Matius 16:1 - ALLAH ANE WENW KET MEKE WAROGO WOKNINAKHIKHE WENE

¹ Dukhi ageikhesik werekma, it ap Farisi meke inom, it ap Saduki meke inom, Yesus obabut paluogoluk oba wagoukhasik, men yogokhukha, “Hat hebe hopase Allah pogot oba meke nen usa'agei agama wagan halok he, nit nen hutdaguok nen ninil oba elalin meke ageikhe hagasin ta,” iluk yogokhukha.

Matius 16:1 ပူးပေါင်းရင်းမြစ်များ

Matius 12:14

Itithogon hagakhikhemo, it ap Farisi meke emenogo o silimo dukhisukhasik nen, Yesus wasuogoluk abok palhe lagoukha.

Matius 15:1

Itithogon hagakho werekma, it ap Farisi meke aperek inom, it ap Allah ane holal waganek iteerek meke aperek inom, o Yerusalem nen Yesus oba wagoukhasik nen, wene yigithogon yogokhukha,

Matius 16:6

at Yesus nen men yogeisasikhe, “It ap Farisi meke inom, ap Saduki meke inom, eken hipiri roti meke hisuagaluk aklake usakharek iti hakene meke hago werek iti baga weagathinabinogo iluk, hinobabut hebelogo dogono,” iluk yogeisasikhe.

Matius 19:3

U hano hagarinakhe korlek, it ap Farisi meke aperek wagoukhasik nen, Yesus obabut paluogoluk men yogokhukha, “Ap nen he, he waganek meke iti, wene kok meke, 'bugurlagat meke, oba 'bekhe dogolik, Na'it, iluk lologo here'isausak erlok a? Erlok dek a,” iluk yogokhukhama,

Matius 22:15

Yabokane, it ap Farisi meke nen, “Nit Yesus ileken waganogo oba hinok waganhunem, ane igin oba wene oba 'buok,” iluk abok palhe lagoukha.

Matius 22:18

at Yesus nen it ap inobabut weak ekagat palhikhesik nen, “Hit hinoado baga anek hano thalek dogolik, hinetaiken pere meke yi re! Nenaluk nobabut paluogoluk hagakhe lagap.

Matius 22:23

It emenogo arat lagoukhama nen, o iti bagaat, it ap Saduki meke nen, “Akhuni watlatluk iniluk asugun motok dek,” iluk egarek meke aperek Yesus oba wagoukhasik nen, men yogokhukha,

Matius 23:2

“It ap Allah ane holal waganek iteerek meke inom, it ap Farisi meke inom, at Musa nen wene Allah nen ninasuk wakhikhe meke etnogo yogeisekhe lageikhe iti hak, obolukmo it nen pilinerogo yakulisiliogei iti nen,

Matius 27:62

It akhuni Yahudi meke hubuluke iniki 7 baga Allah hasik werlegat dogouogoluk, yogotakne hak yi meke ti meke tik-tuk 'biluk, it ap Allah iteerek meke inougi koktek emenogo inom, it ap Farisi meke inom, inebe natogorlogo Pilatus oba lagoukhasik nen,

Matius 5:20

Allah akla apekherek meke mothogon hagasuogoluk, it akhuni nen Allah ane holal waganek iteerek meke emenogo inom, ap Farisi meke inom, inobabut hagariogei iti hagat, hagakhe dogogun halok, kok pogot oba meke apma 'bisekherekma etoma ukugun dek o. At he, it 'bugurlagat negen hagakharek meke, hit ebenageik kokhogon hagakhe dogogun halok anek ukugun o,” iluk yogeisasikhe.

Matius 9:11

Itithogon nasi werekma, it ap Farisi meke nen inileken kola'isalok, it ap Yesus ane waganhe lagoukha meke emenogo men yogeisasukha, “Hit hinoe wene yakulhisiliogo meke ithi, it ap uang pemerintah hasik kino iluk waganharek meke inom, it aperek weak hagarik nekharek meke inom, opakimo hurek latluk hipiri niliogei yi nenaluk,” iluk yogeisasukha.

Markus 10:2

Yakulisugunem, ap Farisi meke aperek Yesus oba wagoukhaat. Wagoukhasik men yogokhukha, “Yesus. Ap nen, he waganek meke lologo here'isausak erlok a? Erlok dek a,” iluk obabut paluogoluk hinok waganhukha.

Markus 12:15

at Yesus nen, “It ap yi an nukhetdanuogoluk inane 'bitokhogon yoknekha,” iluk inobabut ekagat palhikhesik nen, men yogeisasikhe, “An nobabut paluogoluk egep iti nenaluk. Uang perak yabu iniki opaki hasik hagakhunem iniki oko wogeisegarek etnogo meke ageikhe nileken hak nen, wagani lani o,” iluk yogeisasikhemo,

Markus 12:18

Yabokane, it ap Saduki meke nen, “Akhuni watlatluk iniluk asugun dek,” iluk egarek meke aperek Yesus oba wagoukha. Wagoukhasik at oba hinok waganhe dogolik men yogokhukha,

Lukas 10:25

Wene itithogon yogeisekhe lageikhemo nen, yabokane ap Allah ane holal waganek yakulisekhe lageikhe meke ageikhe Yesus obabut paligiluk oba wageikhesik, men yogokhikhe, “Noe. An niluk motok dogeik nen, nobabut nikithogon hagakhe dogeik,” iluk yogokhikhemo,

Lukas 11:16

it aperek nen, at Yesus obabut paluogoluk, men yogokhukha, “Hat hebe Allah nen la'agei agama wagan halok he, nit nen hutdaguok nen, hat nen elalin meke ageihe hagasin ta,” iluk yogokhukha.

Lukas 20:23

at Yesus nen, “It ap yi an nukhetdanuogoluk inane 'bitokhogon yoknekha,” iluk, ekagat hutdisalok nen, men yogeisasikhe,

Lukas 20:27

Itithogon werek korlek, yabokane it ap Saduki meke nen, “Akhuni watlatluk nen, yabokane iniluk asugun motok dek,” iluk egarek meke ebetlake Yesus oba wagoukhasik oba hinok waganhe dogolik, men yogokhukha,

Yohanes 8:6

Wene itithogon yogokhukha meke, Yesus ape baga wene oko isinem ekarli warogo wene oba 'buogoluk isukha mekeat, at ut thoma iluk iki sisik nen agat oba holal waganhikhe.

La'isasikhe 4:1

It Petrus Yohanes ipisak nen wene itithogon akhuni emenogo aban yogeisugunem eranogoat, it ap Allah iteerek meke men, Allah ai halek therogo welagoukha meke inoe kok meke men, ap Saduki meke men, inoba wagoukha.

La'isasikhe 5:17

Itithogon hagarinakhunem, ilugun oba, it ap Allah iteerek meke inoe kok meke agarumi inebe tha'bokhogonat inom, it iti akhuni Saduki meke inane waganhe lagoukha meke nen, it Yesus nen inayoko 'biluk la'isasikhe meke emenogo itithogon hagakhunem inoba ua palhe lagoukha. Itithogon ua palhe lagoukhasik, inebe ha'isalok nen, o akhuni iniki herle warogo 'bisegarekma 'bisasukha.

1 Korintus 1:22

It akhuni Yahudi meke nen ekhe dogolik, “Wene hutdusak he, elalin meke ageikhe hagatni o,” igik, it akhuni Yunani meke nen, “Wene hinakla kagoukhogon ageikhe yoknisani o,” igik, iluk egarek mekeat