1:9

It nen wene men iliogeiat, “It akhuni o Tesalonika meke nen, Paulus lak inebe woginabiluk nen, Eberogonat, Allah iluk motok welagarek meke itiat o, iluk apma dogolik, at hasik hagakhik, at a'but pogot oba nen usasigin iti ebe therogo welageik, hagasuogoluk kaneke here'isalok, inelokhe dagakhogon Allah wogokhukhasik werek o. Allah nen a'but watlageikhesikmo ilugutdisikhe meke, ebe Yesus itiat o. Nen, Allah akla aga dageiluk ukum akhuni inoba 'bekhe dogolik, nit Yesus iti nenat tilninabigin o,” iluk, hinabok hano iliogeiat o.

1 Timotius 4:10

Allah ebe, yi akhuni ti akhuni tha'bokhogonat tilninakherek meke welagarek mekeat he, kok hakene re, nit ninetaiken at oba hakotdekhe lago meke tilninakherek iti nen, ninetaiken at iluk motok welagarek meke oba hakotdiluk, at hasik nina'it ageidegat, ninobatnerogon hagakhe lago.

Ibrani 10:31

Wene itithogon inoba 'bigin iti, nit weak hagakhunem ninebe Allah iluk motok welagarek meke ikimo 'binanhe halok, ninayuk motok asigin iti o.

Ibrani 12:22

It iti hakene meke baga wagoukha mekeat, hit anek he, tom Sion Allah iluk welagarek meke ai o kota yerusalem pogot oba meke baga wagap iti. Etoma malaikat motok doalegat inom

Ibrani 3:12

Halok he, nagarlak lak nerugi. Hit aperek hinobabut weak atluk, hinetaiken Allah iluk motok welagarek meke oba hakotdigidek dogolik, at ebe here'isalok hinapuke dukhi launogo iluk, hinobabut hebelogo dogono o.

Ibrani 9:14

It inoado itikmanke meke hasik sapi amep erlok dek meke baga erlok hano horinakhe lagoukha. Halok he, nit Kristus amep kok meke baga, “Wene hinoba dek,” iluk ninakla thelekhogon erlok motok 'binanherek o. Nit Allah iluk welagarek meke akla hanorogo hagakhe dogoagaluk, domba isi hano meke Allah warekhe lagoukha iti hak, at Kristus Allah Agoreke ikhok motok welagarek meke obatne baga, watlaga dogolik, ebe Allah wogokhikhe iti baga, nit alebat dek asigin meke we yugunat hagakhe lagagu meke, at nen, “Wene hinoba dek,” iluk, at amep oba ninakla thelekhogon 'binanhikhemo welago.

1 Yohanes 4:15

Tha nen, “Yesus iti Allah a'but,” iluk pakhogon yogeisekherek meke halok, at Allah nen at ipisak hunik motok, nen, at nen Allah ipisak hunik motok, welageikharek o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

1 Yohanes 5:5

Akhuni inobabut inikhogat dogolik weak hagakharek meke obatne degetdisalok inobatne ageikharek iti thani nen nogo? Iti nit nen, “Yesus iti Allah a'but,” iluk ninetaiken at oba hakotdogorek meke anegat o.

A'bikaka 7:2

It itithogon werek korlek, malaikat ninat ageikhe o mulikin dagei agarekma eloma nen Allah iluk motok welagarek meke asirlo wolok dukhi agasik, Allah nen it malaikat inebe 4 oba agat inom, i laut yekelek inom, weagatduagaluk iteerek 'bisasikhe meke emenogo men yogeisugunem holhi,