Matius 15:27 - ALLAH ANE WENW KET MEKE WAROGO WOKNINAKHIKHE WENE

²⁷ Itithogon yogokhikhemo, at he etnogo nen, “I, noe. Eberogonat egen mekeat he, at ayeke iteerek iti hipiri o meja perlago baga nukunem, eken pilikhogon agat oba usekhe halok he, yeke iti nen nekeregat o,” yogokhikhe.

Matius 15:27 ပူးပေါင်းရင်းမြစ်များ

Matius 15:26

at Yesus nen he, “Yekerugi inapiri tilogo, yeke noagaluk po lagasumo erlok dek o,” iluk yogokhikhe.

Matius 15:28

Itithogon yogokhikhemo, at Yesus nen, “He yi neru o. Hat nen, At nen hagasigin, iluk hetaiken noba motok hakotdegen iti nen, hakla apegen iti tak-tagat hagathisigin o,” iluk isi korlek eranogoat, eak etnogo hano ageikhe.

Matius 8:8

“Eiye! Noe! An ap yekeregatma, hat an naila ukilausak erlok dek o. Halok he, hebe ya nen hane anek umo an natuaneke iti hano asigin o.

Markus 7:28

Itithogon yogokhikhemo, at he etnogo nen men yogokhikhe, “I noe. Eberogonat egen. Meke re, yekerugi nen hipiri meja perlago baga neke dogolik eken pilikhogon usa'isinem, yeke meja wema baga dogolik nekeregat o,” iluk isikhemo,

Lukas 16:21

'Bi agunem etoma witik dogolik, akla nen, Ap kok meke etnogo apiri nukunem nen eken pilikhogon o sirlapon oba usasinem natogorlogo nelabut hethokhogon neke dogole e, iluk apasi werekma, yeke witluk nen, agalumo oba emenogo a'bi nen melanethigik neke lageikhe.

Lukas 18:13

at ap pemerintah hasik uang kino iluk natogokherek meke etnogo anek he, ebe walegat metek dogolik uroak usageik ileken pogot oba liakhigidek ayukhogon dogolik, iki nen etaiken huselekhe dogolik, men isikhe, Allah nopase o! An weak hagakherek meke yi, hakmu nean o, iluk yogokhikhe.

Roma 10:12

It akhuni Yahudi meke ninat, nen, akhuni itikmanke meke ninat, usak dek. Nit tha'bokhogonat ninopase Etagapogot, Allah opakiat o. Nen, at nen wogeisoagaluk ayoko 'begarek meke inebe tha'bokhogonat kokhogonat wogeisekherek o.

Roma 3:19

It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.

Roma 3:29

At Allah nit akhuni Yahudi meke anek ninopase nogo? It itikmanke meke ninomat ninopase dek nogo? Eberogonat akhuni itikmanke meke ninomat ninopase o.

Roma 3:4

Motok dek o. Akhuni inebe dopok inane inekalat isi halok he, Allah ane eberogonat anek ekherek, iluk wene holal waganogo 'bekhe dogolik, men isukha, “Hat Allah hane eberogonat anek isinem eberogonat anek agarek. Akhuni nen erlok degetdagouogoluk hagakhunem, hat erlok dek agatek dek o. Hobatne anek agatek,” iluk holal waganogo 'bisukha iti.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.