Matius 15:18 - ALLAH ANE WENW KET MEKE WAROGO WOKNINAKHIKHE WENE

¹⁸ Meke re, wene inape baga nen dukhekherek iti re, inetaikenma nen kagalogo dagei agarek iti nenat inebe weagarinakherek o.

Matius 15:18 ပူးပေါင်းရင်းမြစ်များ

Matius 12:34

Hit hinebe warlo nen itago meke yomarani! Akhuni nen yi wene ti wene inapema nen egarek iti, inakla kerlek dogolik kagalogo dagei agunem egarek iti nen, hit he, hinobabut weagat dogolik, wene hano meke ekhe dogosak a? Erlok dek o.

Matius 15:11

“Wene igin yi hit hutdubageik nen, hinasuk hanorogo holini o. Yi meke ti meke inapema kola'egarek iti nen inebe weagarinakherek dek o. Meke re, inape baga nen wene egarek iti bagaat weagarinakherek o,” iluk yogeisasikhe.

Matius 15:17

Yi meke ti meke nasinem nen, inapemake nen, piokthek inelabutla usalok nen, yabokane inamiso usi lageikharek etnogo hinokodek a?

Markus 7:20

Wene itithogon yogeisekhe dogolik, ageikhe men yogeisasikhe, “Wene inakla nen kagalogo dagei agunem ulakharek iti nenat inebe weagarinakherek o. Itithogon inakla nen weak meke ebekhe dogolik hagakharek yi: homagarlugi yugunat ha'isigik, iniki abusak waganhik, akhuni inakhik, ap inagugi meke param ha'isigik, inakla nen, Akhuni aperek inameke an meke anek dogolep, iluk apigik, yi weak ti weak ageikhe hagakhik, inekalat nukhetdisigik, inekarli dek hagakhik, ua palhik, inabok wiik-weak palhik, inekaerek nen hogorakhigik, inetaiken dek hagakhik, hagakharek iti.

Lukas 19:22

Itithogon yogokhikhemo, at ap kok etnogo nen, Nagot. Hat hobabut weak motogat hagakhen o. Hat hane egen iti bagaat wene hoba 'biluk weagathabigin o. An nobabut a'bet weak dogolik, an nen 'bigidek meke horligik, ai an nen yakhidek mekeat, eken palhigik, hagakherekma, nobabut hat hilu halok he,