Matius 15:15 - ALLAH ANE WENW KET MEKE WAROGO WOKNINAKHIKHE WENE

¹⁵ Itithogon yogeisasikhemo, at Petrus nen he, men yogokhikhe, “Noe. Wene oba lisogon yoknisegen iti ebe pakhogon yoknisan o,” iluk yogokhikhe.

Matius 15:15 ပူးပေါင်းရင်းမြစ်များ

Matius 13:18

Itithogon yogeisasikhesik, ageikhe men yogeisasikhe, “Wene ap ageikhe ai hilik lageikhe, iluk oba lisogon yokhisigi etnogo, ebe erlo yokhisagein yi hutdini o.

Matius 13:36

Itithogon yogeisasikhesik nen, akhuni doalegat emenogo etoma werek korlek, at Yesus ebe uma ukisikhemo, at agarumi ane waganhe lagoukha meke emenogo oba ukisukhasik nen, men yogokhukha, “Wene, oka weak meke wen oba nen dukhisikhe meke oba lisogon yakulnisegen etnogo ebe pilinerogo yoknisan o,” iluk yogokhukha.

Matius 15:16

Itithogon yogokhikhemo, at Yesus nen, “Hit meneke re, it hinom tak-tagat wene iti aban hutdigidek welagap a?

Markus 4:34

It akhuni aperek yakulisagaluk halok he, wene oba likhik anek yakulisekhe lageikhe mekeat he, at agarumi ane waganhe lagoukha meke emenogo anek he, inom inasokneat dogolik, wene ebe thelekmaat pakhogon yogeisekhe lageikhe.

Markus 7:17

akhuni doalegat emenogo itikmanke 'bisalok, at Yesus uma ukisikhemo at agarumi ane waganhe lagoukha meke emenogo nen men isukha, “Wene oba lisogon yoknisegen iti, ebe ki meke hasik yoknisegen,” iluk oba hinok waganhukha.

Yohanes 16:29

at Yesus agarumi ane waganhe lagoukha meke emenogo nen, men yogokhukha, “Noe. Yogotak hat nen wene oba lisogon yoknisigidek. Pakhogon anek yoknisegen o.