Matius 16:11 - ALLAH ANE WENW KET MEKE WAROGO WOKNINAKHIKHE WENE

¹¹ An nen roti hasik yokhisigidek mekeat he, iti nenaluk hutdigidek welagap? Eken roti hisuagaluk akla usakharek meke iti hakene, it ap Farisi meke inom, Saduki meke inom, hago werek iti nen hinobabut hebelogo dogobageik iluk yokhisigi o,” iluk yogeisasikhe.

Matius 16:11 ပူးပေါင်းရင်းမြစ်များ

Matius 16:1

Dukhi ageikhesik werekma, it ap Farisi meke inom, it ap Saduki meke inom, Yesus obabut paluogoluk oba wagoukhasik, men yogokhukha, “Hat hebe hopase Allah pogot oba meke nen usa'agei agama wagan halok he, nit nen hutdaguok nen ninil oba elalin meke ageikhe hagasin ta,” iluk yogokhukha.

Matius 16:12

Itithogon yogeisasikhemo, it emenogo hutdisukhasik nen, men isukha, “I. Wene ekhe iti, eken roti hikherek meke hasik yoknisekhe dek o. Iti re, it ap Farisi meke men, ap Saduki meke men, inawene yakulisegarek meke etnogo ninetaikenma ukisinogo iluk ninobabut hebelogo dogoagaluk yoknisekhe higi,” iluk hutdisukha.

Matius 16:6

at Yesus nen men yogeisasikhe, “It ap Farisi meke inom, ap Saduki meke inom, eken hipiri roti meke hisuagaluk aklake usakharek iti hakene meke hago werek iti baga weagathinabinogo iluk, hinobabut hebelogo dogono,” iluk yogeisasikhe.

Matius 3:7

Itithogon, hagakho werekma, it ap Farisi meke aperek inom, ap Saduki meke aperek inom, inebe doalegat nen, “Nit ninomat ima usa'inanuak,” iluk oba wagunem yigithogon yogeisekhe lageikhe, “Hit warlo pelal nen itago meke yomarani! Hit nen Allah akla aga apik dageigin etnogo hinoba 'bisinem lo erlok lugun iluk tha nen husupi yokhisekhemo? Erlok dek o.

Markus 4:40

Itithogon hagatlageikhemo, at Yesus nen, men yogeisasikhe, “Hit nenaluk hinayuk nen hagakhe lagap. Hinetaiken an noba aban hakotdigidek welagap a,” iluk yogeisasikhemo,

Markus 8:15

Italhukhasik Yesus nen inasuk warogo men yogeisasikhe, “It ap Farisi meke men, at Herodes men, eken hipiri roti meke hisuagaluk akla usakharek etnogo meke hakene werek iti baga weagathinabinogo iluk, hinobabut hebelogo dogono,” iluk inasuk wakhikhe.

Markus 8:21

at nen, “Meke re, hit wene aban hutdigidek welagap yoma re!” iluk yogeisasikhe.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 12:56

Hit hinoado baga anek hano thalek hinetaiken pere yi re! Pogot agat elokhoken hutdiluk nen, Itithogon hagatlasigin, iluk, hinetaiken ekerlekhogon dogolik, obabut ekagat palhethep mekeat he, o yogotak welago ya baga yigithogon hagatlasigin, iluk hutdigidek welagap iti nenaluk,” iluk yogeisasikhe.

Yohanes 8:43

Itithogon wagagisik wene yokhisekhe lagei meke hit hutdigidek welagap iti nenaluk. Itithogon welagap iti, an nane holek dogosak hina'it iti nen, hutdigidek welagap o.